Pastorun dəhşətli əməlləri: ölüləri lənətləyib, kilsədə çılpaq ritual üçün sauna tikdirib və...

Bir intihar hadisəsi Allahla birbaşa əlaqəsi olduğunu iddia edən keşişin iyrənc əməllərini üzə çıxarıb. Hətta məlum olub ki, həmin keşiş kilsədə sauna tikdirməklə çılpaq ayinlər də təşkil edib. Bu keşişin əməlləri barədə bir-birinin ardınca 13 şikayət məktubu göndərilsə də, əvvəlcə müvafiq qurumlar onun 19 illik dəhşətli fəaliyyətinə əhəmiyyət verməyiblər.

Reyting.az-ın məlumatına görə, 2020-ci ildə İngiltərənin paytaxtı Londonun şimal-qərbindəki Bukingemşirdə baş verən hadisədə bütün gözlər Marqaret kilsəsinə çevrilib.

Kilsənin keçmiş üzvlərindən biri olan şəxs intihara əl atıb və səbəb kimi kilsənin keşişi Mixail Hallı göstərib.

19 il kilsədə çalışan keşişə qarşı ittihamı araşdırmağa başlayıblar. Polis 20 ilə yaxın davam edən imandan sui-istifadə halları ilə yanaşı, ağıllara gəlməyən hadisələri də üzə çıxarıb.

Rev Mixail Hall 1981-2000-ci illərdə Marqaret kilsəsində pastor vəzifəsində çalışıb. 19 il kilsədə hər şeyə cavabdeh olan Halldan zaman-zaman şikayət edilsə də, vəzifəsini yerinə yetirməyə davam edib. İnsanları əzmək üçün şiddətə əl atan və hər il şiddəti artıran Hall zamanla “Bully Pastor” adı ilə tanınmağa başlayıb.

Hall kilsəni erkən tərk etmək istəyənlərə qarşı sərt davranıb, hətta xidmətdə saxlamaq üçün yığıncaqda bəzi üzvləri yumruqlayıb. Amma dini qurumlara çoxsaylı şikayətlər edilsə də, heç biri ciddiyə alınmayıb.

Tamamlanmış araşdırma nəticəsində paylaşılan hesabatda qeyd olunur ki, Kahin tiran insanların hissindən sui-istifadə edib, kilsə yığıncağına təsir göstərmək üçün tez-tez müqəddəs mətnlərdən istifadə edərək insanlarda cəhənnəm qorxusunu artırıb. Bütün bunlar baş verərkən kilsə üzvləri psixoloji zorakılığa məruz qalmalarından xəbərsiz olublar.

Din xadimi olana qədər boksla məşğul olan Hall sanki qəliblənmiş bədənini güclü natiqliyi ilə birləşdirərək qarşısıalınmaz bir insana çevirilib. Yığıncaq üzvlərini ona itaət etmək üçün İncildəki mətnlərdən istifadə edən Hall, xidmət zamanı uşaqlar da daxil olmaqla, yığıncaq üzvlərinə qarşı aqressiv davranıb. Tez-tez camaat üzvlərini (kilsə üzvlərini) aşağılayan Hall 4 saata yaxın davam edən ayinlərdə hətta “Camaatdan kənar heç kiminlə dostluq etməyin”,- tövsiyəsini də verib. Qrupu kənara qapalı saxlamaqla yığıncaq üzvlərinə kilsədə baş verənləri danışmamağın bir yolunu tapdığını düşünən keşiş xüsusilə gəncləri hədəf alaraq onlara valideynlərindən daha yaxın olmağa çalışıb.

Yığıncaq üzvlərinə çılpaq və həssas əlaqəni təşviq edən Hall kilsədə tikdirdiyi saunada camaat üzvləri ilə çılpaq mərasimlər keçirib.

Bundan əlavə, o, ölüləri lənətləyib, onlar üçün bidətçi kahinlik ayinini yerinə yetirib.

Hall insanları evlərini və digər qiymətli əşyalarını kilsəyə bağışlamağa razı salmağa çalışıb, bunu var-dövlətin və zənginliyin pis olması ilə əlaqələndirib.

Hall yığıncaq üzvlərinə deyib ki, Allahla yalnız onun birbaşa əlaqəsi var və onları yalnız o xilas edə bilər.

Müsahiblərdən bəziləri Hall ilə gənc yaşda tanış olduqlarına diqqət çəkərək, keşişin bəzən uşaqların ombalarından çimdiklədiyini də bildiriblər.

Oksford Yeparxiyasının araşdırması davam etdiyi ərəfədə keşiş Mixail Hall 88 yaşında vəfat edib. Hall ailəsinin araşdırmalara dəstək vermədiyi açıqlanıb. Yeparxiyadakı yüksək səviyyəli kilsə rəhbərlərinə 13 şikayət məktubuna baxmayaraq, bəzi kilsə rəsmilərinin də onun davranışını bəyəndiyi və dəstəklədiyi iddia edilir.

1987-2006-cı illərdə Oksfordun keçmiş yepiskopu olan Lord Harries, Hallın ölkəni sarsıdan davranışı haqqında bunları deyib:

“Bütün baş verənlərdən sonra bu dəhşətli vəziyyətə son qoya bilməməyin 3 əsas səbəbi var:

Birincisi odur ki, Hall hamını qorxudurdu.

İkincisi, Hall ona böhtan atan hər kəsi məhkəməyə verəcəyini demişdi və xüsusən də zorakılığa meylli olduğuna görə hamını qorxutmuşdu.

Üçüncüsü, İngiltərədəki bir çox kilsə rəsmiləri və həmkarları ilə yaxşı münasibətləri var idi”.

Hallın davranışı nəticəsində zərərçəkənlər baş verənlərdən ciddi şəkildə təsirləndiklərini deyirlər.

Oksford yeparxiyası tərəfindən dərc olunan hesabatda qeyd edilir:

“Möhtərəm Hall qurbanlarında dəyərsizlik, özünə şübhə, özünü günahlandırma və səhv etmək qorxusu kimi müxtəlif psixoloji pozğunluqlara səbəb olub. Qurbanlar depressiyadan, travmatik stress pozğunluğundan və psixi pozğunluqdan əziyyət çəkiblər. Ən dəhşətlisi odur ki, Hall təqaüdə çıxdıqdan sonra da bu işlərini davam etdirib”.

V. QULİYEV

Ana səhifəyə dön