Putinin getdiyi məbədə qadınların girişi qadağandır

Dünyanın bir çox yerində çox sayda insanın ibadət etdiyi və turistlərin marağına səbəb olan minlərlə monastır var. Yunanıstanın Athos dağında yerləşən Simonos Petras monastırı da onlardan biridir. Yunanıstanda min ildir rus pravoslav keşişlərinin yaşadığı Athos dağı həm turizm baxımından, həm də coğrafi əhəmiyyətinə görə minlərlə insanın diqqətini çəkir.

Reyting.az bildirir ki, Rusiya prezidenti Vladimir Putin pravoslav rahiblərini ziyarət etdikdən sonra adaya maraq daha da artıb.

Digər tərəfdən, turist kimi diqqət çəkən Athos dağının çox maraqlı xüsusiyyəti var ki, bu da dünyada qadınların qadağan olunduğu ən böyük ərazi olmasıdır. 335 kvadrat kilometrlik yarımadanı əhatə edən dağa nəinki qadınlar, hətta dişi milçəklər də girə bilmir.

Bəs niyə dişi heyvanların, o cümlədən qadınların bura girməsi qadağandır?

Ainorozda yerləşən 20 monastırdan birində hər gün 100 pravoslav və 10 qeyri-pravoslav kişi zəvvar üç gecəlik qəbul edilir. Qadınları nəinki dağa buraxmırlar, hətta yarımadanın 500 metr yaxınına belə daxil ola bilməzlər.

Adaya gələn kişi turistlərin bərə və ya gəmiyə minməsi, qadınların və ya rəfiqələrinin isə limanda qalmasının lazım olduğu bildirilir.

Qadınların adaya daxil olmaması üçün ciddi tədbirlər görülür. Hətta iş o yerə çatıb ki, 1953-cü ildə Maria Poimenidou adlı qadın adaya kişi qiyafəsində girəndə böyük hadisələr baş verib. Buna görə, qadın 12 ay həbs cəzasına məhkum edilib, daha sonra bu vəziyyətin təkrarlanmaması üçün bir çox qanunlar qəbul olunub.

Qadınların və dişi heyvanların adaya buraxxılmamasının bir neçə izahı var:

X əsrə aid tarixi kitaba görə, dişi heyvanlar çox nəcisləndiyi üçün adaya buraxılmır. Bundan əlavə, bu kitabda yazılır ki, qadınların adaya girə bilməməsinin səbəbi adada qalan xristian din xadimlərinin aldıqları bakirəlik andını pozmamalarını təmin etmək üçündür.

Ancaq səbəblər bunlarla da məhdudlaşmır. Mövzunu Həzrəti Məryəmlə bağlayan bir hekayə də var. Xristian inancı ilə əlaqəli olan bu hekayə belədir:

Müqəddəs Məryəm Kiprə getmək istəyərkən gəmisi yoldan çıxıb və Aynoroz sahilinə gəlib. Adanı görəndə minnətdarlığını ifadə edə bilməyən Müqəddəs Məryəm adanı o qədər çox sevib ki, oğlu üçün dua edərək adanın ona verilməsini xahiş edib. Oğlu İsa Məsih isə bunu qəbul edib. Bu səbəbdən, Aynoroz bu gün də xristianlar üçün “Allahın anasının bağı” adlandırılır. Bu səbəbdən adaya addım atmağa çalışan hər bir qadının yalnız Müqəddəs Peteri təmsil etməli olduğuna inanılır.

Üstəlik, adaya dişi heyvanlar buraxılmadığından, süd və yumurta kimi məhsullar adadan kənardan gətirilir. Qadın və dişi heyvanlara icazə verilməyən bu adada yalnız bir dişi heyvan, o da pişiklər azaddır.

Eyni zamanda, qaydalara görə, Aynoroza gedən kişilər saqqal saxlamağı bacarmalıdır.

Bizans dövründə gənc oğlanların və xədimlərin adaya girməsinə qarşı da tədbir görülürdü. Çünki qadının adaya oğlan və ya xədim qiyafəsində soxulması ehtimalı var. Bu günlərdə isə oğlan uşaqlarının - böyüklərin nəzarəti altında adaya girməsinə icazə verilir. Kahinlər uşaqlara qulluq edir və ətrafda gənclərin olmasından xoşbəxtdirlər.

Üstəlik, Aynoroz monastırı qadınların girməsinə icazə verilməyən yeganə yer deyil. Hindistanın Kerala ştatının cənub-qərbindəki Sabarimala məbədi də 10-50 yaş arası qadınlar üçün qadağandır. Qadın hüquqlarının müdafiəçiləri bu məbəddə qadınlarla bağlı qadağanın ləğvinə çalışırlar.

Yaponiyada da qadınların Omine dağına girməsinə icazə verilmir. Şugendo dininin ardıcılları tərəfindən müqəddəs sayılan bu dağda kişilər çətin fiziki şərait qarşısında sınaqdan keçirilir, qadınları isə içəri buraxmırlar.

Y. QACAR
Reyting.az

Ana səhifəyə dön