Sabiq səhiyyə naziri Əli İnsanova qarşıirəli sürülən yeni ittihamlar tam təfərrüatı ilə bəlli olub. O, Cinayət Məcəlləsinin 3 maddəsi ilə ittiham olunur.

Reyting.az Modern.az-a istinadən bildirir ki, sabiq nazirin vəkili Toğrul Babayev belə deyib. Məlumata görə, hazırda Qaradağ Rayon Məhkəməsində Əli İnsanovun işinə baxılır.

Eks-nazir Əli İnsanov Cinayət Məcəlləsinin 234.1 (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama), 315.2 (hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olmayan zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etmə və ya zor tətbiq etmə hədəsi ilə hədələmə, bu maddədə göstərilən şəxslərə qarşı həyat və sağlamlıq üçün təhlükəli olan zor tətbiq etmə) və 317-2.1-ci (cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi, eyni əməllər təkrar törədildikdə) maddələri ilə ittiham olunur.

**

Məlumata görə, istintaq hərəkətləri aparılıb, dindirmə olsa da, Əli İnsanov ifadə verməkdən imtina edib. O, irəli sürülən ittihamların heç birini qəbul etməyib.

Vəkili bildirib ki, sabiq nazirin Cəzaçəkmə Müəssisəsindən təcridxanaya etap olunması ilə bağlı qərar qəbul olunmalıdır.

T.Babayev Ə.İnsanovun həbsdən azad edilməsinə 1 ay 27 gün qaldığını da bildirib(APA).