Kanada baş naziri Mark Karni qlobal güc balanslarının yenidən formalaşdığı bir dövrdə Türkiyənin beynəlxalq sistemdəki rolu ilə bağlı qiymətləndirmələr aparıb.

Reyting.az xəbər verir ki, baş nazir Türkiyəni NATO üçün həyati əhəmiyyətli, region üçün əsas tərəfdaş adlandırıb.

Karni həmçinin Türkiyəni NATO üçün “həyati əhəmiyyətli” müttəfiq adlandırıb.

Baş nazir iki ölkə arasındakı münasibətlərin, xüsusən də ticarət və sənaye sahələrində əhəmiyyətli dərəcədə genişləndirilə biləcəyini vurğulayıb.

“Bir neçə məqamı vurğulamaq istərdim. Bunlardan biri də Türkiyənin NATO-da həyati əhəmiyyətli tərəfdaş olmasıdır. O, həmçinin dünyanın çox vacib və bəzən çətin bir bölgəsində əsas tərəfdaşdır. Bundan əlavə, çox böyük imkanlar var. Türkiyə ilə ticarət əlaqələrimizi dərinləşdirə biləcəyimiz bir çox sahələr mövcuddur”, - Kanada lideri qeyd edib.

Karni bildirib ki, o, ötən ilin sentyabr ayında Nyu-Yorkda Türkiyə prezidenti Ərdoğanla bu məsələlərlə bağlı müzakirələrə başlayıb və əlaqələrin davam edəcəyini bildirib.

Karni əməkdaşlığın müdafiə və nüvə sahələrini də əhatə edə biləcəyini deyib ki, bu da münasibətlərin əhatə dairəsinin olduqca geniş olduğunu göstərir.

“Türkiyə qabaqcıl istehsal da daxil olmaqla, qlobal istehsalda aparıcı ölkələrdən biridir. Şübhəsiz ki, birlikdə işləyə biləcəyimiz sahələr var”,- deyə Karni əlavə edib.

E. KAMAL