Professor: “Koronavirus yalnız tibbi və bioloji məsələ deyil”

Xəbər lenti

00:14 / 03-02-2026

Aviadaşıyıcı gəmilərə malik ölkələrin reytinqi açıqlanıb

23:39 / 02-02-2026

Tramp: "Hindistan Rusiya neftindən imtina etdi"

23:02 / 02-02-2026

İcra başçısını söyən şəxs həbs olunub

21:04 / 02-02-2026

"Velizarofficial" adlı səhifənin idarəçisi saxlanılıb

20:02 / 02-02-2026

İlham Əliyev Birləşmiş Ərəb Əmirliklərində - Yeni sənədlər imzalanıb - (Yenilənib) - Fotolar

19:41 / 02-02-2026

Xalq artistinin oğlu döyülüb

19:23 / 02-02-2026

Süleyman Mikayılov: “Nə harasa çağırılmışam, nə də ifadə vermişəm”

18:52 / 02-02-2026

Sabiq səfir: Türkiyədə görüş təşkil etməyə çalışırlar

18:00 / 02-02-2026

Qaz borusu partlayıb, yaralılar var - Yenilənib

17:55 / 02-02-2026

Generallar yeni vəzifədə polkovnik rütbəsində işləyəcək

17:16 / 02-02-2026

Cəlaloğlu: İranı silahlandırmağın mənası yoxdur

15:47 / 02-02-2026

Kreml Zelenskinin Moskvaya səfərində israrlıdır

15:17 / 02-02-2026

Oskar mükafatına namizədi həbs ediblər

15:04 / 02-02-2026

Kamran Əliyev üç prokuror təyin edib

14:20 / 02-02-2026

Apteklərdə nöqsanlar aşkar edilib

14:13 / 02-02-2026

Kreml Avropada xaos yaratmağı planlaşdırır

13:35 / 02-02-2026

Fevralın 17-də astronomik hadisə baş verəcək

13:12 / 02-02-2026

Dağlıq ərazilərə qar yağacaq - Proqnoz

13:06 / 02-02-2026

İTV-nin Yayım Şurasına yeni üzvlər seçilib

12:39 / 02-02-2026

Milli Məclisin iki komissiyası yenidən formalaşdırılıb - Siyahı

12:31 / 02-02-2026

Deputat: Azərbaycan seçkilərə qədər Ermənistanla sülh müqaviləsini imzalaya bilər

12:04 / 02-02-2026

Naxçıvan Konstitusiyasına çoxsaylı dəyişikliklər II səsvermədə təsdiqlənib

11:57 / 02-02-2026

İşsizlik dövlət üçün əlavə risklər yarada bilər

11:38 / 02-02-2026

Ay missiyasına hazırlıqlar başlayıb - Foto

11:26 / 02-02-2026

Musiqiçi oğluna 521 dildə mahnı yazıb

11:04 / 02-02-2026

Milli Məclisin iclası başlayıb

10:59 / 02-02-2026

ABŞ İranı armada ilə, Tehran Ağ evi regional müharibə ilə təhdid edir

10:58 / 02-02-2026

“QHT işi”: Mehriban Rəhimlinin məhkəməsi başlayır

10:34 / 02-02-2026

Prezident gəncləri təbrik edib - Müraciət

10:27 / 02-02-2026

Şanxay Əməkdaşlıq Təşkilatının öz valyutası olmayacaq

Xəbər lentinin davamı

Ən çox oxunanlar

20:01 / 30-01-2026

Prezident icra başçısını vəzifədən azad edib - Foto

17:31 / 29-01-2026

Vensin səfəri Güney Qafqaza nə vəd edir?

17:48 / 30-01-2026

Yerə bənzəyən planet kəşf olunub

18:15 / 30-01-2026

Vəzifəli şəxslər həbs edilib - (Yenilənib) - Foto

11:42 / 30-01-2026

Tramp üçün əlavə bəhanə: ABŞ prezidenti İraqı niyə hədəfə alıb?

15:04 / 02-02-2026

Kamran Əliyev üç prokuror təyin edib

23:45 / 29-01-2026

Ceyhun Bayramov: Azərbaycan ərazisindən İrana qarşı istifadəyə icazə verilməyəcək

13:35 / 02-02-2026

Fevralın 17-də astronomik hadisə baş verəcək

14:05 / 29-01-2026

Mollazadə: İran ətrafında vəziyyət ağır və təhlükəlidir

13:48 / 29-01-2026

Zəngilana növbəti köç karvanı gedib - (Yenilənib)

13:41 / 30-01-2026

Prezident yeni səfirlərin etimadnamələrini qəbul edib - (Yenilənib) - Fotolar

15:01 / 29-01-2026

Rusiya ordusu bir şəhəri ələ keçirib, iki şəhərə doğru irəliləyir

Professor: “Koronavirus yalnız tibbi və bioloji məsələ deyil” - Müsahibə
Tarix: 05-12-2020 11:23 | Bölmə: Müsahibə

Şirift ölçüsü:

Yaqub Məmmədov koronavirus məsələsinin arxasında böyük iqtisadi və siyasi maraqların gizləndiyini iddia edir: “Gedən proseslər göstərir ki, bu işin ABŞ-dakı seçkilərə də böyük təsiri olub və mümkündür ki, bundan sonra da olacaq”

Azərbaycan da daxil olmaqla müxtəlif ölkələrdə koronavirus özünün pik mərhələsini yaşayır, yoluxmanın sürətlə artdığı müşahidə olunur. Azərbaycan Tibb Universitetinin keçmiş rektoru, tibb elmləri doktoru, professor Yaqub Məmmədov Reyting.az-a müsahibəsində deyib ki, pandemiya yalnız tibbi məsələ deyil, burada həm siyasi, həm iqtisadi, həm də digər böyük maraqlar var:

- İndi bütövlükdə dünyada pandemiya inkişaf edir, xəstəliklərə tutulanların sayında sürətlə artım müşahidə edilir. Hesab edirəm ki, pandemiya ancaq tibbi məsələ deyil, burada həm siyasi, həm iqtisadi, həm də böyük maraqlar var.

Azərbaycanda da yoluxma sayı artır və sözsüz ki, bu, böyük narahatlıq doğurur. Hesab edirəm ki, bunun səbəbi həm də karantin şərtlərinə əməl olunmamasından irəli gəlir.

Xalqımız karantin qaydalarına əməl etmədi, rayonlarımız işğaldan azad olunduqca insanlarımız ruhlandı, küçələrə çıxdı. Eləcədə müəyyən yığıncaqlar, tədbirlər təşkil edildi. Məhz bu kimi hallar infeksiyanın inkişafına şərait yaratdı. Odur ki, obyektiv şəraiti nəzərə almaq lazımdır.

Pandemiyanın sürətlə inkişaf etməsi, yoluxmaların sayında maksimal artım təkcə Azərbaycnla bağlı məsələ deyil. Bu, ümumilikdə dünya üçün xarakterikdir. Amma ümid edirəm ki, bunun da bir əlacı tapılacaq, biz bu ağır və riskli mərhələni geridə qoyacağıq.

- Yaqub müəllim, hazırda həkimlər karantin rejiminin sərtləşdirilməsinə dair müzakirələr aparırlar. Sizcə, buna ehtiyac varmı?

- Karantin rejimi sərtləşdirilməlidir. Lakin SMS sisteminin tətbiqi heç bir nəticə verməyəcək. Bunun əkstəsirləri olacaq. Əgər karantin rejiminin sərtləşdirilməsi deyiləndə SMS sisteminin tətbiqini nəzərdə tuturlarsa, mən bunun effekt verəcəyinə inanmıram. Sözsüz ki, başqa tədbirlər görülməlidir. Hesab edirəm ki, qoruyucu maskalardan istifadə gücləndirilməli, parklarda, kafelərdə, restoranlarda insanların toplaşmasına qarşı qəti tədbirlər görülməlidir. Həmçinin nəqliyyatdan istifadə məsələsi var. İctimai nəqliyyatda vətəndaşların istifdəsinə nəzarət olunmalıdır. Müəyyən belə vacib tədbirlər görmək olar. Amma başqa tədbirlərə ehtiyac olmayacaq.

- Azərbaycanda karantin rejimi sərt olduğu zaman gündəlik yoluxma min nəfərə çatmırdı. İndi yoluxma az qala 5 min nəfərə çatır. Elə qonşu Gürcüstanda və Ermənistanda da vəziyyət bizdən yaxşı deyil. Siz bunu nə ilə əlaqələndirirsiniz?

- Əslində, indiki vəziyyət öncədən proqnozlaşdırılırdı. Ümumdünya Səhiyyə Təşkilatının proqnozlarında qeyd edilirdi ki, payızda ikinci dalğa daha şiddətli olacaq. Müşahidələrə əsasən deyə bilərik ki, indi baş verənlər proqnoza tam uyğundur. Əlbəttə, payız fəslində havaların dəyişməsi ilə əlaqədar infeksional xəstəliklərin statistikasında artım olur. Müxtəlif növ qrup xəstəlikləri, soyuqlamalar bu fəsildə baş verir və şübhəsiz ki, bunun da pandemiyaya müəyyən təsirləri olur. Başqa sözlə, immunitet zəifləyir və imkan yaradır ki, patogen amillər, viruslar öz təsirlərini gücləndirsinlər və xəstəliklər inkişaf etsin. Yəni payız fəsli və sosial problemlər təsir edir ki, xəstəliklər geniş yayılsın. Odur ki, indi baş verənlərdə qanunauyğunluq var. Amma sözsüz ki, tədbirlərin görülməsinə də ehtiyac var.

- Sizcə, üçüncü dalğa gözləniləndir?

- İşlərin belə gedişatı göstərir ki, əgər vaksinasiya məsələsi reallaşmasa üçüncü dalğa yaşana bilər. İndi ən vacib məsələ koronavirusun vaksinin əldə edilməsidir.

- Son zamanlar həm də belə ehtimallar irəli sürülür ki, COVID-19 pandemiyası ABŞ prezidenti Donald Trampı hakimiyyətdən uzaqlaşdırmaq üçün hazırlanan ssenari olub. Reallıqda da bəlli olur ki, bu xəstəlik ən çox Amerikaya ziyan vurub. Real rəqəmlər də göstərir ki, həm yoluxma, həm ölüm, həm də böyük vəsaitin xərclənməsi və iqtisadiyyatın zəifləməsi baxımından ABŞ ən çox ziyan çəkən ölkədir. Siz bu iddiaları nə dərəcədə real sayırsınız?

- Mən hesab edirəm ki, koronavirus ancaq tibbi və bioloji məsələ deyil. Burada həm böyük iqtisadi, həm də siyasi problemlər var. Siz dedikləriniz də bunlardan biridir. Mən bunu istisna etmirəm. Gedən proseslər göstərir ki, bu işin ABŞ-dakı seçkilərə böyük təsiri olub və mümkündür ki, bundan sonra da olacaq.

- İndi müşahidə olunan və yüz minlərlə insanın ölümünə səbəb olan bu proses hansı ana qədər davam edə bilər?

- Mənim fikrimcə, peyvənd məsələsini həll edə, yəni bu infeksiyasının əlacını tapa bilsələr proseslər nisbətən səngiyəcək. Amma bunun üçün dünyada vaksin problemini həll etmək vacibdir. Bu baş versə, çətinliklər və pandemiya yaz aylarına qədər həllini tapar. Yox, əgər bu baş verməsə və koronavirusun ayrıca spesfik müalicə üsulu tapılmasa, o zaman proses uzana bilər.

- İndi koronavirusla bağlı gördüklərimiz ümumilikdə dünya səhiyyə strukturlarının böhran içində olduğunu göstərmirmi?

- Mən bu cür düşünmürəm.

- Ancaq fakt odur ki, az qala bir ilə yaxındır koronavirus tüğyan edir, amma vaksin problemi hələ həll edilməyib...

- Əslində müasir səhiyyə sistemi olmasaydı pandemiya daha böyük faciələrə gətirib çıxara bilərdi. Səhiyyə sisteminin əlində bu xəstəliyə qarşı spesfik müalicə üsulunun olmamasına baxmayaraq böyük tədbirlər həyata keçirildi və bunun sayəsində xəstəlik daha geniş vüsət almadı. Bu, çox mürəkkəb prosesdir. Səhiyyə sistemi də bunun içindədir. Əslində baş verənlər dünya müasir səhiyyə sisteminin nəyə qadir olduğunu göstərdi. Mən bunu çox yüksək qiymətləndirirəm və bütün səhiyyə sistemini günahlandırmaq ədalətsizlik olardı.

- Yaqub Məmmədovun özü pandemiyadan necə qorunur?

- Karantin rejiminin bütün tələblərinə əməl edirəm. Ehtiyac olmadığı halda evdən çıxmıram, işə getmirəm, qoruyucu maskadan istifadə edirəm, mağaza və ya aptekə gedəndə sosial məsafəni saxlayıram. Yəni bütün tələblərə əməl edirəm.

Həmçinin camaatımızı bu tələblərə əməl etməyə çağırıram. Səhiyyə təşkilatları, ölkə rəhbərliyi tərəfindən təklif olunan karantin və qorunma tədbirlərinə ciddi əməl etmələrini rica edirəm. Mən hesab edirəm ki, biz karantin qaydalarına əməl etməklə koronavirusla müharibədə qalib gələ biləcəyik.

Reyting.az

Ana səhifəyə dön