2025-ci ildə Rusiyada 81 jurnalistə cinayət işi açılıb.

Reyting.az xəbər verir ki, bu barədə Media Hüquqlarını Müdafiə Mərkəzinin hesabatında bildirilir.

Qeyd olunur ki, bu göstərici 2024-cü illə - rusiyalı jurnalistlər arasında cinayət məsuliyyətinə cəlb edilən 45 şəxsin məhkəmə işi ilə - müqayisədə iki dəfə çoxdur.

Jurnalistlərə qarşı ən çox tətbiq olunan maddələr "xarici agent" öhdəliklərindən yayınma (28 nəfər), ordu barədə "saxta məlumat yayma" (12), terrorçuluğa bəraət qazandırma (8), "arzuolunmaz" təşkilatların fəaliyyəti (7) və hədə-qorxu ilə tələb etmə (6) olub.

Hesabata görə, cinayət işinin 18-i ekstremizm və terrorçuluq maddələri üzrə açılıb.

2024-cü ildə Rusiya məhkəmələri yerli jurnalistlərə qarşı 27 cinayət işi, 2025-ci il ərzində isə təxminən 41 hökm çıxarıblar. Dövlət tərəfindən edilən təzyiqlərin əsas hədəfi "xarici agentlər", eyni zamanda, "arzuolunmaz" media qurumlarında çalışan əməkdaşlar olub. Nəticədə bir il ərzində "xarici agentlər" reyestrinə adı salınan şəxslərin sayı 219 nəfərə çatıb.

Hesabatda qeyd olunur ki, "Dojd", "Meduza", "The Barents Observer", "Exo" və "Deutsche Welle" nəşri ilə bağlı qərarlar, eyni zamanda Rusiya Federasiyasında və ölkə xaricində fəaliyyət göstərən rusdilli mediaya nəzarət daha da sərtləşdirilib.

Oqtay QORÇU