Artıq çəkidən əziyyət çəkən şəxs 542 kiloqram arıqlayıb

Səudiyyə Ərəbistanında yaşayan Xalid bin Mohsen Şaarinin 22 yaşı olsa da, çəki problemi səbəbindən evdən çıxa bilməyib. Şaarinin çəkisi 610 kiloqram olub və artıq çəki səbəbindən səhhətində ciddi problemlər yaranmağa başlayıb.

Reyting.az xəbər verir ki, piylənməyə qarşı mübarizədə əhəmiyyətli işlər görən daxili xəstəliklər mütəxəssisi doktor Ayça Kaya Şaarinin bu xəstəlikdən qurtulmasından danışıb.

Ayça Kaya deyib ki, Xalid bin Mohsen Şaari kiçik yaşlarından həmyaşıdları kimi məktəbə getmək, yoldaşları ilə küçələrdə dolaşmaq, gəncliyin haqqını vermək istəyib. Ancaq həyatı boyu mübarizə apardığı çəki səbəbindən bunları edə bilməyib. O, getdikcə pisləşən səhhətinə görə, yataq xəstəsi olub, hətta çarpayısında sağdan sola dönə bilməyib. İşlər nəzarətdən çıxmağa başladığı üçün Şaari həyatı ilə bağlı vacib bir qərar verib. Çünki ya sağlamlığını təhlükəyə atan artıq çəkidən qurtulmalı, ya da həyatı ilə vidalaşmalı idi.

Sağlam şəkildə arıqlamaq üçün həkimə müraciət edən Şaarinin çarpayısı kranın köməyi ilə qaldırılaraq xəstəxanaya aparılıb. Həkimlər Şaarinin piylənmə probleminin əsas səbəbini araşdırmaq üçün işə başlayıb. Məqsəd həm fiziki, həm də psixoloji olaraq tətbiq olunacaq müalicə planı ilə Şaarini həyata qaytarmaq olub.

Xəstəxanada aparılan araşdırmalar nəticəsində məlum olub ki, Şaari dünyada qeydə alınan ən çox kilolu ikinci insandır. Həkimlərin müalicə planı ilə “dirilmə əməliyyatına” başlayan Şaari çox çətin bir yol qət edib. Həkimlərin ona uyğun gördüyü plana əməl etməkdə qərarlı olan Şaari əvvəlcə mədəsindən ağır əməliyyat keçirib, daha sonra həkimlərlə birlikdə izlədiyi pəhrizlə tədricən arıqlamağa başlayıb. Arıqladıqca yavaş-yavaş hərəkətini bərpa edən Şaari, əvvəlcə aşağı templə başlayan məşqləri tədricən artırıb və özündə müsbət irəliləyişlər hiss edib.

Bir çox fiziki problemləri olsa da, qarşılaşdığı emosional çətinliklər əslində daha çox olub. İlk növbədə, o, illərdir davam edən yanlış yemək vərdişi ilə üzləşib. Qida ilə əlaqəsinin psixoloji aspektlərinə diqqət yetirmək böyük dözüm tələb edib və o, fiziki cəhətdən çətin bir prosesə girdiyi üçün böyük bir sınaq altında olduğunu anlayıb.

Şaariyə cərrahi və psixoloji müalicələrə əlavə olaraq balanslaşdırılmış pəhriz proqramı verilib. Bu ciddi proqram sayəsində 6 ayın sonunda 610 kilodan 320 kiloya düşüb.

2013-cü ildə başlayan müalicə daha 5 il fasiləsiz davam edib. İllər ərzində artıq çəkisinin çoxu ilə vidalaşan Şaari 2018-ci ildə daha bir əməliyyat keçirib. O, bu dəfə artıq çəkisindən sonra bədənindən asılmış dəriləri çıxartdırmalı olub. Son əməliyyatdan sonra 5 ilin sonunda cəmi 542 kiloqram arıqlayıb. Hazırda 32 yaşında olan Şaari sağlam və xoşbəxtdir.

Ayça Kaya Xalid bin Mohsen Şaarinin 500 kilo arıqlamaı qeyri-adidir. Təbii ki, hər kəsin ağlına gələn suallar onun bu qədər arıqlaması və sağlam qalmağı necə bacarması ilə bağlıdır. Arıqlamanın sürəti və zamanının əhəmiyyətli olduğunu söyləyən A. Kaya bir insanın bir ayda bədən çəkisinin maksimum 10 faizini, minimum isə 1-2 faizini itirə biləcəyini söyləyib: “Çəkisi 610 kiloqram olan Şaarinin nisbətlərinə görə, bu vəziyyətdə gördük ki, ayda 55-60 kiloqram arıqlamaq normaldır. Sürətli arıqlamada birtərəfli detoks və birtərəfli pəhriz kimi üsullar insan sağlamlığı üçün uyğun deyil və orqanizmdə problemlər yaradır. Belə pəhrizlər daxili orqanlara da mənfi təsir göstərir”.

Bu cür artıq çəki itkisindən sonra alınacaq ən böyük tədbirin davamlı qidalanma modeli olduğunu vurğulayan həkim, arıqlamaq qədər bunu qoruyub saxlamağın da vacib olduğunu vurğulayıb: “Xəstələr müəyyən çəki altına düşdükdən sonra köhnə qeyri-sağlam yemək vərdişlərinə qayıdırlar və “bir dəfə arıqlamışam, yenə arıqlaya bilərəm”,- deyirlər. Eyni şey mədə əməliyyatı keçirənlərin 100-də 30-da belədir. Bu, nəzərə alınmalı ən vacib məqamdır”.

Həddindən artıq yeməyi tətikləyən çoxsaylı səbəblər olduğunu ifadə edən A. Kaya deyib ki, istifadə olunan dərmanlar, qalxanabənzər vəzin zəif işləməsi, insulin müqaviməti, şəkər xəstəliyi, metabolik vəziyyətlər, hormonal problemlər və psixologiya çox əhəmiyyətlidir:

“Nəhayət, piylənmənin müalicəsinə multidisipliner şəkildə yanaşmaq lazımdır. Şaarinin kilo vermə prosesində bunlar açıq şəkildə nəzərdən qaçırılmadı”.

V. QULİYEV

Ana səhifəyə dön