Bakı Nəqliyyat Agentliyi daha gərgin rejimdə işləyəcək

Nazirlər Kabineti yanında Operativ Qərargah Bakı, Cəlilabad, Gəncə, Masallı, Mingəçevir, Sumqayıt, Yevlax şəhərlərində və Abşeron, Bərdə, Goranboy, Göygöl, Xaçmaz, Siyəzən və Şəki rayonlarında mövcud sanitar-epidemioloji vəziyyətə uyğun olaraq sərtləşdirilmiş xüsusi karantin rejiminin müddətini artırıb. Sərtləşdirilmiş rejim 20 iyuldan 5 avqust tarixinədək uzadılıb.

Xatırladaq ki, əhalinin sağlamlığının müdafiəsi məqsədilə Operativ Qərargah Bakı Metropoliteninin işini də məhdudlaşdırıb. Bununla da, Bakı şəhərində şərnişindaşıma əvvəlki karantin müddətində olduğu kimi, yenə də, əsasən Bakı Nəqliyyat Agentliyinə (BNA) həvalə edilib. Yəni Bakı şəhərində sərnişinlərin ən çox istifadə etdiyi metronun fəaliyyətinin müəyyən müddətə məhdudlaşdırılması BNA-nı gərgin iş qrafikində çalışmaq məcburiyyətində qoyur.

Qeyd edək ki, əvvəlki sərt karantin rejimi ilə müqayisədə BNA bu dəfə daha çox sərnişinə xidmət etməli, daha gərgin rejimdə çalışmalıdır. Buna səbəb Bakı sakinlərinə və şəhərimizin qonaqlarına verilən elektron icazə müddətinin üç saata qaldırılmasıdır ki, bu da Bakıətrafı kəndlərdən və əks istiqamətdən gediş-gəlişin artmasına səbəb olacaq. Gediş-gəlişin artmasına həm də yay fəsli və bağ mövsümü təsir edəcək. Bakıətrafı kəndlərə gedərkən ictimai nəqliyyatdan istifadə edənlərin ilk üz tutduğu ünvan isə Azərbaycan Respublikası Prezidentinin də açılışında iştirak etdiyi “Koroğlu” Nəqliyyatı Mübadilə Mərkəzidir.

Bakı Nəqliyyat Agentliyi daha gərgin rejimdə işləyəcək

Bəs, Bakı Nəqliyyat Agentliyinin təşəbbüsü ilə yaradılan, onun tabeliyindəki “Koroğlu” Nəqliyyatı Mübadilə Mərkəzi bu ağır işin öhdəsindən gəlib, sərnişinlərin rahatlığını və xüsusi karantin rejiminə uyğun daşımanı təmin edə biləcəkmi?

Reyting.az-ın bununla bağlı sorğusuna BNA-dan müsbət cavab verilib və gərgin qrafikin tətbiq olunmasına baxmayaraq bu məsuliyyətli işin öhdəsindən gələcəklərini bildiriblər.

Qeyd olunur ki, bu günə qədər “Koroğlu” Nəqliyyatı Mübadilə Mərkəzinin işində hər hansı problem yaranmayıb.

Ekspertlər də BNA-nın fəaliyyətində ciddi problemin olmadığını iddia edirlər. Bildirilir ki, nə pandemiyadan əvvəl, nə də sonrakı müddətdə “Koroğlu” Nəqliyyatı Mübadilə Mərkəzinin də fəaliyyətində ciddi problem müşahidə olunmayıb.

Məlumata görə, hələ pandemiyadan əvvəlki dövrdə “Koroğlu” Nəqliyyatı Mübadilə Mərkəzi gün ərzində 30 marşrut xəttini qəbul edib. Bu isə 430-a qədər avtobusun gün ərzində orta hesabla 10 dəfə Mübadilə Mərkəzinə daxil olub çıxması deməkdir. Ümumi götürdükdə Mübadilə Mərkəzinə gün ərzində 270 min sərnişin daxil olub çıxsa da, bu müddətdə hər hansı problemin yaranmadığı diqqətə çatdırılır.

Sosial şəbəkə istifadəçilərinin də “Koroğlu” Nəqliyyatı Mübadilə Mərkəzi ilə bağlı fikirləri maraq doğurduğundan qısa araşdırma apardıq. Ciddi fakta söykənməyən kiçik istisnaları çıxmaq şərtilə əsaslı bir etiraza rast gəlinmir.

Nərminə Ağasi (NARMINA AGASİ - Instagram) adlı sosial şəbəkə istifadəçisinin Atletlər kəndində karantində qaldığı palatanın eyvanından “Koroğlu” Nəqliyyatı Mübadilə Mərkəzi ilə bağlı çəkib paylaşdığı bir video isə marağımıza səbəb oldu. Təqdim etdiyimiz həmin video-görüntüdə rus dilində çıxış edən N. Ağasi öz paylaşımında Mübadilə Mərkəzinin nizam-intizamlı fəaliyyətindən bəhs edir:

Onu qeyd edək ki, ekspertlər belə Mübadilə mərkəzlərinin gələcəkdə Azərbaycanın digər şəhərlərində də istifadəyə verilməsini sərnişinlərin rahat daşınması üçün vacib sayırlar.

Reyting.az

Ana səhifəyə dön