Rusiya ilə ABŞ arasında mövcud olmuş Nüvə Silahları Müqaviləsinin müddəti fevralın 5-də başa çatıb. Bu səbəbdən ABŞ prezidenti Donald Tramp Rusiyanı nüvə silahları ilə bağlı yeni müqavilə (Yeni START) bağlamağa çağırıb.

Reyting.az xəbər verir ki, Ağ ev rəhbəri bunu sosial media platforması “Truth Social”-da yazıb.

Tramp qeyd edib ki, Yeni START müqaviləsi zəif danışıqlar yolu ilə həll edilib və digər məsələlərlə yanaşı, kobud şəkildə pozulub.

Rəsmi olaraq Yeni Strateji Silahların Azaldılması Müqaviləsi kimi tanınan müqavilə 2010-cu ildə 1991-ci il START Müqaviləsini əvəz etmək üçün imzalanıb.

Yeni START 5 fevral 2011-ci ildə ilkin olaraq 10 il müddətinə qüvvəyə minib və 2021-ci ildə daha beş il uzadılıb.

Müqaviləyə əsasən, ABŞ və Rusiya hər bir ölkə üçün yerləşdirilən strateji nüvə başlıqlarının sayını 1550-yə endirməyi öhdələrinə götürüblər.

Onlar həmçinin qitələrarası ballistik raketlər və ağır bombardmançı təyyarələr kimi döyüş başlığı daşıyıcılarının sayını 700-dən çox olmamaqla məhdudlaşdırmaq barədə razılığa gəliblər.

ELÇİN