Ukrayna İqtisadçılar Komitəsinin sədri Andrey Novak 2026-cı ildə yığımların qorunması üçün pul vəsaitlərinin qrivna, dollar və avrodan ibarət "üç səbət"də saxlanılmasını tövsiyə edib.

Reyting.az-ın məlumatına görə, A. Novak deyib ki, Ukraynanın yerli valyutası kimi qrivna ən yüksək faiz gəliri versə də, dollar və avro inflyasiya ilə devalvasiyadan qoruyur.

Novak böyük yığımlar üçün daşınmaz əmlakı və torpağa investisiyanı məsləhət görüb.

Proqnozlarının reallığına şübhə etməyən ukraynalı iqtisadçı qeyd edib ki, kriptovalyutalar təhlükəyə atılmaq deməkdir.

Novak bildirib ki, o, yüksək risk səbəblərindən kriptovalyutaları tövsiyə etmir.

İqtisadçı sonda xatırladıb ki, "Morgan Stanley" qlobal investisiya bankı və maliyyə xidmətləri şirkətinin analitikləri 2026-cı ilin II rübünə qədər avronun 1,30 dollara qədər bahalaşacağını proqnozlaşdırıblar.

Oqtay QORÇU