Prezident Donald Trampın son şərhləri fonunda ABŞ dolları dörd illik minimuma düşüb. Bu, dollar satışının artmasına və digər valyutaların bahalaşmasına səbəb olub. Avronun dəyəri isə 2021-ci ilin iyun ayından sonra ilk dəfə (1,20) dollardan yuxarı qalxıb.

Reyting.az “Reuters”ə istinadla bildirir ki, Trampdan valyutanın çox aşağı düşüb-düşmədiyini soruşduqda, dolların dəyərini “möhtəşəm” elan edib. Treyderlər onun şərhlərini dollar satışını gücləndirmək üçün bir siqnal kimi qəbul ediblər. Prezidentin şərhləri yeni bir şey olmasa da, dolların təzyiq altında olduğu bir vaxta təsadüf edib.

“Bu, ABŞ dollarına inam böhranını göstərir. Görünür, Tramp administrasiyası gözlənilməz ticarət, xarici və iqtisadi siyasətini davam etdirdiyi müddətcə bu zəiflik davam edə bilər”, - deyə Capital.com-un baş bazar analitiki Kayl Rodda bildirib.

Qeyd olunur ki, dollar 2025-ci ildə 9 faizdən çox düşüb və ilə aşağı məzənnə başlayıb, yanvar ayında isə təxminən 2,3 faiz ucuzlaşıb. İnvestorlar Trampın ticarətə və beynəlxalq diplomatiyaya qeyri-sabit yanaşması, ABŞ Federal Ehtiyat Sisteminin müstəqilliyi ilə bağlı narahatlıqlar və dövlət xərclərinin kütləvi şəkildə artmasına diqqət çəkirlər.

V. QULİYEV