Rusiyanın plastik kart milli sistemi və Qazaxıstan, Qırğızıstan, Belarus, Tacikistanın və Ermənistanın ödəniş sistemləri Avrasiya İttifaqı ərazisində Avropa İttifaqında mövud olan sistemə oxşar vahid ödəniş sistemi yaratmaq barədə razılığa gəliblər.

Bu istiqamətdə ilk addımlardan biri milli valyutada qarşılıqlı hesablaşmalara keçid olacaq. Plastik kart milli sistemindən bildirilib ki, ödəniş infrastrukturunun birləşdirilməsi ilk olaraq hər bir iştirakçı ölkənin ödəniş sisteminin texniki, maliyyə inkişafının vahid prinsiplərinin formalaşmasını tələb edir. Bu, Belarusda "Belkart", Ermənistanda "Armenian Card", Qazaxıstanda "Tenqri-kart" və Qırğızıstanda "ELKART"dır. Hazırda bu kartlar ölkədaxili bazarda işləyir. Məsələn, hazırda ruslar bu kartlarla Belarusda ödəniş edə, yaxud bankomatdan nağdlaşdırma həyata keçirə bilmirlər.

Bu sərhədlərin aradan qaldırılması vahid ödəniş sisteminin buraxılmasının təklif edir. Hazırkı mərhələdə söhbət bankomat və POS-terminal şəbəkəsinin birləşdirilməsi, plastik kart milli sisteminin texniki bazası əsasında vahid çip kartların buraxılması və milli valyutada ölkələrarası hesablaşmalara keçiddən gedir.

Bu istiqamətdə ilk addım Rusiya və Ermənistan tərəfindən atılıb. Hökumətlər 2017-ci ilin ortasınadək texniki inteqrasiyanın yekunlaşmasını və bununla da milli infrastrukturda "Mir" və ArCa ödəniş sisteminin kartlarının qəbulunu nəzərdə tutan "Yol xəritəsi" imzalayıblar. (Report)