Nobel mükafatçısı olan şairin müəmmalı ölümü...

Nobel mükafatı laureatı, şair Pablo Nerudanın ailə üzvləri bildiriblər ki, məhkəmə-tibb ekspertləri şairin təxminən 50 il əvvəl zəhərlənərək öldüyünü müəyyən ediblər.

Reyting.az xəbər verir ki, Pablo Nerudanın qardaşı oğlu Rodolfo Reyesin açıqlaması əks-səda doğurub.

Rəsmi fikir belə olub ki, Neruda prostat vəzi xərçəngindən yaranan ağırlaşmalardan dünyasını dəyişib, lakin şairin sürücüsü onilliklər ərzində onun zəhərləndiyini iddia edib.

Nerudanın ölüm səbəbi ilə bağlı hesabatı çərşənbə günü açıqlayacaq Kanada, Danimarka və Çilidən olan məhkəmə ekspertləri hələ Reyesin şərhlərini təsdiqləməyiblər.

Xatırladaq ki, beynəlxalq məhkəmə ekspertləri bir neçə il əvvəl şairin ölüm səbəbinin (rəsmi) xərçəng xəstəliyindən olmasını təkzib ediblər. Bununla belə, onlar Nerudanın ölüm səbəbini müəyyən edə bilməyiblər.

Reyes, Danimarka və Kanada laboratoriyalarında aparılan məhkəmə-tibbi testlərin "insan həyatı ilə uyğun gəlməyən böyük miqdarda Cloristridium botulinum"un olduğunu göstərdiyini söyləyib. Qeyd edək ki, bu güclü toksin sinir sisteminin iflicinə və ölümə səbəb ola bilər.

Rodolf Reyes bu məlumatı İspaniyanın EFE xəbər agentliyinə açıqlayıb.

Əmisinin ölümü ilə bağlı işdə vəkil olan Reyes deyib ki, eyni ekspert qrupunun 2017-ci ildə şairin sümüklərində və dişində toksin əlamətlərinin olduğunu söyləməsindən sonra hazırlanan məhkəmə-tibbi ekspertiza rəyinə çıxışı var.

Prostat xərçəngi olmuş 69 yaşlı Neruda 1973-cü il sentyabrın 11-də Çilidə prezident Salvador Allendeni devirən və general Augusto Pinoçeti hakimiyyətə gətirən çevrilişdən sonra baş verən xaos zamanı ölüb.

Nerudanın cəsədi 2013-cü ildə ölüm səbəbini müəyyən etmək üçün eksqumasiya edilib, lakin aparılan analizlər onun sümüklərində heç bir zəhərli maddə və ya zəhər aşkar etməyib. Bundan sonra onun ailəsi və sürücüsü əlavə araşdırma tələb edib.

2015-ci ildə Çili hökuməti Nerudanın ölümünə görə "yüksək ehtimalla üçüncü tərəfin məsuliyyət daşıdığını" bildirib. Neruda keçən il Sakit okean sahilinə baxan evində yenidən dəfn olunub.

2017-ci ildə beynəlxalq alimlər qrupu Nerudanın xərçəngdən və ya qidalanmadan ölmədiyini müəyyən edərək, rəsmi ölüm səbəbini inkar edib, lakin bunun səbəbini açıqlamayıblar.

Sevgi şeirləri ilə tanınan Neruda, Pinoçetin başçılıq etdiyi çevriliş zamanı əsgərlərə təslim olmaq əvəzinə özünü öldürən Çilinin 28-ci prezidenti Salvador Allende ilə dost olub.

Neruda ordunun ələ keçirilməsi, dostlarının təqib edilməsi və öldürülməsi nəticəsində zədə alıb. Bu səbəbdən o, diktaturaya qarşı təsirli söz sahibi ola biləcəyi sürgünə getməyi planlaşdırıb. Amma planlaşdırılan yola düşmədən bir gün əvvəl o, təcili yardım maşını ilə Çilinin paytaxtı Santyaqodakı klinikaya aparılıb, burada xərçəng və digər xəstəliklərdən müalicə olunub. Neruda 23 sentyabr 1973-cü ildə təbii səbəblərdən orada vəfat edib. Lakin onun ölümündə diktaturanın əli olması ilə bağlı şübhələr 1990-cı ildə Çilinin demokratiyaya qayıtmasından sonra da müzakirə olunub.

ELÇİN

Ana səhifəyə dön