Məşhur rejissor Ceyms Kemeronun "Avatar 3: od və kül" filmi 2025-ci ildə "Disney" şirkətinə keçən ilin gəlirləri ilə müqayisədə dah çox vəsait qazandırıb. "Disney" kinoprokatı ekran əsərinin nümayişindən 6 milyard dollardan artıq gəlir əldə etməklə, ilk, həm də yeganə ABŞ studiyası olub.

Reyting.az xəbər verir ki, film Şimali Amerikada ilk həftəsonunda 88 milyon dollar, qlobal miqyasda isə 345 milyon dollar gəlir əldə edib. Bu nəticə şirkətə 2025-ci ilin dünya üzrə ikinci ən böyük startı statusunu qazandırıb.

Nə qədər təəccüblu səslənsə də, birinci yerdə olan və "Disney" studiyasının istehsal etdiyi "Zootopia 2" animasiya filminə baxış "Avatar 3: od və kül" ilə müqayisədə daha çox olub.

Lakin bununla belə, "Avatar 3: od və kül" filminin bu cür böyük uğuru "Disney"in illik ümumi kassasını təxminən 5,8 milyardadək çatdırıb. Gəlir kapitalını artıran şirkət hətta "Warner Bros" kimi nüfuzlu kinostudiyanı da geridə qoyub və sayı milyonları ötən tamaşaçı qazanmaqla, il ərzində liderliyini möhkəmləndirib. Son məlumatlara görə, bu film sayəsində "Disney" şənbə gününədək gəlirinin 6 milyard dolları keçəcəyini bəyan edib.

Qeyd olunur ki, "Avatar: od və kül" filminin tamaşaçılarının 38 faizi 25 yaşdan aşağıdır.

Bildirilir ki, gəlirin 56 faizi 3D, eləcə də premium formatların payına düşüb. Bu isə onu göstərir ki, amerikalı tamaşaçıların əksəriyyəti yeni ekranlara çıxmış "Avatar 3: od və kül" filmini maraqla, eyni zamanda, maksimum keyfiyyətdə izləməyə üstünlük veriblər.

Oqtay QORÇU