Sara » Reyting.az

Xəbər lenti

00:14 / 03-02-2026

Aviadaşıyıcı gəmilərə malik ölkələrin reytinqi açıqlanıb

23:39 / 02-02-2026

Tramp: "Hindistan Rusiya neftindən imtina etdi"

23:02 / 02-02-2026

İcra başçısını söyən şəxs həbs olunub

21:04 / 02-02-2026

"Velizarofficial" adlı səhifənin idarəçisi saxlanılıb

20:02 / 02-02-2026

İlham Əliyev Birləşmiş Ərəb Əmirliklərində - Yeni sənədlər imzalanıb - (Yenilənib) - Fotolar

19:41 / 02-02-2026

Xalq artistinin oğlu döyülüb

19:23 / 02-02-2026

Süleyman Mikayılov: “Nə harasa çağırılmışam, nə də ifadə vermişəm”

18:52 / 02-02-2026

Sabiq səfir: Türkiyədə görüş təşkil etməyə çalışırlar

18:00 / 02-02-2026

Qaz borusu partlayıb, yaralılar var - Yenilənib

17:55 / 02-02-2026

Generallar yeni vəzifədə polkovnik rütbəsində işləyəcək

17:16 / 02-02-2026

Cəlaloğlu: İranı silahlandırmağın mənası yoxdur

15:47 / 02-02-2026

Kreml Zelenskinin Moskvaya səfərində israrlıdır

15:17 / 02-02-2026

Oskar mükafatına namizədi həbs ediblər

15:04 / 02-02-2026

Kamran Əliyev üç prokuror təyin edib

14:20 / 02-02-2026

Apteklərdə nöqsanlar aşkar edilib

14:13 / 02-02-2026

Kreml Avropada xaos yaratmağı planlaşdırır

13:35 / 02-02-2026

Fevralın 17-də astronomik hadisə baş verəcək

13:12 / 02-02-2026

Dağlıq ərazilərə qar yağacaq - Proqnoz

13:06 / 02-02-2026

İTV-nin Yayım Şurasına yeni üzvlər seçilib

12:39 / 02-02-2026

Milli Məclisin iki komissiyası yenidən formalaşdırılıb - Siyahı

12:31 / 02-02-2026

Deputat: Azərbaycan seçkilərə qədər Ermənistanla sülh müqaviləsini imzalaya bilər

12:04 / 02-02-2026

Naxçıvan Konstitusiyasına çoxsaylı dəyişikliklər II səsvermədə təsdiqlənib

11:57 / 02-02-2026

İşsizlik dövlət üçün əlavə risklər yarada bilər

11:38 / 02-02-2026

Ay missiyasına hazırlıqlar başlayıb - Foto

11:26 / 02-02-2026

Musiqiçi oğluna 521 dildə mahnı yazıb

11:04 / 02-02-2026

Milli Məclisin iclası başlayıb

10:59 / 02-02-2026

ABŞ İranı armada ilə, Tehran Ağ evi regional müharibə ilə təhdid edir

10:58 / 02-02-2026

“QHT işi”: Mehriban Rəhimlinin məhkəməsi başlayır

10:34 / 02-02-2026

Prezident gəncləri təbrik edib - Müraciət

10:27 / 02-02-2026

Şanxay Əməkdaşlıq Təşkilatının öz valyutası olmayacaq

Xəbər lentinin davamı

Ən çox oxunanlar

20:01 / 30-01-2026

Prezident icra başçısını vəzifədən azad edib - Foto

17:31 / 29-01-2026

Vensin səfəri Güney Qafqaza nə vəd edir?

17:48 / 30-01-2026

Yerə bənzəyən planet kəşf olunub

18:15 / 30-01-2026

Vəzifəli şəxslər həbs edilib - (Yenilənib) - Foto

11:42 / 30-01-2026

Tramp üçün əlavə bəhanə: ABŞ prezidenti İraqı niyə hədəfə alıb?

15:04 / 02-02-2026

Kamran Əliyev üç prokuror təyin edib

23:45 / 29-01-2026

Ceyhun Bayramov: Azərbaycan ərazisindən İrana qarşı istifadəyə icazə verilməyəcək

13:35 / 02-02-2026

Fevralın 17-də astronomik hadisə baş verəcək

14:05 / 29-01-2026

Mollazadə: İran ətrafında vəziyyət ağır və təhlükəlidir

13:48 / 29-01-2026

Zəngilana növbəti köç karvanı gedib - (Yenilənib)

13:41 / 30-01-2026

Prezident yeni səfirlərin etimadnamələrini qəbul edib - (Yenilənib) - Fotolar

15:01 / 29-01-2026

Rusiya ordusu bir şəhəri ələ keçirib, iki şəhərə doğru irəliləyir

Sara - Akif Abbasov yazır
Tarix: 29-03-2025 16:46 | Bölmə: Akif ABBASOV

Şirift ölçüsü:

Akif ABBASOV

(hekayə)

Kamalın telefon kitabçası qeydlərlə dolu idi. Bu gün işsiz-gücsüz olduğundan kitabçanı vərəqləməyə başladı. Bir-iki adama zəng edib hal-əhval tutdu. Birdən gözləri Sara adına sataşdı. Ha çalışdı yadına sala bilmədi. «Ya allah!» - deyib Saranın telefon nömrəsini yığdı. İncə səs eşitdi:

- Bəəli…

Kamal «tor» atdı:
- Can bəli.

Qız kim idisə Kamal onu tanıyırdı, yoxsa onun adı, telefon nömrəsi onun kitabçasında nə gəzirdi?! Sadəcə, xatırlaya bilmirdi. Qızlardan o qədər dost-tanışı vardı ki… Görünür, uzun müddət başı qarışdığından, onu yadına salmayıb ki, indi də xatırlaya bilmir. Qız isə onu dərhal tanımışdı. Odur ki, telefonun o biri başından səs gəldi:

- Eşidirəm, Kamal.

Kamal zənnində yanılmadığını başa düşüb sevindi. Lakin onu sorğu-suala tuta bilməzdi ki, sən hansı Sarasan, rəngin-ruhun, bərin-bəzəyin, görünüşün necədir, ayaqqabının ölçüsü neçədir, nə yeyib-nə içirsən, harada yaşayırsan, harada işləyirsən, axşamlar saat neçədə yatırsan. Qızı hürküdə, onu xatırlamadığını bildirə bilərdi. Necə deyərlər qaş düzəltdiyi yerdə vurub gözü də tökərdi. Ona görə də çoxdanın tanışı kimi onu dindirdi:

- Necəsən, gözəl, çoxdandır zəng etmirəm, fəqət həmişə qəlbimdə, yanımda olmusan. Molla Pənah demişkən, gözüm gözündən uzaq olsa da, könüldən könülə yollar görünüb.

Xəttin o biri başından səs gəlmirdi. O xanım ya adam fikirləşirdi, ya da Kamalın belə danışmağına təəccüblənirdi. Kamal qızın qəlbini ələ aldığını düşünüb kompliment deməkdə davam edirdi. Həyat yoldaşı Həqiqətin içəri girdiyini görən Kamal tez Sara ilə xudahafizləşdi:

- Bağışla, iş çıxdı, zəngləşərik.

Ertəsi gün Kamal yenə Saranın nömrəsini yığdı. Bu dəfə Sara onu qabaqladı:

- Kamal, dünən ayıq idin? İçməmişdin?

Kamal and-aman elədi:

- Nə danışırsan, gözəl. Özün bilirsən ki, mən yalnız məclisdən-məclisə, özü də çox yox, yüz, yüz əlli qram içirəm. Hətta evə gələndə ata-anam:

- Ay bala, toydan, qonaqlıqdan gəlmirsən?» - deyə soruşurlar.

Cavab verirəm:

- Niyə soruşursunuz?

Onda deyirlər:

- Toydan, qonaqlıqdan gələnə oxşamırsan.

- Bunun mənası, bilirsən, nədir: yəni heç içməmisən. Bunu anlayıb mən də cavab verirəm: qədərimi içirəm, yolda gələndə onun da qazı qaçır, oluram tamam ayıq! Əlqərəz, bu sualı niyə verdin, gözəl?

- Dünən çox odlu-alovlu danışırdın. Dedim yəqin kefin yuxarıdır.

- Yox, sadəcə ürəyim istəyən, arzuladığım xanımla danışmaq həmişə mənimçin xoş olub. Mən həmişə ayıq oluram. Görüşəndə süfrə başında birgə oturmalı olsaq, bəlkə əlli qram içərəm. O da sən icazə versən.

- O biri qızlarla da əlli-əlli içirsən?

- Yox, ay gözəl, könlümü ovlayan bir tək sənsən.

- Yəni heç bir qıza kompliment demirsən?

İndi Kamal necə desin ki, heç kimlə oturub-durmur, xoş sözlərlə onların ağlını başından almır?! Özünü yığışdırıb:

- Yox, yox, gərək tanış qız ola ki, ona kompliment deyəm. Olmaya-olmaya nə deyim, nə danışım?!

- Evlisən?!

- Guya bilmirsən ki, subayam.

- Bəs niyə?

- Axtarıram, tapanda subaylığın daşını atacağam.

- İndi məni dişinə vurmaq istəyirsən?

- Bu nə sözdür, gözəl? Dişimə vurmaq niyə? Bəlkə elə qismətim sənsən.

Arvadı Həqiqətin səsi gəldi. Kamalı çağırırdı. O, duyuq düşməmiş Sara ilə sağollaşdı.

Telefon söhbətləri, sorğu-suallar, komplimentlər haradasa bir-iki həftə, bəlkə də bir ay çəkdi. Daha danışılası sözləri qalmayanda görüşmək qərarına gəldilər. İndi Həqiqət Kamalın şalvarını, köynəyini ütüləyirdi. İşini qurtarıb, ayaqqabılarının tozunu aldı. Zarafatla:

- A kişi, xeyir ola, yaman bəzənib-düzənirsən, - dedi.

Kamal səksəndi. Lakin tez özünü ələ alıb dedi:

- İşgüzar görüşüm var, arvad, nə edim, iş adamıyam…

Ətirlənib əlavə etdi:

- Gərək səliqəli geyinəm.

Həqiqət xanım mənalı-mənalı ona baxıb bir söz demədi, mətbəxə keçib öz işi ilə məşğul olmağa başladı. Kamal çıxdı.

Onun kefi kök idi. Evdən bir saat tez çıxmışdı. Bu da səbəbsiz deyildi. İlişə bilərdi. Bir də gördün, dost-tanışdan, qohum-əqrəbadan biri qapını döydü. Ondan sonra gəl evdən çıx görüm, necə çıxırsan. Adını nə qoyacaqsan?! Deyəcəksən görüşüm var?!

O, ağır addımlarla Axundov adına parka sarı getməyə başladı. Yolda üç dənə qızıl gül də aldı. Görüşə əliboş getmək yaxşı olmazdı. Saraya nəm-nişanını demişdi. O, görüş yerinə təyin olunan vaxtdan 10-15 dəqiqə tez çatdı. Gəzişməyə başladı. Həyəcanlı idi. Sara görünmürdü. Hələ vaxta qalırdı. O, skamyalardan birində əyləşdi. Elə yerdə oturmuşdu ki, Sara gələndə görə bilsin. Vədələşdiyi vaxta 5-6 dəqiqə qalırdı. Bu vaxt ağacların birinin arxasında iki nəfər qadın dayanıb oğrun-oğrun Kamala baxırdı. Həyəcanlı olduğundan Kamalın bundan xəbəri yox idi. Düz saat dörddə iki qadın dayandıqları yerdən hərəkətə gəlib Kamala sarı gəlməyə başladı. Kamal onları görən kimi dik ayağa qalxdı. Özünü itirdiyindən əlində tutduğu gül yerə düşdü. Qadınlardan biri arvadı Həqiqət, o biri isə onun xalası Sara idi.

Müəllifin bütün yazıları - Akif ABBASOV

Bütün yazarlar

Ana səhifəyə dön