Dicey qızın Putinin övladı olduğu iddia edilir

Rusiya prezidenti Vladimir Putinin övladı olduğu iddia edilən və dicey kimi tanınan Luiza Rozovanın üzərindən Putinin vəfat etmiş dostunun adı olan sənədlər tapılıb.

Reyting.az-ın xarici KİV-lərə istinadla verdiyi məlumata görə, prezident Putinin qızı olduğu iddia edilən Yelizaveta Krivonoqixin (Bu qız həmçinin Luiza Rozova kimi də tanınır) Yelizaveta Oleqovna Rudnovanın adına olan Rusiya pasportu da var.

V. Putinin iddia edilən qızının gizli sənədlərlə, yəni Rudnova soyadı altında Parisdəki nüfuzlu təhsil müəssisəsində oxuduğu, həm də "ICART" adlanan Parisin İdarəetmə və İncəsənət Məktəbində təhsil aldığı bildirilir.

Araşdırma aparan jurnalistlər sənədlərlə sübuta yetiriblər ki, 2021-ci ildə "Sirena Travel" Avia bron sistemində həmin ilə aid iki təyyarə bileti aşkar edilib. Bu biletləri eyni şəxs alsa da, Yelizaveta Krivonoqix ilə eyni ildə və eyni gündə doğulan, həm də bütün bioqrafik məlumatları tamamilə eyni olan Rusiya vətəndaşı Yelizaveta Oleqovna Rudnova adlı qadın da alıb.

Rudnova bu biletləri alan zaman Yelizaveta Krivonoqixin əvvəllər istifadə etdiyi telefon nömrəsindən - yeməklərin çatdırılması xidmətlərindən xüsusi sifariş verəndə və onlayn alış-veriş saytlarında qeydiyyatdan keçəndə, üstəlik, Paris şəhərində elektrik skuterinin icarəsi vaxtı qeydiyyatdan keçmiş bu mobil telefonun nömrəsindən istifadə edib.

Müxtəlif mənbələrdən daxil olan tutarlı dəlillər və məlumatlar da təsdiq edir ki, Krivonoqix ilə Rudnova adlı qadın əslində eyni şəxsdir.

Hava səyahətləri ilə bağlı məlumat bazasına görə, 2021-ci il avqustun əvvəlində Yelizaveta Rudnova beynəlxalq pasportla təxminən iki dəfə Soçidən Sankt-Peterburqa uçub. Bir dəfə isə hətta müəmmalı fiqur kimi tanınan və Putinə yaxın çevrənin üzvü olan, müxtəlif dairələrdə özünü insanlara iş adamı kimi təqdim edən İvan Verbitskinin belə Luiza ilə eyni zirehli təyyarədə uçduğu, Putinin qızının hansısa işlərini qaydaya saldığı deyilir.

"Yandex"-in qida məlumat bazasına görə, 2021-ci ildə Verbitski prezidentin doğma şəhəri Sankt-Peterburqdakı elit, eləcə də bahalı restoranlardan Krivonoqixlə eyni ünvana çatdırılma yeməklər sifariş edib.

Rudnova soyadının seçilməsi belə "heç də təsadüfi deyil". Oleq Rudnov Rusiya prezidentinin maraqları naminə dəfələrlə Kremlin işinə yarayan, "incə tapşırıqlar" yerinə yetirən bir şəxs kimi Putinin çoxdankı dostudur.

"Layihə" araşdırmalar mərkəzi ilə bərabər "Agentlik" nəşri və Ukraynanın "TCH" telekanalı tərəfindən bu il, noyabr ayının 27-də təqdim edilən Rusiyanın dövlət başçısı Vladimir Putinin qızı Luiza ilə bağlı materiallar çox böyük əks-səda doğurub.

Sənədlərə görə, Luiza yenidən bu şəhərə dönüb. Daha sonra isə prezidentin övladı 2006-cı ildə Sankt-Peterburq şəhərinin mərkəzində 200 metrlik bir mənzil alıb.

Nəşr yazır: "Bir məsələni də xüsusi olaraq vurğulamaq lazımdır ki, Vladimir Putinin köhnə dostu, heç vaxt öz sağlamlığından şikayət etməyən piterli Oleq Rudnov 2015-ci ildə qəfildən vəfat edib”.

Rusiya prezidenti Vladimir Putinin iddia edilən qızı haqqında ilk dəfə 2020-ci ildə dərc edilən "Layihə"-nin araşdırmasında məlumat verilib. Nəşr həmçinin daha bir faktı da qeyd edib ki, Putinin qızı olan bu qadının anası Svetlana Krivonoqix Rusiya prezidenti ilə yaxın tanışlığının sayəsində "Rossiya" bankında pay alıb.

Kreml rəsmiləri isə yazılanları tamamilə sərsəm istintaqa bənzədiblər. Vladimir Putinin 21 yaşlı dicey Luiza Rozovanın atası olması ilə bağlı materialları çox əhəmiyyətsiz adlandıran Kreml dərc olunan yazıları, araşdırmaları "təxribatçı, sarılıq xəstəliyinə tutulmuş" qeyri-ciddi medianın xəstə təfəkkürlü uydurmaları adlandırıb.

Oqtay QORÇU

Ana səhifəyə dön