Yura dövrünü araşdırıb təqdid edən müasir dünya elmində, eyni zamanda, arxeologiya tarixində ilk dəfə dövrün ən nadir və ən maraqlı eksponatı nümayişə çıxarılacaq.

Reyting.az xəbər verir ki, ABŞ-da yerləşən, 1910-cu ildən Vaşinqton şəhərində fəaliyyət göstərən, dünyanın ən böyük və məşhur təbii tarix muzeylərindən biri hesab edilən Smitson Milli Təbiət Tarix Muzeyində ideal vəziyyətdə qorunmuş, dinozavrlar nəslindən olan paxisefalozavrın kəlləsi geniş ictimaiyyətə təqdim olunacaq.

Nadir tapıntı dekabr ayının 22-də öncədən razılaşdırıldığı kimi, dinozavrların qalıqlarını öyrənib araşdıran "FossiLab" elmi-tədqiqat laboratoriyasından birbaşa məşhur muzeyə - ictimaiyyətə göstərilmək üçün gətiriləcək. 

Yeganə nüsxə hesab edilən bu eksponatın bir müddət əvvəl tədqiqatçılar tərəfindən muzeyə bağışlandığı və ən nadir kolleksiya kimi Smitson Milli Təbiət Tarixi Muzeyinin qorunan mülkiyyətinə daxil edildiyi məlum olub.

Muzeyin dinozavr kolleksiyasının kuratoru Metyu Karranonun sözlərinə görə, bu nadir eksponat muzeydəki ən təsirli, eləcə də ən çox maraq doğuran, hər kəsin təəccübünə səbəb olacaq nümunələrdən biri sayılır. O, daha sonra qeyd edib ki, dinozavrın kəlləsi elə qorunub ki, hətta yırtıcının iti dişləri ilə bərabər dəyişən dişləri belə düşməyib. 

Məlumata görə, kəllə 2024-cü ildə Cənubi Dakotada, Hell-Krik formasiyasında tapılıb. Tədqiqatçılar ABŞ ərazisində aşkar edilmiş bu nadir nümunənin gənc paxisefalozavra aid olduğunu düşünürlər. Alimlər bildiriblər ki, bütün kəlləsi ilə bərabər 32 sümüyü də tam mühafizə olunmuş və 1,5 milyon əvvəl yaşamış bu dinozavrın baş, çənə hissəsini, dişlərinin xüsusiyyətini daha ətraflı tədqiq etmək üçün kompyuter tomoqrafiyasında skanlaşdırılma aparmağı planlaşdırırlar. 

Oqtay QORÇU