Bakı-Quba yolunda iki avtobus toqquşub, ölən və çoxsaylı yaralı var

Bakı-Sumqayıt yolunda iki avtobus toqquşub, xeyli sayda yaralı var.

Reyting.az xəbər verir ki, qəza Bakı-Quba yolunun 29-cu kilometrliyində qeydə alınıb.

Məlumata görə, 42 nömrəli marşrut avtobusu Bakı-Sumqayıt istiqamətində hərəkət edən digər marşrut avtobusu ilə toqquşub, 10-dan çox yaralının olduğu bildirilir.

***

Son məlumata görə, Bakı-Quba yolunun Ceyranbatan ərazisindən keçən hissəsində baş verən qəzada 1 nəfər ölüb, 18 nəfər yaralanıb.

***

Respublika Təcili və Təxirəsalınmaz Tibbi Yardım Mərkəzinə saat 11:20 radələrində Bakı-Sumqayıt magistralında yol-nəqliyyat hadisəsinin baş verməsi səbəbilə çağırış daxil olub.

Tibbi Ərazi Bölmələrini İdarəetmə Birliyindən (TƏBİB) bildiriblər ki, hadisə yerinə 8 təcili tibbi yardım briqadası cəlb olunub. Təcili tibbi yardım briqadası tərəfindən hadisə yerində bir nəfərin həkiməqədər ölümü qeydə alınıb.

Qəza nəticəsində xəsarət alan digər 18 nəfər müxtəlif dərəcəli bədən xəsarətləri ilə Sumqayıt Tibb Mərkəzinin nəzdində olan Təcili Tibbi Yardım Xəstəxanasına hospitalizasiya olunub.

Müxtəlif dərəcəli bədən xəsarətləri alan şəxslərdən ikisi reanimasiyaya yerləşdirilib. Vəziyyətləri ağır qiymətləndirilir. Digər şəxslərə isə zəruri tibbi yardımlar göstərilir. Vəziyyətləri orta ağır qiymətləndirilir.

***

Daxili İşlər Nazirliyi Bakı-Sumqayıt yolunda baş verən qəza ilə bağlı məlumat yayıb.

Bakı-Sumqayıt yolunda iki avtobusun iştirakı ilə baş verən yol-nəqliyyat hadisəsi ilə bağlı Baş DYP İdarəsindən bildirilib ki, avqustun 2-si saat 11 radələrində Bakı-Sumqayıt avtomobil yolunun 29-cu kilometrliyində Hüseynov Nazim Kazım oğlunun Bakı-Sumqayıt ekspres marşurut xətti üzrə idarə etdiyi “NEOPLAN” markalı, 99-JH-667 dövlət qeydiyyat nişanlı avtobus qarşıda gedən Yunusov Adil Şəmil oğlunun idarə etdiyi, 42 nömrəli marşurut xətti üzrə hərəkətdə olan “İSUZU” markalı, 50-DO-539 dövlət qeydiyyat nişanlı avtobusla toqquşub.

Toqquşmadan sonra “İSUZU” markalı avtobus yoldan çıxaraq aşıb və nəticədə 1 nəfər sərnişin hadisə yerində həyatını itirib. Əraziyə yol polis əməkdaşları cəlb edilib, faktla bağlı araşdırma aparılır.

***

Bakı-sumqayıt yolunda baş verən qəza zamanı ölən şəxsin kimliyi məlum olub.

Reyting.az xəbər verir ki, o, 2006-cı il təvəllüdlü Ağayeva Məryəm Maqsud qızıdır.

***

Bakı-Sumqayıt yolundakı avtobus qəzasında ölən və yaralananların adları açıqlanıb.

Reyting.az xəbər verir ki, hadisə nəticəsində 1 nəfər ölüb, 19 nəfər yaralanıb.

Qəzada ölən və yaralananların adlarını təqdim edirik:

1961-ci il təvəllüdlü Cəfərova Həqiqət Sahib qızı

***

1986-cı il təvəllüdlü Kərimova Seide İldırım qızı

1989-cu il təvəllüdlü Əliyeva Məryəm Qabil qızı

1980-cı il təvəllüdlü Memmedova Vüsalə Məmməd qızı

2002-ci il təvəllüdlü Memmedova Xeyalə Məhəmməd qızı

2005-ci il təvəllüdlü İsgəndərova Nərgiz Məmməd qızı

2016-cı il təvəllüdlü Allahverdiyeva Gülay Əhməd qızı

1965-ci il təvəllüdlü Hüseynov Nizami İlyas oğlu

1996-cı il təvəllüdlü Əliyeva Əsbət Əlişan qızı

1967-ci il təvəllüdlü Quliyeva Südabə Əflatun qızı

1963-cü il təvəllüdlü Həsənova Zenfira Cavanşir qızı

1982-ci il təvəllüdlü Qasımova Sevda Hajan qızı

1999-cu il təvəllüdlü Abasov Ceyhun Mamed oğlu

2007-ci il təvəllüdlü Quluzadə Elcan Hörmət oğlu

1971-ci il təvəllüdlü İsgəndərova Məmmədağa İsgəndər oğlu

2017-ci il təvəllüdlü Əliyev Habil Qəzənfər oğlu

1993-cü il təvəllüdlü Nəsirov Orxan Hidayət oğlu

2005-ci il təvəllüdlü Nəsirov Yusif Çərkəz oğlu.