Əgər inanmırsansa, ərizə yaz və... - Rejissor diplomlu aktrisa ilə müsahibə

Xəbər lenti

00:14 / 03-02-2026

Aviadaşıyıcı gəmilərə malik ölkələrin reytinqi açıqlanıb

23:39 / 02-02-2026

Tramp: "Hindistan Rusiya neftindən imtina etdi"

23:02 / 02-02-2026

İcra başçısını söyən şəxs həbs olunub

21:04 / 02-02-2026

"Velizarofficial" adlı səhifənin idarəçisi saxlanılıb

20:02 / 02-02-2026

İlham Əliyev Birləşmiş Ərəb Əmirliklərində - Yeni sənədlər imzalanıb - (Yenilənib) - Fotolar

19:41 / 02-02-2026

Xalq artistinin oğlu döyülüb

19:23 / 02-02-2026

Süleyman Mikayılov: “Nə harasa çağırılmışam, nə də ifadə vermişəm”

18:52 / 02-02-2026

Sabiq səfir: Türkiyədə görüş təşkil etməyə çalışırlar

18:00 / 02-02-2026

Qaz borusu partlayıb, yaralılar var - Yenilənib

17:55 / 02-02-2026

Generallar yeni vəzifədə polkovnik rütbəsində işləyəcək

17:16 / 02-02-2026

Cəlaloğlu: İranı silahlandırmağın mənası yoxdur

15:47 / 02-02-2026

Kreml Zelenskinin Moskvaya səfərində israrlıdır

15:17 / 02-02-2026

Oskar mükafatına namizədi həbs ediblər

15:04 / 02-02-2026

Kamran Əliyev üç prokuror təyin edib

14:20 / 02-02-2026

Apteklərdə nöqsanlar aşkar edilib

14:13 / 02-02-2026

Kreml Avropada xaos yaratmağı planlaşdırır

13:35 / 02-02-2026

Fevralın 17-də astronomik hadisə baş verəcək

13:12 / 02-02-2026

Dağlıq ərazilərə qar yağacaq - Proqnoz

13:06 / 02-02-2026

İTV-nin Yayım Şurasına yeni üzvlər seçilib

12:39 / 02-02-2026

Milli Məclisin iki komissiyası yenidən formalaşdırılıb - Siyahı

12:31 / 02-02-2026

Deputat: Azərbaycan seçkilərə qədər Ermənistanla sülh müqaviləsini imzalaya bilər

12:04 / 02-02-2026

Naxçıvan Konstitusiyasına çoxsaylı dəyişikliklər II səsvermədə təsdiqlənib

11:57 / 02-02-2026

İşsizlik dövlət üçün əlavə risklər yarada bilər

11:38 / 02-02-2026

Ay missiyasına hazırlıqlar başlayıb - Foto

11:26 / 02-02-2026

Musiqiçi oğluna 521 dildə mahnı yazıb

11:04 / 02-02-2026

Milli Məclisin iclası başlayıb

10:59 / 02-02-2026

ABŞ İranı armada ilə, Tehran Ağ evi regional müharibə ilə təhdid edir

10:58 / 02-02-2026

“QHT işi”: Mehriban Rəhimlinin məhkəməsi başlayır

10:34 / 02-02-2026

Prezident gəncləri təbrik edib - Müraciət

10:27 / 02-02-2026

Şanxay Əməkdaşlıq Təşkilatının öz valyutası olmayacaq

Xəbər lentinin davamı

Ən çox oxunanlar

20:01 / 30-01-2026

Prezident icra başçısını vəzifədən azad edib - Foto

17:31 / 29-01-2026

Vensin səfəri Güney Qafqaza nə vəd edir?

17:48 / 30-01-2026

Yerə bənzəyən planet kəşf olunub

18:15 / 30-01-2026

Vəzifəli şəxslər həbs edilib - (Yenilənib) - Foto

11:42 / 30-01-2026

Tramp üçün əlavə bəhanə: ABŞ prezidenti İraqı niyə hədəfə alıb?

15:04 / 02-02-2026

Kamran Əliyev üç prokuror təyin edib

23:45 / 29-01-2026

Ceyhun Bayramov: Azərbaycan ərazisindən İrana qarşı istifadəyə icazə verilməyəcək

13:35 / 02-02-2026

Fevralın 17-də astronomik hadisə baş verəcək

14:05 / 29-01-2026

Mollazadə: İran ətrafında vəziyyət ağır və təhlükəlidir

13:48 / 29-01-2026

Zəngilana növbəti köç karvanı gedib - (Yenilənib)

13:41 / 30-01-2026

Prezident yeni səfirlərin etimadnamələrini qəbul edib - (Yenilənib) - Fotolar

15:01 / 29-01-2026

Rusiya ordusu bir şəhəri ələ keçirib, iki şəhərə doğru irəliləyir

Əgər inanmırsansa, ərizə yaz və... - Rejissor diplomlu aktrisa ilə müsahibə - Fotolar
Tarix: 25-01-2023 17:06 | Bölmə: Mədəniyyət

Şirift ölçüsü:

Bu gün Azərbaycan səhnəsində istedadı ilə seçilən aktrisalarımız çoxdur. Həm istedadı, həm də intellektuallığı ilə fərqlənən aktrisalar isə barmaqla sayılacaq qədərdir.

Dövlət Gənc Tamaşaçılar Teatrının səhnəsində Gövhərtac (Ə.Haqverdiyev “Xortdanın Cəhənnəm məktubarı”), Leyli (M.Füzuli “Leyli və Məcnun”), Firəngiz (C.Cabbarlı “Oqtay Eloğlu”), Nina Mixayılovna (A.Çexov “Qağayı”) obrazlarında gördüyüm Səbinə Məmmədzadəni tərəddüd etmədən ikincilərə aid edərdim. Gənc və istedadlı aktrisa ifa manerası ilə yanaşı, savadı, dünya görüşü ilə də seçilir.

Yeri gəlmişkən, aktrisa Səbinə Məmmədzadə Mədəniyyət və İncəsənət Universitetinin “dram rejissorluğu” fakültəsini fərqlənmə diplomu ilə bitirib.

Tez-tez populyar teleseriallarda baş rollara çəkilsə də mən Səbinə xanımı daha çox teatr aktrisası kimi qəbul edirəm. Elə özü də teatrı kinodan, səhnəni çəkiliş meydançasından qəlbinə daha yaxın sayır. Ona görə də Bakıvaxtı.az-ın bu müsahibəsində istedadlı aktrisanın teatrdakı fəaliyyəti barədə danışdıq.

Teatr ictimaiyyətinin böyük maraqla qarşıladığı “Kod adı “VXA”” tamaşasının uğurunda Səbinə Məmmədzadənin də zəhməti var. Dövlət Gənc Tamaşaçılar Teatrının baş rejissoru, tamaşanın müəllifi və quruluşçu rejissoru, Əməkdar incəsənət xadimi Mehriban Ələkbərzadə gənc aktrisaya Şövkət Məmmədxanovanın obrazını həvalə edib. O Şövkət Məmmədxanova ki, həyat yoldaşına görə ötən əsrin 30-cu illərində repressiya olunub, Qazaxıstanın Akmola həbs düşərgəsində olmazın əzablara qatlaşıb.

Kod nömrəsi 30419

- Mehriban Ələkbərzadənin yazdığı və quruluş verdiyi “Kod adı “VXA”” teatr cameəsinin gözlədiyi kimi, monumental alındı. 4 saat davam edən tamaşada oynamaq səni yormur ki?

- Yox, qətiyyən. Buna xoş yorğunluq da demək olar. Mən enerjini hiss edən, daim neqativdən uzaq durmağa çalışan biriyəm. Mehriban xanım bu yeni əsərlə bağlı bizimlə keçirdiyi ilk toplantıda hamımıza böyük bir müsbət enerji ötürdü, özümə söz verdim ki, bütün çətinliklərə rəğmən bu obrazın yaxşı alınması üçün var qüvvəmlə çalışacam. İstər masa arxası, istərsə də səhnədə aparılan məşqlərdə fiziki yorğunluq olurdu və bu da təbiidir, əsas odur ki, mənəvi yorğunluq hiss edilmədi. Görkəmli teatr rejissoru və pedaqoqu Mixail Çexovun təbirincə desək, hər məşqdən sonra aktiv gözlənti prosesinə bir qədər də yaxınlaşırdıq. Aktyor kimi rol üzərində əməli təhlillə bağlı Mehriban xanımla müzakirələrim olurdu, nələrisə dəyişirdik, nələrisə yenidən başlayırdıq. Nəticədə Azərbaycan teatrında çox nadir hallarda rast gəlinən bir tamaşa ərsəyə gəldi, Mehriban Ələkbərzadə bu səhnə əsəri ilə qadının nələrə qadir olduğunu sübut etdi.

- Tamaşadakı qadınların hər biri ötən əsrin 20-30-cu illərində Azərbaycan üçün mühüm işlər görən, ictimai-siyasi həyatda seçilən real insanlardı. Sənin oynadığın Şövkət Məmmədxanova da həmçinin. Müəllif-rejissorun Şövkət xanım haqqında verdiyi məlumat yetərli oldu, yoxsa əlavə nələrsə öyrəndin?

- Təbii ki, əlavə məlumatlar axtardım. Mehriban xanımın məsləhəti ilə Aleksandr Soljenitsının “Arxipelaq QULAQ” əsərini oxudum, müxtəlif mənbələrdən Şövkət Məmmədxanova barəsində informasiyalar topladım. Şövkət xanım Bakının Əhmədli kəndində doğulub, hüquq təhsili alıb, həyat yoldaşı Məmmədxan Məmmədxanov Azərbaycanda sovet hakimiyyətinin qurulmasında xidmətlər göstərib, mühüm postlar tutub, Mərkəzi Komitənin üzvü seçilib, təltiflərə layiq görülüb. Bütün inqilablar necə deyərlər, öz övladlarını yeyir, sosialist inqilabı da həmçinin. Hökuməti quran insanların əksəriyyəti 30-cu illərdə “xalq düşməni” elan olunub, repressiyalara məruz qalıb, məhv edilib. Şövkət xanımın da əvvəlcə ərini, sonra isə xalq düşməninin həyat yoldaşı olduğu üçün özünü həbs ediblər. Qazaxıstanda, Akmola həbs düşərgəsinə məhrumiyyətlərə düçar olub.

- Həmin həbs düşərgələrində qadınlar ad, soyadla yox, onlara verilən xüsusi nömrələrlə tanınıblar...

- Şövkət xanımın nömrəsi 30419 olub. Çox qəribədir ki, 30419 rəqəminin mənim üçün xüsusi önəmi var- ayın 4-də anadan olmuşam, 91-ci ildə, bu obraz da mənə 30 yaşımda verilib.

- Mistika?

- Bilmirəm, bəlkə də... Hər bir səhnə əsəri üçün rejissor yozumu çox önəmlidir. Mehriban Ələkbərzadə bu tamaşaya mükəmməl rejissor yozumu verdi, hər bir obrazı, o cümlədən mənim oynadığım Şövkət rolunu təhlil etdi.

Mehriban xanım səhnəyə çıxmazdan öncə qulağıma bir cümlə pıçıldadı... Aktyoru, aktrisanı vəcdə gətirmək, sevərək qorumaq ustad rejissorların işidir axı. Həmin o cümlədən sonra emosional yaddaşımla həkk olan ağrı ilə qəhrəmanım Şövkətin ağrısını o qədər gözəl hiss edə bildim ki...

Tamaşa dördüncü divarla örtülüb, nervizm üzərində bir biomexanika var. Hər bir obrazla ayrı-ayrılıqda o qədər dəqiq işlənib ki, hisslər o dördüncü divarı yararaq birbaşa tamaşaçı zalının on birinci sırasına ötürülür. Mehriban xanım bir rejissor olaraq aktyor kimi çəkdiyimiz ağrını, daşıdığımız məsuliyyəti bizimlə birgə yaşaya bilir. Təsəvvür edin, arxa kulisin işıqları onun açıq qəhvəyi rəngli saçlarını yararaq keçir, səhnədə yaşananlara reaksiyası görünür, sanki bizimlə səhnədədir...

Bir məsələni də deyim, bilmirəm bəlkə bunu da mistikaya yozmaq olar. Həbsxana həyatı yaşayan qadının obrazını oynamaq kimi bir arzum var idi, lakin bu istəyimi gizli saxlamışdım. Mehriban Ələkbərzadə Şövkət Məmmədxanova obrazı ilə məni bu istəyimə də çatdırdı.

Rejissor hər zaman haqlıdır

- Rejissor diplomlu aktrisa kimi rejissorlarla çalışmaq sənə çətin deyil ki?

- Qətiyyən yox, heç bir çətinlik hiss etmirəm. Rusiya Federasiyası Teatr Xadimləri İttifaqının təşkil etdiyi Moskva XII Beynəlxalq Teatr Yay Məktəbində iştirak edəndə bizə öyrətdikləri ilk qayda bu oldu- Rejissor hər zaman haqlıdır!

Aktyor isə rejissora inanmalıdır. Əgər inanmırsansa onda ərizə yaz, rejissorun sənə verdiyi roldan rəsmi imtina elə. Özümü şanslı aktrisa sayıram, çünki çox istedadlı rejissorlardan rol almaq, səhnə əsərləri üzərində onlarla birgə çalışmaq nəsibim olub. Mədəniyyət və İncəsənət Universitetində mənə rejissorluğun sirlərini öyrədən, tələbkar müəllimim Bəhram Osmanovun tamaşalarında rol oynamışam. Rusiya Federasiyasının Əməkdar incəsənət xadimi Boris Mançiyev bizim teatrda “Xortdanın Cəhənnəm məktubları” tamaşasına quruluş verəndə mənə Gövhərtac obrazını həvalə etdi və məhz onun sayəsində tragik qəhrəman kimi kəşf olundum. Bəllidir ki, hər bir insanın daxilində paradoks var, həm gülür, həm ağlayır. Səhnədə bunu ilk dəfə Gövhərtac obrazında yaşadım.

Həm istedadlı aktyor, həm də rejissor kimi özünü sübut edən Nicat Kazımovla maraqlı işbirliyimiz olub. Moskva Beynəlxalq Teatr Yay Məktəbində iştirak edəndə Gitis Padegimas, Pyotr Şerevşevski kimi görkəmli pedaqoq və rejissorlarla çalışmışam.

Mehriban Ələkbərzadənin tamaşasında rol almaq mənim çoxdankı arzum idi, bir neçə il öncə tədbirlərin birində Mehriban xanıma yaxınlaşıb dedim ki, quruluş verdiyiniz tamaşalardan hansındasa oynamaq istəyirəm. Görünür qismət “Kod adı VXA” tamaşasına imiş.

Rejissorluq ixtisası üzrə ali təhsil almağımın təbii ki, avantajları var, amma mən heç vaxt çalışdığım rejissorlarla mübahisə etmirəm, sadəcə mənə vermək istədiyi obrazın ali məqsədini soruşuram. Düşüncəmə görə, rejissor ali məqsədi aktyora deməyə borcludur, bundan yayınan rejissoru ciddi saymıram.

- Azərbaycan Teatr Xadimləri İttifaqının keçirdiyi festivallarda sənət cameəsi sənin rejissorluğunu da gördü...

- İttifaqın 2019-cu ildə təşkil etdiyi “Baxış” festivalı üçün yazıçı Pərvinin “Ürəyə düş” tamaşası hazırladım. Ötən il isə “Baxış-2” festivalında ingilis ədəbiyyatında romantizm cərəyanının tanınmış nümayəndələrindən sayılan Bayronun “Qabil” pyesi əsasında hazırladığım “Xülya” tamaşası ilə iştirak etdim. “Xülya” tamaşasını “Bütün yollar Tanrıya aparır” ideyası əsasında qurmuşdum.

Yazıçı Ülviyyə Heydərovanın “Pələng” monopyesini elə ilk oxunuşdan bəyəndim və bu tamaşanı da festival üçün hazırladım. Teatrımızın aktrisası Zümrüd Quliyevanın üzərində qurduğum bu tamaşa Mədəniyyət Nazirliyinin dəstəyi ilə Türkiyənin Diyarbəkir şəhərində keçirilən “II SoloFest” Beynəlxalq Teatr festivalında uğurla iştirak etdi.

- Böyük səhnədə rejissor kimi debütünü nə vaxt görə biləcəyik?

- Tam səmimi deyim ki, özümü buna hələ tam hazır saymıram. İnsan elə bir varlıqdır ki, enerjisi hara axırsa diqqətini də məhz ora yönəldir. Mənim bu dəqiqə bütün diqqətim səhnəyə, oynadığım və oynaya biləcəyim obrazlara yönəlib.

- Bayaq müsahibədən əvvəl söhbətləşəndə Dövlət Gənc Tamaşaçılar Teatrının önündən insanların keçib getdiyini müşahidə elədik. Həmin insanlara bir mesajın varmı?

- Bir anlıq ayaq saxlayıb afişalarımıza baxsınlar, sosial şəbəkələrdə bizi izləsinlər, kassalara yaxınlaşıb bilet alsınlar. Tamaşalarımıza baxandan sonra onlar hökmən teatr adlı bir aləmin sehrinə düşəcəklər. Teatr həqiqətən də maraqlı, maraqlı olduqca da gərəkli sənət növüdür.

Bakıətrafı kəndlərdə yaşayan uşaqlarda, yeniyetmələrdə teatra maraq oyatmaq, səhnə sənəti barədə fikir formalaşdırmaq üçün Teatr Studiya ilə bağlı layihə hazırlamışdım. “İdeovate” şirkəti, onun rəhbəri Nailə xanım Namazova sağ olsun ki, bu layihəyə dəstək oldu. Bu dəstək sayəsində artıq bir neçə kənddə bizim “Teatral” Studiyamız fəaliyyət göstərir, bir neçə kənddə isə studiyamızın açılışına hazırlıq gedir.

Biz gələcəyin rejissorunu, aktyorunu, tamaşaçısını uşaq yaşlarından yetişdirmək istəyindəyik. İnanıram ki, çəkdiyimiz əziyyət boşuna getməyəcək, Azərbaycan teatrının gələcəyi üçün bu gün atdığımız kiçik addımlar böyük nəticələr verəcək.