İş adamı Mark Zukerberqə məxsus "Meta" şirkəti 2026-cı ildən öz əməkdaşları üçün bonuslarını 300 faizədək artıracaq. Şirkətdən bildiriblər ki, keyfiyyəti, stimulu artırmaq məqsədilə yeni qiymətləndirmə sistemi tətbiq olunacaq.

Reyting.az "Business Insider" nəşrinə istinadla xəbər verir ki, bu ilki bonusların məbləği komandanın gəlir artımı, eləcə də yeni istifadəçilərin cəlbi və iş proseslərinin yaxşılaşdırılması kimi göstəricilərdən asılı olacaq.

Yeni sistemə görə, "Meta"nın bonusu 300 faiz gəliri artıranlara və yaxud yeni istifadəçilər qazandıranlara daha çox şamil olunacaq.

"Əla" ilə qiymətləndirilmiş, həmçinin 200 faiz həddində prosesləri optimallaşdırmaqla, vaxta qənaət edənlər, həmçinin layihəni irəli aparanlar da bonus alacaq. "Yaxşı" işçilər isə 115 faiz göstərici əldə edənlər, işini stabil, keyfiyyətlə yerinə yetirənlərdir ki, onlar da yüksək bonus alanlar sırasında olacaqlar.

Gözləntilərə tam uyğun olmayan və 0-50 faiz göstərici ilə gecikmələrə yol verənlər, eyni zamanda, öz işində yeniliklərə nail olmayan əməkdaşlar isə zəif nəticə göstərdiklərinə görə, bonuslardan məhrum olacaqlar, lakin onlara şirkətdə işinə davam etmək şansı veriləcək.

"Meta" şirkətindən bildiriblər ki, məqsəd ən yaxşı performans göstərənləri daha çox mükafatlandırmaq və komanda effektivliyini artırmaqdır. Yeni "Checkpoint" sistemi daxildəki illik qiymətləndirmələri əvəz etməklə, əldə olunan nəticələrin daha tez-tez və şəffaf analizini nəzərdə tutur.

Oqtay QORÇU