Qiyamət balığı yenidən görünüb

Son 120 ildə Qiyamət balığının okeanın səthində 20 dəfə peyda olmasını çoxu pis əlamət hesab edib. Bir çoxlarının fikrincə, bəlaların xəbərçisi sayılan bu nadir növlü və daim dərinlikdə gizlənən Qiyamət balığı yenidən okean səthində, Kaliforniya sahillərində peyda olub.

Reyting.az xəbər verir ki, bu barədə "IFLScience" elmi nəşri yazıb.

Məlumdur ki, okeanlar planetin səthinin 70 faizdən çoxunu əhatə edir və inanılmaz sayda canlıların yaşadığı bir aləmdir. Ən
nadir və ən qəribə hesab edilən bir çox su canlısının okeanın dərin və alaqaranlıq zonasında yaşamağa meylli olmasıdır. Bu heyvanlar nadir hallarda səthdə görünür.

Ümumiyyətlə, son illər müxtəlif okeanlarda bəzi insanların nadir növlərdən hesab olunan nəhəng Qurşaq balıqları ilə qarşılaşması barədə çox sayda xəbərlər yayılır. Bu balıq növlərinin uzunluğu 4 metrə çata bilər və insanlar əvvəllər onların gümüşü lentə bənzər bədənlərini fəlakətlər mesajı kimi qəbul edirdilər. Həyəcan doğuran yeganə fakt isə bu növlərin nümayəndələrinin də "Qiyamət gününün xəbərçisi" olan balıqlar kimi tanınması və qəbul edilməsidir.

Qeyd edək ki, "Strapfish" adlanan, "Qiyamət gününün xəbərçisi" sayılan balıq, ilk dəfə 1901-ci ildə Skripps Okeanoqrafiya İnstitutu ilə əməkdaşlıq edən bir qrup elm adamı tərəfindən kəşf edilib. O vaxtdan bəri insanlar bu balığı 20 dəfə görə biliblər. Bu dəfə isə Kaliforniya sahillərindəki qayıqçılar təsadüfən daima zülmət, dərinlik sevən sözügedən həmin dəniz canlısı ilə qarşılaşıblar.

Şahidlərin sözlərinə görə, balıq təxminən 3,7 metr uzunluğunda olub və təəssüf ki, onu diri ələ keçirmək mümkün olmayıb. "Qiyamət xəbərçisi" olan bu balıq mübarizəyə inad, əzmlə atılmadığından çox tab gətirməyib və tez ölüb. Lakin Qiyamət balığını laboratoriyaya çatdırmaq mümkün olub. Alimlər onların gizli həyat tərzi haqqında daha çox elmi məlumat öyrənməyə ümid edirlər.

Tədqiqatçılar bildirirlər ki, Qiyamət balıqları adətən "Alatoranlıq dairəsi" adlandırılan ərazidə və təxminən okeanın 200-1000 metrə qədər dərinliyində yaşayırlar. Burada onlar nisbətən tək həyat tərzi keçirir - plankton, xərçəngkimilər, həm də kalamarlarla qidalanır, bəzən isə artıb çoxalmaqdan ötrü öz növləri ilə görüşürlər.

Elm adamları bu balıq növlərinin bəzən niyə sahilə çıxdığını dəqiq bilməsələr də, bunun çox güman ki, zədə, xəstəlik və ya oriyentasiya pozğunluğu səbəbindən baş verdiyi düşünürlər.

Yeri gəlmişkən, yapon folklorunda, qədim rəvayətlərdə və miflərdə belə balıqların suyun üzünə çıxması zəlzələ və sunamilərin xəbərçisi olduğuna işarə sayılır.

Qiyamət balığının görsənməsini yanğına yanacaq əlavə edən bir dəniz balığı kimi qiymətləndirənlər xüsusi qeyd edirlər ki, bu həyəcanlı hadisədən iki gün ötməmiş Los-Ancelesin cənubunda Kaliforniyada 4,4 bal gücündə zəlzələ baş verib.

Oqtay QORÇU

Ana səhifəyə dön