Avropa Birliyi (AB) Ukraynaya kömək etmək üçün dondurulmuş Rusiya aktivlərindən istifadə planına düzəliş edib. Blok Belçikanın qorxularını nəzərə almağa və ABŞ-ın Rusiyanı sülhə inandırmaq üçün vəsaitlərdən istifadə etmək imkanını açıq saxlamağa çalışır.

Reyting.az-ın məlumatına görə, AB indi Kiyevə növbəti iki il ərzində təxminən 105 milyard dollar kredit verməyi təklif edir ki, bu da əvvəlkindən (cəmi 186 milyard dollar nəzərdə tuturdu-red) azdır.

Bu qərar Tramp administrasiyasının potensial sülh planının bir hissəsi kimi istifadəni təklif etdiyi ehtiyatları qoruyub saxlayacaq.

Avropa rəsmiləri bildirirlər ki, yeni plan vəsaitlərin əksəriyyətinin saxlanıldığı Belçikadakı narahatlıqları aradan qaldırmağa kömək edəcək. Brüssel, Moskvanın aktivlərinin istifadəsinə etiraz edə biləcəyi təqdirdə böyük maliyyə riskləri ilə üzləşəcəyindən narahatdır.

Bəzi rəsmilər deyirlər ki, plan, həmçinin ABŞ rəsmiləri Rusiya və Ukrayna ilə birbaşa danışıqlar apardığı üçün Avropaya sülh prosesində təsir imkanı verir. Avropa İttifaqnın vəsaitlərə qarşı sanksiyaları ləğv etmək barədə razılığı olmadan vəsait Rusiyaya qaytarıla bilməz.

“Bugünkü təkliflərlə biz Ukraynaya sülh danışıqlarını güc mövqeyindən müdafiə etmək və irəli aparmaq üçün vasitələr təqdim edəcəyik”, - deyə Avropa Komissiyasının prezidenti Ursula fon der Lyayen bildirib.

Aİ Rusiyanın 2022-ci ildə Ukraynaya tammiqyaslı işğalından sonra tətbiq edilən sanksiyalar çərçivəsində Rusiya mərkəzi bankında təxminən 245 milyard dollarlıq aktivlərə malikdir. Aktivlərin təxminən 55 milyard dolları ABŞ-da və digər ölkələrdə saxlanılır. Bu aktivlər Ukrayna iqtisadiyyatını ayaqda qalmaqda çətinlik çəkdiyi bir vaxtda onun üçün xilaskar olacaq. Kiyev müdafiə səylərini maliyyələşdirmək və Rusiya zərbələri nəticəsində dağıdılmış həyati əhəmiyyətli infrastrukturun bərpası arasında qalıb.

Ukrayna prezidenti Vladimir Zelenski uzun müddətdir Rusiyanın Ukraynaya təzminat ödəməsini istəyir və iddia edir ki, Rusiya aktivlərindən istifadə Kiyevin üzərinə düşən yükü azaldacaq, Moskvanı təcavüzünə görə hesab ödəməyə məcbur edəcək.

V. QULİYEV