Dueyn Conson

“Universal” şirkəti məşhur kinoaktyor Dueyn Consonu yeni “Mumiya” filmində Əqrəb Kralı obrazına qaytarmağı planlaşdırır.

Reyting.az xəbər verir ki, bu barədə Hollivud sənayesində tanınmış kino-insayder Daniel Rixtman yerli mətbuata açıqlama verib.

Xatırladaq ki, Dueyn Conson daha əvvəl “Mumiyanın qayıdışı” filmində cani obrazını canlandırıb və həmin rol sonradan ayrıca spin-off layihəsinə çevrilib.

Məlumata görə, 2025-ci ilin dekabrında Conson bu rola yenidən qayıtmağa böyük məmnuniyyətlə hazır olduğunu bəyan edib. Aktyor vurğulayıb ki, Əqrəb Kralı onun üçün çox dəyərli obrazdır və böyük kinoda debüt rolu hesab olunur.

İnsayderin sözlərinə görə, lentə alınacaq yeni “Mumiya” filmində aktyor heyətində ciddi dəyişikliklər gözlənilmir.

Qeyd edək ki, əvvəlki “Mumiya” filmlərində Rik O’Konnell obrazını canlandıran Hollivud ulduzu Brendan Freyzerin də layihəyə qayıdacağı artıq təsdiqlənib.

Filmin rejissorları Metyu Bettinelli və Tayler Cillett olacaq.

Daniel Rixtman onu da əlavə edib ki, hazırda “Mumiya” franşizası çərçivəsində üç yeni filmin hazırlanması planlaşdırılır.

Oqtay QORÇU