Pete Hegset 

ABŞ müdafiə naziri Pete Hegset 12 fevralda NATO müdafiə nazirlərinin əsas görüşündə iştirak etməyəcək. Nazirin görüşdən imtina etməsi Vaşinqtonun Alyansa sadiqliyi ilə bağlı əlavə suallar doğurur.

Reyting.az xəbər verir ki, bu barədə “Politico” nəşri Avropa və ABŞ-dakı mənbələrinə istindla yazıb.

Müdafiə nazirini görüşdə onun müdafiə siyasəti üzrə müavini Elbridqe Kolbinin əvəz edəcəyi gözlənilir.

Qeyd edək ki, Kolbi Pentaqonda xidmət edən üçüncü ən yüksək vəzifəli mülki məmurdur və ABŞ vitse-prezidenti Vensin yaxın müttəfiqidir. O, Pentaqon daxilində Avropaya qarşı sərt mövqe tutan və dünyada, xüsusən də hərbi baxımdan daha az aktiv Amerika rolunu müdafiə edən təcridçi ABŞ xarici siyasətinin qatı tərəfdarı hesab olunur. O, həmçinin dəfələrlə təxirə salınan ABŞ qoşunlarının Avropadan çıxarılması üçün planların hazırlanmasına məsuldur.

Kolbi həmçinin ötən həftə yayımlanan və Avropanın reytinqini aşağı salan, habelə Vaşinqtonun ABŞ-ı müdafiə və ya Çinə qarşı işləri “prioritet” verəcəyini bildirən yeni ABŞ müdafiə strategiyasının hazırlanmasından da məsul olub.

Onu da qeyd edək ki, bu, Hegsetin NATO iclasını buraxdığı ilk hal deyil.

Keçmiş NATO sözçüsü Oana Lungesku bildirib ki, bu addım “ABŞ-nın müttəfiqlərinin narahatlıqlarını lazım olduğu qədər diqqətlə dinləmədiyinə dair daha bir siqnal göndərmək riskidir”.

V. QULİYEV