"Ştutqart” avtomobil ehtiyat hissələri satış mərkəzində satıcı vəzifəsində çalışan Fərhad Rəfiyev başına gətirilən oyunlar barədə şok faktlar açıqlayıb.

Məlumat üçün bildirək ki, "Şturtqart" mağazalar şəbəkəsinə Masallı rayonundan millət vəkili seçilmiş Nəriman Əliyevin bacısı oğlu Əfqan Abdullayev müdirlik etsə də, işin başında duran əsas fiqurun deputatın özü olduğu bildirilir.

Qeyd edək ki, şikayətçi Fərhad Rəfiyev 2007-ci ildən "Karkas” avtomobil ehtiyat hissələri dükanında satıcı vəzifəsində çalışıb. Daha sonra isə "Karkas” mağazalar şəbəkəsinin adında dəyişiklik edilərək "Ştutqart” adı altında fəaliyyət göstərməyə başlayıb.

Şikayətçinin qeyd etdiyinə görə, evi daputatın bacısı oğlu Əfqan Abdullayevin, avtomobil isə deputatın qardaşı oğlunun adına keçirilib.

Bundan sonra zərərçəkmiş Fərhad Rəfiyev özünə borc-xərclə yenidən iş qursa da, Əfqan Abdullayev Fərhadı hədələyib və deyib ki, "sən kartof-soğan sat, amma daha avtomobil hissələrinin satışı ilə məşğul olma, çünki sən bizə rəqib ola bilərsən".

Şikayətçinin valideynləri də təsdiq edir ki, Əfqan Abdullayev oğlu Fərhad Rəfiyevə hədə-qorxu gələrək onun daşınmaz əmlakını əlindən alıblar. Belə ki, oğlunun avtomobilini hədə-qorxu və təhdidlərlə əlindən aldıqdan sonra evini də əlindən alıblar: "Evimizə polis göndərib, oğlunu aparıb, hədə-qorxu gəliblər. Evini, maşınını alıblar".

Fərhdaın anası Prezident İlham Əliyevə, Birinci vitse-prezident Mehriban Əliyevaya üz tutaraq, başlarına açılan oyunların qarşısını alınmasını xahiş ediblər. Hətta bunun üçün Youtube kanalında video-müraciət də yayıblar.(Mia.az)