Sükan » Reyting.az

Xəbər lenti

00:14 / 03-02-2026

Aviadaşıyıcı gəmilərə malik ölkələrin reytinqi açıqlanıb

23:39 / 02-02-2026

Tramp: "Hindistan Rusiya neftindən imtina etdi"

23:02 / 02-02-2026

İcra başçısını söyən şəxs həbs olunub

21:04 / 02-02-2026

"Velizarofficial" adlı səhifənin idarəçisi saxlanılıb

20:02 / 02-02-2026

İlham Əliyev Birləşmiş Ərəb Əmirliklərində - Yeni sənədlər imzalanıb - (Yenilənib) - Fotolar

19:41 / 02-02-2026

Xalq artistinin oğlu döyülüb

19:23 / 02-02-2026

Süleyman Mikayılov: “Nə harasa çağırılmışam, nə də ifadə vermişəm”

18:52 / 02-02-2026

Sabiq səfir: Türkiyədə görüş təşkil etməyə çalışırlar

18:00 / 02-02-2026

Qaz borusu partlayıb, yaralılar var - Yenilənib

17:55 / 02-02-2026

Generallar yeni vəzifədə polkovnik rütbəsində işləyəcək

17:16 / 02-02-2026

Cəlaloğlu: İranı silahlandırmağın mənası yoxdur

15:47 / 02-02-2026

Kreml Zelenskinin Moskvaya səfərində israrlıdır

15:17 / 02-02-2026

Oskar mükafatına namizədi həbs ediblər

15:04 / 02-02-2026

Kamran Əliyev üç prokuror təyin edib

14:20 / 02-02-2026

Apteklərdə nöqsanlar aşkar edilib

14:13 / 02-02-2026

Kreml Avropada xaos yaratmağı planlaşdırır

13:35 / 02-02-2026

Fevralın 17-də astronomik hadisə baş verəcək

13:12 / 02-02-2026

Dağlıq ərazilərə qar yağacaq - Proqnoz

13:06 / 02-02-2026

İTV-nin Yayım Şurasına yeni üzvlər seçilib

12:39 / 02-02-2026

Milli Məclisin iki komissiyası yenidən formalaşdırılıb - Siyahı

12:31 / 02-02-2026

Deputat: Azərbaycan seçkilərə qədər Ermənistanla sülh müqaviləsini imzalaya bilər

12:04 / 02-02-2026

Naxçıvan Konstitusiyasına çoxsaylı dəyişikliklər II səsvermədə təsdiqlənib

11:57 / 02-02-2026

İşsizlik dövlət üçün əlavə risklər yarada bilər

11:38 / 02-02-2026

Ay missiyasına hazırlıqlar başlayıb - Foto

11:26 / 02-02-2026

Musiqiçi oğluna 521 dildə mahnı yazıb

11:04 / 02-02-2026

Milli Məclisin iclası başlayıb

10:59 / 02-02-2026

ABŞ İranı armada ilə, Tehran Ağ evi regional müharibə ilə təhdid edir

10:58 / 02-02-2026

“QHT işi”: Mehriban Rəhimlinin məhkəməsi başlayır

10:34 / 02-02-2026

Prezident gəncləri təbrik edib - Müraciət

10:27 / 02-02-2026

Şanxay Əməkdaşlıq Təşkilatının öz valyutası olmayacaq

Xəbər lentinin davamı

Ən çox oxunanlar

20:01 / 30-01-2026

Prezident icra başçısını vəzifədən azad edib - Foto

17:31 / 29-01-2026

Vensin səfəri Güney Qafqaza nə vəd edir?

17:48 / 30-01-2026

Yerə bənzəyən planet kəşf olunub

18:15 / 30-01-2026

Vəzifəli şəxslər həbs edilib - (Yenilənib) - Foto

11:42 / 30-01-2026

Tramp üçün əlavə bəhanə: ABŞ prezidenti İraqı niyə hədəfə alıb?

15:04 / 02-02-2026

Kamran Əliyev üç prokuror təyin edib

23:45 / 29-01-2026

Ceyhun Bayramov: Azərbaycan ərazisindən İrana qarşı istifadəyə icazə verilməyəcək

13:35 / 02-02-2026

Fevralın 17-də astronomik hadisə baş verəcək

14:05 / 29-01-2026

Mollazadə: İran ətrafında vəziyyət ağır və təhlükəlidir

13:48 / 29-01-2026

Zəngilana növbəti köç karvanı gedib - (Yenilənib)

13:41 / 30-01-2026

Prezident yeni səfirlərin etimadnamələrini qəbul edib - (Yenilənib) - Fotolar

15:01 / 29-01-2026

Rusiya ordusu bir şəhəri ələ keçirib, iki şəhərə doğru irəliləyir

Sükan - Hekayə
Tarix: 15-02-2024 08:42 | Bölmə: Akif ABBASOV

Şirift ölçüsü:

Akif ABBASOV

(hekayə)

Məmmədəli Əli Bayramlıda işlərini qaydaya salandan, qohum-əqrəbası ilə xudahafizləşəndən sonra şəxsi maşınına əyləşib Bakıya yola düşdü. Onun tək-tənha yol getməklə arası yox idi. Həm darıxırdı, həm də yuxu güc gəlirdi. Elə fikrindən keçirirdi ki, bir qulaq yoldaşı olsaydı, yolu başa vurardı. Bir də gördü ki, Hacıqabul istiqamətində bir nəfər əl eləyir. O, qeyri-ixtiyari əyləci basdı.

Uzunboylu, noxudu keçəl bir nəfər yaxınlaşıb:

- Şəhərə gedirsiniz? - deyə xəbər aldı.

- Bəli, şəhərə gedirəm. Buyurun, əyləşin.

Həmin şəxs qabaq qapını açıb onun yanında əyləşdi. Əyləşən kimi də əlini uzadıb bir növ məcburən Məmmədəli ilə görüşdü və özünü təqdim etdi:

- Kərəm.

Maşın tərpəndi. Pirsaatı, Navahını, Atbulağı keçəndən sonra Ələt qəsəbəsinə çata-çatda Kərəm dizinin üstünə qoyduğu diplomat çamadanı açıb şpris çıxardı və ətinə yeritdi. Məmmədəli təəccüblənsə də, əhəmiyyət vermədi.

Kərəm Arandan-Turandan danışsa da, Məmmədəlinin fikri yolda idi. Birdən Kərəm üzünü ona tutaraq:

- Qaqaş, maşını verərsən, bir az da mən sürüm? - deyə xəbər aldı.

Məmmədəli:

- Olmaz, mən sükanı başqasının əlinə vermirəm. Yüz cür hadisə olur.

Kərəm də öz növbəsində:

- Biz sürəndə nə olacaq ki?.. - dedi.

Məmmədəli özünü o yerə qoymadı:

- Yoxsa, maşını idarə etməyim xoşuna gəlmir, əmioğlu? - deyə soruşdu.

- Nə danışırsan, yox, yox, sözüm yoxdur.

Maşın Qobustana yaxınlaşırdı. Boz, çılpaq təpələr adamı darıxdırırdı. Bir yandan da günəşin qızmar şüaları yandırırdı. Maşının pəncərə şüşələri aşağı salınsa da, isti adamı bezdirirdi. Kərəm dözə bilməyərək:

- Qaqaş, nolar, qoy bir az da mən sürüm də, - deyə yalvardı.

Məmmədəli:

- A kişi, fikrin özgə sürücülərə getməsin. Mən xaltura ilə məşğul olmuram, səni də darıxdığım üçün götürmüşəm. Sürməyə gəldikdə isə, özümə nə gəlib?!..

Bir az keçmiş Kərəm yenidən qır-saqqız olub yapışdı:

- Nə olar qaqaş, icazə ver, bir az da mən sürüm…

Məmmədəli:

- Nə qəribə adamsan, brat, qələt eləmədim ki, səni götürdüm. A kişi, sakit otur yerində, gedək çıxaq mənzil başına. İş-güc adamıyam…

Kərəm pərt olub səsini kəsdi. Sonra nə fikirləşdisə, üzünü Məmmədəliyə tutub:

- Onda icazə ver, öz maşınımı sürüm, - dedi.

Məmmədəli təəccüb və heyrət içərisində, heç nə başa düşməyərək çiyinlərini çəkdi:

- Sürürsən, sür də, - dedi.

Kərəm təzədən diplomat çamadanını açıb bir sükan çıxartdı, onu bardaçoka salaraq, sola-sağa döndərməyə başladı. Kərəmin hərəkətlərindən heç nə başa düşmədiyindən Məmmədəli çalışdı ki, ona əhəmiyyət verməsin. Fikri evində-eşiyində idi. Qızının ad günü keçiriləcəkdi. Az sonra qonaqlar yığışacaqdılar. Onları qarşılamaq, yola salmaq lazım idi. Odur ki, özünü tez evə çatdırmaq istəyirdi.

Kərəm gözaltı Məmmədəliyə baxaraq, onun hərəkətlərini təkrar edir, sükanı sola-sağa döndərirdi. Bu zaman onların yanından sürətlə bir “Jiruli” maşını ötüb keçdi. İndi “Jiquli” Məmmədəlinin “Moskviç”ndən bir qədər irəlidə gedirdi. Hiss olunurdu ki, onları heyrət bürüyüb. Sürücünün yanında əyləşən cavan oğlan dönüb tez-tez arxaya baxır, yanındakına əl-qolu ilə nəyisə başa salmağa çalışırdı. Sürücü də maraq göstərdiyindən qarşısındakı güzgüdən Məmmədəli ilə Kərəmin hərəkətlərini izləyirdi.

Təəccüb ediləsi iş idi: maşında iki sükan vardı. Özü də maşını həm Məmmədəli, həm də Kərəm idarə edirdi. Xeyli qabağa keçmiş “Jiquli” sahibini də, onun yol yoldaşını da maraq məcbur etdi ki, maşının sürətini azaltsınlar. “Jiquli” artıq “Moskviç”in bərabərində gedirdi. Sürücü də, cavan oğlan da heyrətdən açılmış gözlərini Məmmədəli ilə Kərəmə zilləmişdilər. Bunu görən Kərəm bir az da canfəşanlıq elədi. Sonra üzünü Məmmədəliyə tutaraq:

- Qaqaş, indi gör, lələşin nə fənd işlədəcək… - dedi və yalançı sükanı qəfil hərəkətlə sola – “Jiquli”dəkilərə sarı döndərdi. Onun hərəkətindən özünü itirən “Jiquli”nin sürücüsü “Moskviç”in onlara çırpılacağından, bədbəxt hadisə baş verəcəyindən qorxub qeyri-ixtiyari o da cəld sükanı sola döndərdi və bir an içərisində maşın yoldan çıxıb bənd aşağı yuvarlandı.

Bunu görən Məmmədəli əli ilə başını qamarladı, həyəcan içərisində və eyni zamanda qəzəblə:

- Nə etdin, zalım oğlu?! - dedi.

Kərəm halını da pozmadan:

- A kişi, sür, gedək, bənd olma…

Məmmədəli təəccüblə:

- Necə yəni sür gedək! - deyə heyrətini bildirdi. - Maşın aşdı. Yəqin yaralanıblar. Onlara kömək lazımdır.

Kərəm yalançı sükanı sağa-sola döndərməkdə davam edərək, etinasız:

- Bir vaxt mənim də yağın içində bir “Jiquli”m vardı. Günlərin bir günündə mənim də başıma belə bir oyun gətirdilər. Aşıb, başımı, gözümü əzdim. İndi o qəşəng “Jiquli”dən qalan bax bu əlimdəki sükandır… Sür, qardaş, sür gedək…

Müəllifin bütün yazıları - Akif ABBASOV

Bütün yazarlar

Ana səhifəyə dön