Rusiya Ukraynada Rusiyanın təhlükəsizlik maraqlarını təhdid edən heç bir silahın yerləşdirilməsinə icazə verməyəcək.

Reyting.az xəbər verir ki, bunu Rusiya xarici işlər naziri Sergey Lavrov beynəlxalq TV BRICS şəbəkəsinə müsahibəsində bildirib.

Lavrov deyib ki, Kiyevin özü və ya Avropa Birliyindəki “mağarada yaşayan rusofoblar”ın nə deməsindən asılı olmayaraq, ABŞ prezidenti Donald Trampın Ukrayna ilə bağlı mövqeyi Kreml üçün vacibdir.

Rusiyalı nazir Kremlin ABŞ-nın Ukrayna ilə bağlı təklifini qəbul etdiyini desə də, bu təklifin nə olduğunu dəqiqləşdirməyib.

Lavrovun sözlərinə görə, prezident Vladimir Putinin 15 avqust 2025-ci ildə Alyaskada Trampla görüşündən sonra Rusiya və ABŞ geniş əməkdaşlığa doğru getməli olsalar da, praktikada bunun əksi baş verib.

“ABŞ artıq Ankoricdə Ukrayna ilə bağlı verdiyi təklifləri həyata keçirməyə hazır deyil”, - deyə Lavrov qeyd edib. Lakin o, hadisələrin bu cür inkişafının səbəblərini açıqlamayıb.

Keçən ilin sonlarında Lavrovun Rusiya üçün təhlükəsizlik zəmanətlərinin əsası olaraq ABŞ-a və NATO-ya 2021-ci ilin dekabr ayındakı Rusiya ultimatumlarını təklif etdiyini xatırladıb. Bu ultimatumlara NATO-nun mövcud strukturunu sarsıda biləcək şərtlər, məsələn, 1997-ci ildən sonra ittifaqa qoşulan ölkələrdə qüvvələrin və silahların yerləşdirilməsini məhdudlaşdırmaq daxildir.

E. KAMAL