“Ərini necə öldürməli” məqaləsinin müəllifi həyat yoldaşını qətlə yetirib

Birləşmiş Ştatlarda son vaxtlar nadir qətl hadisələri baş verir. İllər əvvəl “Ərini necə öldürməli” məqaləsini yazan Krampton Brofi həyat yoldaşı Daniel Brofinin qətlində təqsirli bilinib. Məhkəmə zamanı prokurorun səsləndirdiyi iddialar münsifləri sanki şoka salıb.

Reyting.az xəbər verir ki, 71 yaşlı romantik roman yazarı Nensi Krampton Brofi və 63 yaşlı Daniel Brofi ABŞ-da yaşayan adi xoşbəxt cütlük olub.

Usta aşpaz və kulinariya təlimatçısı olan Daniel Brofi 2018-ci ildə iş yerində güllələnərək öldürülüb. Danielin aşpazlıq məktəbində təhlükəsizlik kameraları olmadığından, polisin araşdırması əvvəlcə çox çətin şəraitdə davam edib. Yaxınlıqdakı yol kameralarını yoxlayanda polis maraqlı bir detala tuş gəlib. Qətl zamanı Danielin həyat yoldaşı Krampton Brofiyə məxsus avtomobil cinayət yerinin yaxınlığında olub.

Araşdırmalar Crampton Brofinin üzərində fokuslaşıb və nəticədə 71 yaşlı qadının ərinin ardınca iş yerinə getdiyi və onu tapança ilə vuraraq öldürdüyü müəyyənləşib. Məlum olub ki, qadın izlənməsi və aşkarlanması çətin olan silah dəstini ərini vurmazdan bir müddət əvvəl internet vasitəsilə alıb.

ABŞ-da böyük əks-səda doğuran və 2018-ci ildən həbsdə olan “Ərini necə öldürməli” məqaləsinin və “Səhv ər” kitabının müəllifi Nensi Krampton Brofinin cinayət işi bu günlərdə yekunlaşıb. 12 nəfərlik münsiflər heyəti Kramptonu həyat yoldaşı Daniel Brofinin ölümündə ikinci dərəcəli qətldə təqsirli bilib. Hökm elan edildikdən sonra Daniel Brofinin anası Karen Brofi ədalətin bərqərar olduğunu və özünü yaxşı hiss etdiyini deyib.

Məhkəmənin dinlədiyi adlar arasında Danielin ailə üzvləri, anası və əvvəlki nikahdan doğulan oğlu da olub.

Danielin oğlu Nataniel Stillvater bildirib ki, bu itkiyə yas tutmağa başlamaq üçün təxminən 4 il gözləyiblər: “Bu nəticə bizim üçün çox əhəmiyyətli və mənalı oldu. İndi biz həmişə atamı xatırlaya və ona rahatlıqla yas tutmağa başlaya bilərik”.

Krampton Brofinin 2011-ci ildə nəşr olunan “Əri necə öldürməli” başlıqlı məqaləsi münsiflər heyətinin uzun müddətdir üzərində dayandığı detallardan biri olub. K. Brofi 2011-ci ildə yazdığı məqalədə “İnsanların ölməsini arzulamaq onları həqiqətən öldürməkdən daha asandır”, -yazırdı. İşə baxan hakim isə müəllifin bu məqaləsinin illər əvvəl yazıldığını əsas gətirərək mətndəki ifadələrin sübut kimi istifadə olunmayacağına qərar verib.

Prokurorlar tərəfindən hazırlanan ittihamnamədə qeyd olunur ki, Krampton Brofini həyat yoldaşını öldürməzdən aylar əvvəl silahlanıb və sığorta pulunu ərinin ölümündən sonra alıb. Prokurorlar bildiriblər ki, cütlük “maliyyə çarəsizliyi” içində qalıb və yazıçı buna görə də ərini öldürüb, həyat sığortası üçün 1,4 milyon dollar alıb.

Baş prokuror köməkçisi Şavn Overstret münsiflərə Brofinin ən böyük motivasiyasının xəsislik olduğunu və ərini özünəməxsus şəkildə ən mükəmməl planlama əsasında öldürdüyünü deyib. Bununla belə, K. Brofi ərini öldürmək üçün heç bir səbəbi olmadığını və bəzi pensiya planlarını nağdlaşdırmaqla maliyyə problemlərini həll etdiklərini söyləyib.

Qatil yazıçı müdafiə çıxışı zamanı deyib ki, o, yeni romanı üzərində araşdırma aparmaq üçün onlayn sifariş verdiyi silahı alıb. O, Danielin qətl zamanı hadisə yerinin yaxınlığında tapılmasının tamamilə təsadüf olduğunu bildirib və yazıları üzərində işləmək üçün ərazidə olduğunu söyləyib.

Ərini qətlə yetirməkdə təqsirli bilinən qadının barəsində məhkəmə hökmü iyunun 13-də veriləcək.

Ana səhifəyə dön