Daha bir məmurun sərvəti – Milyonluq villalar, böyük biznes şəbəkəsi...

Son vaxtlar ölkə KİV-lərində ayrı-ayrı məmurların sahib olduqları biznes, daşınmaz əmlak, dəyəri milyonlarla hesablanan var-dövlət haqqında məlumatlar dərc olunur. Onların arasında deputatlar da var.

Ölkə qanunvericiliyinə görə isə, millət vəkilinin və vəzifəli şəxslərin bizneslə məşğul olması birbaşa qadağan olunur. Həmçinin, sərvətlərinin siyahısı yayılan məmurların həmin var-dövlətə yalnız uğurlu biznes sayəsində nail olduqlarını söyləmək belə gülüncdür, nəinki iddia etmək.

Ən azından bunu vəzifədən azad olunan nazirlər, məmurlar haqqında sonradan açıqlan cinayət işlərində görürük. Dövlət büdcəsindən vəsaitlərin necə talanması haqda bu cinayət işlərində onlarla faktlar mövcuddur.

Və mətbuat həmin məmurların korrupsiya əməlləri barədə vaxtilə informasiyalar yaysa da, bu işlə mübarizə aparmalı dövlət qurumları heç bir hərəkət etmirdi.

İndi də eyni vəziyyətdir. Ölkə parlamentinin sədrindən tutmuş hansısa ASC sədrinin müavininə kimi bir çox məmurun dəyəri milyonlarla hesablanan sərvəti haqda siyahılar yayılır...

ASC demişkən... "Azəravtoyol" ASC-nin sədr müavini Əvəz Qocayevin də sərvətlərinin siyahısı yayılıb. Siyahıya baxın:

1. "Ocaq" ailəvi restoran ( Binəqədi, Digah yol kəsişməsi 4)

2. Yasamal, Xətai, Sabil rayonlarında "Ocaq" (restoran, kafe, art) şəbəkəsi

3. Tovuz rayonu Əyyublu kəndində böyük ferma, artezian quyular

4. Port Bakunun üstündə sahəsi 130 kv.m olan 3 otaqlı mənzil

5. "NN" Gözəllik salonları şəbəkəsi (şəhərin müxtəlif yerlərində - qızı Xatirə Qocayeva idarə edir)

6. H. Əliyev küçəsində "Real” MTK-də 380 kv.m olan ofis (ASAN xidmətin arxası)

7. Binəqədi rayonu, Cəfər Xəndan küçəsi 28, mənzil 23 ünvanında sahəsi 155 kv.m olan 4 otaqlı mənzil

8. Özəl və dövlət banklarında arvadı Tamella Qocayevanın adına 10 milyon manat depozit (arvadının və ayrı-ayrı şəxslərin adına rəsmiləşdirilmiş, təkcə bu depozitlərdən 12 faizlə aylıq gəlir təxminən 200 min manat)

9. Hazırda oğlu Anar Qocayev İnterpol Baş İdarəsində rəis müavini vəzifəsində çalışır.

10. Köhnə "Varovski"da 3 mərtəbə villa

11. Novxanıda ayrı-ayrılıqda 3 villa

12. "Star-M” MTK-da ümumi sahəsi 320 kv.m olan 7 otaqlı iki mənzil

13. "REAL" MTK-da 4 otaqlı (sahəsi 185 kv.m) mənzil

14. Port Bakuda 150 kv m daha bir mənzil

15. Binəqədi rayonunda böyük torpaq sahələri

16. Moskvada mənzil, Türkiyədə məşhur Leventdə mənzil

17. Qızı Xatirə Qocayevanın adına 2 milyon depozit

18. Şüvəlanda villa

19. Özünə və ailsəinə məxsus "Rang Rover", "Audi Q7", "Sklass Mercedes"," Porche", "BMW" markalı bahalı avtomobillər

20. Tovuz rayonunun özündə və Əyyublu kəndində tikinti materialları mağazası

21. Dərnəgüldə tikinti materialları mağazası

22. Bacısı Afət Qocayeva Əyyublu kənd orta məkətibinin direktorudur.

23. Bir tender şirkəti, "Polat Qapı Yol" şirkəti ilə şəriklik və s...

yenisabah

Ana səhifəyə dön