Müəmmalı okean hadisəsi qeydə alınıb

ABŞ-nın Milli Aeronavtika və Kosmos İdarəsinin (NASA) kosmik peykləri hələ ki, izahı mümkün olmayan okean hadisəsi qeydə alıblar. Qeydlərdən məlum olur ki, okean öz üzərində dairələr çəkir və onları bir saniyə ərzində silir. NASA alimləri bununla bağlı agentliyin rəsmi saytının səhifəsində çox maraqlı material da yerləşdiriblər.

Reyting.az-ın məlumatına görə, tədqiqatçıların bildirdiyi kimi, sanki uzaq kosmos yenidən Yer kürəsinə təəccüblə baxır. NASA, eləcə də ESA peyklərinin çəkdiyi fotolardan da görsənir ki, okeanların müxtəlif sulu ərazilərində çox mükəmməl formaya malik olan, həmçinin su sərhədləri açıq-aydın seçilən nəhəng burulğanlar var.

Alimlərin fikrincə, okean sahələrindəki dairələr qəfildən yaranır, çox böyük sürətlə fırlanır və sonra yox olur. Sanki kimsə, yaxud da şüurlu bir qüvvə onları düymə ilə söndürür.

Burulğanların diametri onlarla kilometrə çatır. Peyk məlumatlarına əsasən, bir neçə saatdan bir neçə günə qədər okean dairələri yaranır və yoxa çıxır.

Tədqiqatçılar onların bəzilərinin isti, bəzi hissələrin isə soyuq olduğunu söyləyirlər. Lakin həmin proses zamanı onların heç biri külək şəraitinə uyğun gəlmir, üstəlik, məlum okean axınları ilə əlaqəsi yoxdur, çünki fəaliyyətlərində hava, yaxud sualtı vulkanik aktivləşmələr də görsənmir.

Tədqiqatçıların belə bir müəmmalı okean dairəsi barədə fikirləri belədir:

"Onlar heç bir şeyin olmadığı yerlərdə görünürlər".

Mütəxəssislərin ehtimallardan biri budur ki, bu burulğanlar səthdən görünməyən suyun tam temperaturunda və həmçinin sıxlığındakı dərin qradiyentlərdən əmələ gəlir.

Alimlərin digər fərziyyələrinə görə, sualtı tektonika, mikro cərəyanlar və hətta Ayın təsiri ilə də belə hadisələr baş verə bilər. NASA tədqiqatçıları belə bir müəmmalı okean hadisəsini dərindən öyrənməklə yanaşı, həm də bildiriblər ki, bütün bunlar fərziyyələrdir və elmi izahı yoxdur.

Qeyd olunur ki, hazırda heç bir nəzəriyyə burulğanların meydana gəlməsinin qanunauyğunluğunu və onların qəfil bu cür yoxa çıxmasını elmi cəhətdən izah edə bilmir.

Digər ehtimal dəqiq elmi yozumu olmayan və həmçinin çox sayda ehtimal nəzəriyyələrinə əsaslanır. Eyni zamanda da alimlər okeanlardakı bu cür sərhədli, eləcə də tezliklə yoxa çıxan sirli dairələri fizika hadisəsi sayırlar. Lakin müasir elm, xüsusilə NASA alimləri əsasən "okean anomaliyaları"-nı yaradan səbəbləri öyrənirlər. Tədqiqatçılara görə, bundan əvvəl irəli sürülmüş nəzəriyyələr, bütün ehtimallar və fərziyyələr tamamilə yanlışdır.

NASA tədqiqatçılarının dediklərindən, aparılan kosmik peyk müşahidələrindən belə nəticəyə gəlmək olar ki, artıq dünya okeanlarına sadəcə uçurum kimi yox, canlı kimi yanaşmaq lazımdır.

Oqtay QORÇU

Ana səhifəyə dön