“Açıq səma altında muzeylər” adlı beynəlxalq konfrans keçirilib

Xəbər lenti

00:14 / 03-02-2026

Aviadaşıyıcı gəmilərə malik ölkələrin reytinqi açıqlanıb

23:39 / 02-02-2026

Tramp: "Hindistan Rusiya neftindən imtina etdi"

23:02 / 02-02-2026

İcra başçısını söyən şəxs həbs olunub

21:04 / 02-02-2026

"Velizarofficial" adlı səhifənin idarəçisi saxlanılıb

20:02 / 02-02-2026

İlham Əliyev Birləşmiş Ərəb Əmirliklərində - Yeni sənədlər imzalanıb - (Yenilənib) - Fotolar

19:41 / 02-02-2026

Xalq artistinin oğlu döyülüb

19:23 / 02-02-2026

Süleyman Mikayılov: “Nə harasa çağırılmışam, nə də ifadə vermişəm”

18:52 / 02-02-2026

Sabiq səfir: Türkiyədə görüş təşkil etməyə çalışırlar

18:00 / 02-02-2026

Qaz borusu partlayıb, yaralılar var - Yenilənib

17:55 / 02-02-2026

Generallar yeni vəzifədə polkovnik rütbəsində işləyəcək

17:16 / 02-02-2026

Cəlaloğlu: İranı silahlandırmağın mənası yoxdur

15:47 / 02-02-2026

Kreml Zelenskinin Moskvaya səfərində israrlıdır

15:17 / 02-02-2026

Oskar mükafatına namizədi həbs ediblər

15:04 / 02-02-2026

Kamran Əliyev üç prokuror təyin edib

14:20 / 02-02-2026

Apteklərdə nöqsanlar aşkar edilib

14:13 / 02-02-2026

Kreml Avropada xaos yaratmağı planlaşdırır

13:35 / 02-02-2026

Fevralın 17-də astronomik hadisə baş verəcək

13:12 / 02-02-2026

Dağlıq ərazilərə qar yağacaq - Proqnoz

13:06 / 02-02-2026

İTV-nin Yayım Şurasına yeni üzvlər seçilib

12:39 / 02-02-2026

Milli Məclisin iki komissiyası yenidən formalaşdırılıb - Siyahı

12:31 / 02-02-2026

Deputat: Azərbaycan seçkilərə qədər Ermənistanla sülh müqaviləsini imzalaya bilər

12:04 / 02-02-2026

Naxçıvan Konstitusiyasına çoxsaylı dəyişikliklər II səsvermədə təsdiqlənib

11:57 / 02-02-2026

İşsizlik dövlət üçün əlavə risklər yarada bilər

11:38 / 02-02-2026

Ay missiyasına hazırlıqlar başlayıb - Foto

11:26 / 02-02-2026

Musiqiçi oğluna 521 dildə mahnı yazıb

11:04 / 02-02-2026

Milli Məclisin iclası başlayıb

10:59 / 02-02-2026

ABŞ İranı armada ilə, Tehran Ağ evi regional müharibə ilə təhdid edir

10:58 / 02-02-2026

“QHT işi”: Mehriban Rəhimlinin məhkəməsi başlayır

10:34 / 02-02-2026

Prezident gəncləri təbrik edib - Müraciət

10:27 / 02-02-2026

Şanxay Əməkdaşlıq Təşkilatının öz valyutası olmayacaq

Xəbər lentinin davamı

Ən çox oxunanlar

20:01 / 30-01-2026

Prezident icra başçısını vəzifədən azad edib - Foto

17:31 / 29-01-2026

Vensin səfəri Güney Qafqaza nə vəd edir?

17:48 / 30-01-2026

Yerə bənzəyən planet kəşf olunub

18:15 / 30-01-2026

Vəzifəli şəxslər həbs edilib - (Yenilənib) - Foto

11:42 / 30-01-2026

Tramp üçün əlavə bəhanə: ABŞ prezidenti İraqı niyə hədəfə alıb?

15:04 / 02-02-2026

Kamran Əliyev üç prokuror təyin edib

23:45 / 29-01-2026

Ceyhun Bayramov: Azərbaycan ərazisindən İrana qarşı istifadəyə icazə verilməyəcək

13:35 / 02-02-2026

Fevralın 17-də astronomik hadisə baş verəcək

14:05 / 29-01-2026

Mollazadə: İran ətrafında vəziyyət ağır və təhlükəlidir

13:48 / 29-01-2026

Zəngilana növbəti köç karvanı gedib - (Yenilənib)

13:41 / 30-01-2026

Prezident yeni səfirlərin etimadnamələrini qəbul edib - (Yenilənib) - Fotolar

15:01 / 29-01-2026

Rusiya ordusu bir şəhəri ələ keçirib, iki şəhərə doğru irəliləyir

“Açıq səma altında muzeylər” adlı beynəlxalq konfrans keçirilib - Fotolar
Tarix: 16-05-2022 21:51 | Bölmə: Mədəniyyət

Şirift ölçüsü:

Mayın 16-da Şərq Ölkələri Beynəlxalq Memarlıq Akademiyası (ŞÖBMA), Beynəlxalq Memarlıq Akademiyasının Moskva bölməsi (BMAM) və Azərbaycan Memarlar İttifaqının (AMİ) birgə təşkilatçılığı ilə “Açıq səma altında muzeylər” adlı beynəlxalq elmi-praktik konfrans keçirilib.

Reyting.az xəbər verir ki, tədbiri giriş sözü ilə açan ŞÖBMA-nın vitse-prezidenti, Beynəlxalq Memarlıq Akademiyasının Moskva bölməsinin həqiqi üzvü və Bakı Akademik Mərkəzinin rəhbəri, Azərbaycan Memarlar İttifaqının İdarə Heyətinin sədri, Əməkdar memar, professor Elbay Qasımzadə beynəlxalq konfransa bir sıra qardaş ölkələrdən qonaqların qatıldığını diqqətə çatdırıb.

Elbay Qasımzadə ŞÖBMA-nın yaranma tarixindən bəhs edərək, qurumun 1992-ci ildə görkəmli Azərbaycan-Sovet memarı, SSRİ Xalq memarı, akademik Mikayıl Hüseynovun təşəbbüsü ilə təsis edildiyini xatırladıb. Qeyd edib ki, uzun illərdir mövcud olan Beynəlxalq Memarlıq Akademiyası Avropa ölkələri və Sovet İttifaqı respublikalarını müvafiq sahənin inkişafı üçün bir araya gətirir. “Akademik Mikayıl Hüseynov ŞÖBMA-nın yaradılması zəruriliyini də məhz bununla əsaslandırırdı. O, müvafiq qurumun Şərq ölkələrini birləşdirəcəyinə, dünya memarlıq elmini yeni əsərlər, tədqiqatlar və nailiyyətlərlə zənginləşdirəcəyinə inanırdı”, - deyə E. Qasımzadə bildirib.

Keçmiş prezidentlərinin sağlamlıq vəziyyəti, yaranmış bir sıra maliyyə xarakterli çətinliklərin Akademiyanın fəaliyyətinə mənfi təsir göstərdiyini söyləyən natiq qurumun növbəti illərdə durğunluq dövrü yaşadığını qeyd edib. Sədr artıq Akademiyanın fəaliyyətinin gücləndiriləcəyini, bu kimi yüksək səviyyədə təşkil olunan toplantıların mütəmadi olaraq keçiriləcəyini bildirib.

Konfransın işinə uğurlar diləyən professor E. Qasımzadə cari ilin payız aylarında hibrid formatda Akademiyanın Ümumi yığıncağının təşkilinin nəzərdə tutulduğunu söyləyib. O, bu kimi tədbirlərin qurumun fəaliyyətinin gücləndirilməsi, Şərq ölkələri memarlarının beynəlxalq əlaqələrinin inkişafı və möhkəmləndirilməsi, qədim ənənələrə malik Şərq memarlığının tərəqqisi, eləcə də memarlıq elminin layiq olduğu mövqeyə yüksəldilməsində mühüm rol oynadığını qeyd edib.

Sonra Rusiyanın Xalq memarı, BMAM-ın prezidenti, akademik Andrey Bokov maddi-mənəvi dəyərlərin saxlanıldığı və qorunduğu muzeylərin mədəniyyətlərin qurulmasında xüsusi rol oynadığını diqqətə çatdırıb. A. Bokov açıq muzeylərin qorunub saxlanılmasının əhəmiyyətindən bəhs edərək, burada saxlanılan hər bir tarixi və bədii əhəmiyyət kəsb edən eksponatın mənsub olduğu xalqın tarixini, qədimliyini və milliliyini əks etdirdiyini vurğulayıb. O, dünyanın bir çox ölkələrində bugünümüzədək gəlib çatmış müxtəlif mövzuları əhatə edən açıq səma altında muzeylərin fəaliyyət göstərdiyini qeyd edib.

Bu muzeylərin təşkil olunması ideyasının tarixinin bir neçə əsr öncəyə gedib çıxdığını deyən BMAM-ın prezidenti bildirib ki, tarixin müəyyən məqamını özündə yaşadan, keçmişdən bu günə, bu gündən gələcəyə körpü rolunu oynayan bu muzeylərdə ötən əsrlərin tarixi hadisələrindən xəbər verən eksponatlar sərgilənir.

Akademik A. Bokov hazırda yaşadığımız informasiya cəmiyyətində, rəqəmsal texnologiyalar əsrində tarixi abidələrin də elektron mühitə inteqrasiya olunduğunu, açıq havada fəaliyyət göstərən muzeylərin yeni modellərinin yarandığını bildirib. O, əhəmiyyətli məsələlərə həsr olunmuş konfransın işinə uğurlar arzulayıb, bu başlanğıcın gələcək əməkdaşlıqlar üçün yeni imkanlar açacağına əminliyini ifadə edib.

Tədbirdə çıxış edən ŞÖBMA və BMAM-ın həqiqi üzvü, Əməkdar memar, Azərbaycan Memarlıq və İnşaat Universitetinin rektoru, professor Gülçöhrə Məmmədova “Açıq səma altında muzeylər” mövzusunun memarlıq abidələri ilə zəngin olan ölkəmiz üçün çox aktual olduğunu diqqətə çatdırıb. Bildirib ki, memarlıq abidələrinin qorunması və bərpası problemləri Azərbaycan cəmiyyətinin diqqət mərkəzindədir.

“Uzun illər işğal altında olmuş tarixi torpaqlarımızda abidələrimizə ciddi ziyan dəymişdir ki, bu da Azərbaycan alimləri qarşısında bir sıra mühüm vəzifələr qoyur. Hazırda yalnız mədəni irsimizi bərpa və mühafizə etmək haqqında deyil, həm də onu mədəniyyətimizi dünyaya tanıtmaq üçün daha yaxşı nümayiş etdirmək barədə düşünməliyik”, - deyə G. Məmmədova əlavə edib.

Memarlıq abidələrimizin Sovet dövründə dərindən tədqiq olunmadığını təəssüf hissi ilə qeyd edən rektor işğaldan azad olunmuş ərazilərdə yerləşən abidələrin daha dərindən araşdırılmasının zəruriliyinə toxunub: “Memarlıq abidələrinin tədqiqi, bərpası və mühafizəsinə müasir yanaşma öncəkindən bir qədər fərqlənir. Azərbaycan alimləri müasir tələblərə cavab verən əsaslı tədqiqatlar aparmalı, bu işə gənc elmi kadrları cəlb etməlidirlər. Mədəni irsimizin inkişaf tarixi, memarlıq abidələrimizin milli mənsubiyyəti və s. haqda dünya elmi ictimaiyyətini düzgün məlumatlandırmalıyıq”.

Onun sözlərinə görə, Azərbaycanın mədəni irsi bəşər mədəniyyətinin ayrılmaz tərkib hissəsi olduğundan ölkəmizin ərazisində xalqımızın çoxəsrlik tarixi keçmişindən yadigar qalmış tarix və mədəniyyət abidələrinin mühafizəsi beynəlxalq əhəmiyyət kəsb edən məsələ olaraq qalır. Tariximizin, mədəniyyət və mənəviyyat abidələrimizin yenidən bərpası bir vətəndaşlıq borcu kimi hər birimizin, xüsusilə də gənc nəslin üzərinə düşür.

G. Məmmədova beynəlxalq konfransın təşkilində əməyi keçən hər kəsə dərin minnətdarlığını bildirib, tədbirdə aparılan müzakirələr zamanı ortaya çıxan yeni ideya və təkliflərin Azərbaycan memarlıq elminə töhfələr verəcəyinə inamını bildirib.

Daha sonra AMEA Memarlıq və İncəsənət İnstitutunun baş direktoru, ŞÖBMA-nın həqiqi üzvü, AMEA-nın müxbir üzvü, professor Ərtegin Salamzadə rəhbərlik etdiyi institutda açıq səma altında muzeylərlə bağlı ciddi tədqiqatların aparıldığını bildirib. Alim hər bir memarlıq abidəsinin açıq səma altında muzey kimi qiymətləndirilmə potensialına malik olduğunu diqqətə çatdırıb. Əlavə edib ki, buna baxmayaraq, bu muzeylərin böyük bir qismi muzeyləşdirilməmişdir. O, hazırda postmodern dövrü üçün xarakterik olan muzeyləşdirmə epoxasının yaşandığını deyib, bunun mənfi və müsbət cəhətlərindən bəhs edib.

Ə. Salamzadə Vətən müharibəsi nəticəsində işğal altında olan torpaqlarımızın azad edilməsi ilə Şuşa şəhərində açıq səma altında muzeylərin təşkili üçün geniş imkanların yarandığını vurğulayıb.

Zamanın axını ilə uyğunlaşmağın aktualizm, futurizm və s. kimi üsullarının mövcud olduğunu deyən direktor bugünkü konfransın bu üsullar arasından ən doğrusunun müəyyən edilməsində xüsusi rola malik olacağına ümidvar olduğunu bildirib.

Daha sonra konfrans öz işini plenar iclaslarla davam etdirib.

Tədbirdə “Tarixi-arxeoloji komplekslər Azərbaycanın mədəni irsi kontekstində”, “Xudafərin körpülərinin bərpası üçün memarlıq icmalı”, “Sarazm - Orta Asiyanın dağətəyi ərazilərinin ən qədim şəhəri”, “Qala kəndinin dini tikililəri “açıq səma altında” muzey eksponatları kimi” və digər mövzularda məruzələr dinlənilib, müzakirələr aparılıb.