“Moskva Putin-Zelenski görüşünə ev sahibliyi etməyə hazırdır”.

Reyting.az xəbər verir ki, bunu Rusiya prezidenti Vladimir Putinin köməkçisi Yuri Uşakov bildirib.

Onun sözlərinə görə, Ukrayna prezidenti Vladimir Zelenski görüşə razıdırsa, Rusiya onu Moskvaya dəvət edir və təhlükəsizliyinə tam təminat verir.

Qərb mətbuatı yazır ki, belə bir təklif ABŞ prezidentinin Rusiya liderinə qarşı yumşaq davranış siyasətinin nəticəsidir.

Qeyd edək ki, Putin-Zelenski görüşü ilə bağlı söhbət Əbu-Dabidə ABŞ, Rusiya və Ukrayna nümayəndələri arasında keçirilən danışıqlardan az sonra gündəmə gəlib.

Onu da xatırladaq ki, Rusiya rəhbəri Putin hələ 2025-ci ilin payızında Ukrayna prezidenti Zelenskini Moskvaya danışıqlara dəvət etmişdi. Lakin Zelenski Rusiya dövlət başçısının dəvətini qəbul etməmiş və istənilən vaxt Kreml rəhbəri Kiyevdə görüşməyə hazır olduğunu bildirmişdi.

Avropa və amerikalı media mənsublarının və müxtəlif siyasi analitiklərin fikrincə, ABŞ-dan Ukrayna müharibəsi ilə bağlı təzyiq, təhlükə gözləməyən Rusiya prezidenti münaqişəni güc yolu ilə həll etməyə tələsir.

Qərbli ekspertlər iddia edirlər ki, Uşakovun Zelenskiyə ünvanlanan bu dəvət təklifinin arxasında Ukrayna dövlət başçısının siyasi nüfuzunu zəiflətmək və təslimçilik siyasəti gizlənir.

Oqtay QORÇU