Qod Nisanovun böyük biznesi: “Food City” SVX-nin ətrafında kimlər fırlanır?

Moskva meri Sergey Sobyaninin, əslən azərbaycanlı iş adamı Qod Nisanovun yaratdığı milyardlıq “Food City” biznesində payı olduğu bildirilir.

Reyting.az xəbər verir ki, belə bir iddia ilə “Nezıqar” teleqram-kanalı çıxış edib.

“The Moskow Post” saytında Anna Arxangelskaya isə yazır ki, FGX-nin (Federal Gömrük Xidməti) keçmiş rəisi Andrey Belyaninovun və adı qalmaqallı işləri “yoluna qoymaqda” hallanan kommersant Kamo Avaqumyanın da bu “işdə” iştirakları ehtimal olunur. Yəni belə bir şey mümkündür?!

“The Moscow Post”un müxbirləri bu məsələnin dərinliyinə baş vurmağa və Nisanovun aktivlərindən daha kimlərin “qidalandığını” aydınlaşdırmağa çalışıblar:

“Məsələn, Belyaninov çətin ki təkbaşına “işləyir”. FGX-nin keçmiş şefinin adı o qədər qalmaqallı işlərdə hallanıb ki, güclü “himayədarı” olmasaydı, yəqin ki, çoxdan “içəridə” olardı. O halda isə “Rostex” şefi Sergey Çemezovun maliyyə maraqları aşkara çıxa bilərdi, çünki sabiq gömrükçü onlar barədə lap çoxdan məlumatlıdır. Bundan başqa, Çemezov, Kamo Avaqumyanın biznes strukturlarına milyardlıq müqavilələr “hədiyyə edib”! Axı “həm bizimkilərin, həm də sizinkilərin” Qod Nisanovun paytaxtdakı “yem təknəsindən” yeməsi asan məsələ deyil!”

“The Moscow Post” yazır ki, Moskva merinin Nisanovun, yaxud İliyevin biznes işlərinə “sevgisi” açıq-aşkar saysız-hesabsız inşaat layihələri barədə car çəkir. Kommersantların “Zaryadye” parkında iki restoranları, bu parkın yaxınlığındakı Varvarka küçəsində çoxfunksiyalı, hoteli olan kompleksləri var:

Velozavodsk bazarının, Şelkovsk avtovağzalının, “Olimpiyskiy” kompleksinin yenidən qurulması layihələri də onların əlindədir. Bundan başqa, “Moskva”, “Sadovod”, “Food City” bazarları, “Qrand” biznes mərkəzi, “Panorama” ticarət mərkəzi, “Radisson Royal Moscow” turizm firması da onlara aiddir və siyahı bunlarla bitmir.

Lakin Nisanovun gözləri, deyəsən, doymaq bilmir. O, öz əbədi tərəfdaşı Zarax İliyevlə birlikdə başqalarının layihələrini də “qapazlamağı” bacarır. Belə bir oyunu onlar “SDI Qrup”un həmtəsisçisi İlqar Hacıyevin başına açıblar. Hacıyevin dediyinə görə, onların ucbatından bütün tikinti biznesi tamamilə əlindən çıxıb.

Hazırda İlqar Hacıyev Londondadır, çünki Rusiyada ona qarşı bir neçə cinayət işi qaldırılıb. Nisanov bu işdə köhnə biznes şəriklərindən olan Albert İmanilovun köməyindən istifadə edib. İlqar Hacıyevin biznesinin necə “qəsb olunması” haqda “The Bell” saytı ətraflı yazıb.

İliyev və Nisanov leqal fəaliyyət göstərməyi o qədər də xoşlamırlar. Ancaq bu məsələdə maraq doğuran başqa bir şeydir. İnternetdə “Food City”, xüsusilə də, Qod Nisanov və Sergey Sobyanin münasibətləri haqqında yayılan çarxda Hacıyev şəhər başçısının onlarla şərikli işlərindən danışıb. Hacıyev deyib ki, “məndə Nisanovun Sobyaninə bütün əməliyyatlardan 12 faiz verməsi haqda bütün sənədlər və sübutlar var. Şirkətin ümumi dövriyyəsinin 12 faizi Sobyaninə çatırdı. Özü də nağd pul şəklində. Bu pulları nağdlaşdırmaq üçün biz Nisanovun komandasına əlavə olaraq 18 faiz ödəyirdik. İsayın (Zaxaryayevin) bu pullarını isə adamlar “Sadovod” vasitəsilə gətirirdilər.

Hacıyevin sözlərinə inanmaq olarmı? Onda belə çıxır ki, Sergey Sobyaninin həqiqətən Nisanovun işlərindən və “işdəklərindən” xəbəri var və biznesmenin zibillərini ört-basdır edərək və büdcədən xımır-xımır qoparıb yeməyə davam edir? Həm də bunları edərkən Nisanovun kriminal dairələrlə əlaqələri barədə yayılan şayiələrə məhəl qoymur?! Bəlkə, söhbət həqiqətən “yağlı tikədən”, sanballı paydan gedir?

Qod Nisanovun böyük biznesi: “Food City” SVX-nin ətrafında kimlər fırlanır?

Nisanov Moskva meri ilə ümumi dil tapıb?

“Food City” bazarında doğrudanmı Qod Nisanovla birlikdə “Avilon” diler holdinqinin qalmaqallı sahibləri Kamo Avaqumyan və Aleksandr Varşavski də “işləyə” bilərlər? Bundan başqa, bu cütlük zarafata salıb himayədarı da təmin edəcək? Məsələ burasındadır ki, “Avilon AQ” (Avtomobil Qrupu) güc strukturlarının ən iri tədarükçüsüdür. Təkcə Rusiya DİN ilə ümumi məbləği 5,5 milyard rubla bərabər 42 müqavilə bağlayıb! Müqavilələrin ümumi məbləği isə 26 milyard rubldan çoxdur.

Bundan əlavə, “Sənədlər və Faktlar” informasiya agentliyinin verdiyi məlumata görə, Kamo Avaqumyan 2008-ci ildən etibarən Ermənistan Baş prokurorluğunun Rusiyada rəsmi nümayəndəsidir. Avaqumyan qətlə yetirilmiş Rusiya Baş prokurorunun müavini Saak Karapetyanı tanıdığını etiraf edib, ancaq bu tanışlığın təsadüfi və uzaq olduğunu bildirib. Lakin eyni münasibətin “Taşir” qrupunun sahibi digər Karapetyan – Samvel ilə də olduğunu söyləmək çətindir.

Məsələ burasındadır ki, Avaqumyan 42,5 faizi “Amiensa Holdings” ofşor şirkətinə (bu şirkəti sabiq Baş prokurur Yuri Çaykanın oğlu Artyom Çayka bir saniyəlik açmışdı) aid olan yunan hoteli “Pomegranate Wellness Spa”nın səhmlərinin yarısına sahibdir. Avaqumyan məhz “Mənim küçəm” (“Моя улица”) proqramı çərçivəsində həyata keçirilən paytaxt podratlarının ən iri icraçısı Samvel Karapetyanın göndərişi ilə hotelə şərik olub. Belə bir “fərasətli adam” Nisanov və Sobyaninə də onların heç də asan olmayan işlərində köməklik göstərə bilər.

Elə bu yerdəcə daha bir personajın adı da suyun üzünə çıxır. “Kommersant” qəzetinin verdiyi informasiyaya görə, 2016-cı ildə Aleksandr Varşavskinin (deməli, həm də Kamo Avaqumyanın) biznes tərəfdaşı axtarışda olan Artur Asatryanın oğlu Yegiya oldu. Güc strukturları isə “Ded Xasan” ləqəbi ilə tanınan kriminal avtoritet Aslan Usoyanın qətli ilə əlaqədar Artur Asatrayana qarşı “silahlandılar”. Belə çıxır ki, təkcə Qod Nisanovla deyil, Sergey Sobyanın ilə də “dostluq” münasibərləri güman olunan biznesmenlərin kriminal keçmişləri onlardan əl çəkmir.

Avaqumyan və Varşavskinin “Avilon” şirkətinin bir zamanlar “Probiznesbanka” faizlə pul verdiyini də xatırlamaq yerinə düşər. Kredit müəssisəsi 2015-ci ildə dağıldı və bankın sahibləri olan Sergey Leontyev ilə Aleksandr Jeleznyak “Avilona” olan 100 milyon dollar borclarını ödəməyib, ABŞ-a qaçdılar! Bəlkə, maliyyə kollapsı bank vasitəsilə o qədər də leqal olmayan tranşların həyata keçirilməsi ucbatından baş verdi? Bəlkə “Food City”də də eyni üsuldan istifadə olunur?

Yeri gəlmişkən, Avaqumyan daha bir maraqlı aktivə sahibdir: taksi parkına, Kamo Avaqumyanın ortancıl oğlu Karenin “Alfa Qrant” və “Riko” marşrut daşımalarına (3 milyard rubl), əvvəllər kiçik oğlu Hamletə məxsus olan “MKM-Logistik” firmasına (zibil daşınması məqsədilə 15 illik müqavilə çərçivəsində 40 milyard rubl ayrılıb) xidmət göstərmək üçün Moskva hökümətindən maliyyələşən “Solt” şirkəti. Adamın bəxti gətirəndə gətirir də!..

Bundan başqa, “Solt” şirkəti “Rostex” ilə də böyük bir müqavilə bağlayıb. Bununla belə, podratın rəsmiləşdirilməsi zamanı şirkətin göstəriciləri ürəkaçan olmayıb, gəlirin azalması müşahidə olunub. Maraqlıdır, bəs Sergey Çemezov kiminlə müqavilə bağladığını bilmirdi? Yoxsa sadəcə, paytaxtın nəhəng “yem təknəsinə” girmək istəyirdi?

Qod Nisanovun böyük biznesi: “Food City” SVX-nin ətrafında kimlər fırlanır?

Çemezov nəyi yaddan çıxarıb?

Çemezov sabiq FGX şefi Andrey Belyaninov vasitəsilə “Foof City”də paya malik ola bilərmi?

Xatırladaq ki, kütləvi axtarışlar zamanı sabiq gömrükçünün bağ evindən ayaqqabı qutularında iri məbləğdə pul, qızıl kərpiclər və beş qatqısız mədən qızılı külçəsi tapılmışdı. Bundan savayı, Belyaninov biznesmen Dmitri Mixalçenko ilə əlbir olaraq saxta spirtli içki istehsalında və “Rostek” FDUM-un (Federal Dövlət Unitar Müəssisəsi) pul köçürmələrini təkrar rəsmiləşdirməkdə şübhəli bilinir.

Lakin “ayaqqabı” ustasına heç bir cəza verilmədi. Görəsən, Çemezov “lobbisinin” bunda rolu oldumu? Axı onlar əvvəllər “Rosoboroneksport”da (“Rostex”də) bir yerdə işləyiblər. Bundan başqa, Belyaninov bir vaxtlar “Rostex”ə aid Novikombankda rəhbər vəzifələr tutub. Belə olduğu halda, keçmiş gömrükçünün toxunulmaz şəxs olduğunu söyləmək mümkündürmü?

Belyaninovun əvvəlki əlaqələrini itirdiyini söyləmək çətindir. Yəqin ki, gömrükçülərlə də münasibətlərini qoruyur. Deməli, mallar Nisanovun bazarına xüsusi problemlər və yoxlamalar olmadan axa bilər. “Büdcə masası” ətrafına Qod Nisanovun rəhbərliyi altında yaxşı bir dəstə toplaşıb. Paytaxt “başbilənləri” maliyyə tranşları təşkil edir, ləkəsiz reputasiyaya malik biznesmenlər isə öz paylarını sakitcə alıb, yüz milyonlarla rubl vəsaitləri “yuyurlar”. Bütün bu melodiya da cənab Çemezov ilə güc strukturları cənablarının müşayiəti altında səslənir.

My Webpage

Ana səhifəyə dön