Səfir Bünyad Hüseynov: “Mən özüm bu müharibənin zərərçəkmişlərindən biriyəm”

Azərbaycanın İrandakı səfiri Bünyad Hüseynov yerli KİV-ə növbəti müsahibəsini verib.

Reyting.az gündəlik “İran” qəzetinə istinadla xəbər verir ki, səfir çoxsaylı suallara cavab verərkən bildirib: “Ermənistanla Azərbaycan Respublikası arasındakı münaqişə separatizmlə başladı və müharibəyə çevrildi. Bu münaqişənin dialoq yolu ilə həll olunmasını istəyirik. Təəssüf ki, erməni tərəfi məsələni sülh yolu ilə həll etmək üçün iradə göstərməyib, əksinə, təxribat tədbirləri ilə atəşi alovlandırıb”.

Bünyad Hüseynov əlavə edib: “Bölgənin vacib bir ölkəsi olan Rusiya hər iki ölkə ilə tarixi əlaqələrə malikdir. Bir neçə gün əvvəl Rusiya prezidentinin təklifi ilə razılaşdıq və Ermənistan, Azərbaycan və Rusiya xarici işlər nazirləri atəşkəs barədə razılığa gəldilər. Atəşkəsi pozan ilk ölkə Ermənistan olub. Hərbi kəşfiyyat indi hansı raketin hansı saatda və hansı tərəfdən atıldığını və atəşkəsi pozduğunu təsdiqləyib. Bu müddət ərzində erməni tərəfi bir mülki şəxsin Azərbaycan Respublikası tərəfindən hədəf alındığını iddia edə bilməz. Ermənistanın atəşkəsi pozmaqda məqsədi azad edilmiş şəhərləri və döyüş meydanında itirdiyi yerləri azad etməkdir. Azərbaycan tərəfi ölüləri birtərəfli qaydada təhvil verməyə hazır olduğunu bildirib. Lakin, fikrimizcə, atəşkəsin yaradılması və məsələnin dialoq yolu ilə həll edilməsi üçün bir şərt var – Ermənistan silahlı qüvvələrinin Azərbaycan Respublikası ərazisindən çıxarılması”.

Azərbaycan səfiri rəsmi Bakının mövqeyini açıqlayıb: “Müharibənin öz nəticələri və itkiləri var. “İran” qəzeti dünən cənab Abdullah Abdullahdan müsahibə alıb və o, müharibənin Əfqanıstan xalqının yaşamaq fürsətini əlindən aldığını vurğulayıb. Sülh prosesinin sürətləndirilməsini tələb edən məhz bu dağıdıcı nəticələrdir. Bəli, müharibə insanları yaşamaq imkanlarından məhrum edir. Bu fürsət 30 ilə yaxındır ki, Azərbaycan Respublikası əhalisinin böyük bir hissəsindən alınıb. Mən özüm bu müharibənin zərərçəkmişlərindən biriyəm. Mən Yerevanda anadan olmuşam. Əcdadlarım İrəvanda gəlmə olmayıb, ancaq bizi oradan qovdular”.

Hüseynov vurğulayıb ki, Azərbaycan Respublikası müharibəyə hazırlaşmırdı, Azərbaycan Respublikası işğal olunmuş ərazilərimizi azad etməyə hazırlaşırdı.

Səfir qeyd edib: “İslam Respublikasının Azərbaycan Respublikasının ərazi bütövlüyünə və işğal olunmuş ərazilərin azad edilməsinə dəstək mövqeyini yüksək qiymətləndiririk. Son bir neçə gündə Ali Rəhbərin beynəlxalq əlaqələr üzrə müşaviri, İslami Şura Məclisinin bəzi üzvləri, Ali Liderin İranın şimal-qərb əyalətlərindəki nümayəndələri, valilər, Xarici İşlər Nazirliyinin sözçüsü, hökumət sözçüsü və hamısı Azərbaycan Respublikasının mövqelərini dəstəkləyiblər. Azərbaycan Respublikası Hökuməti İranın bu mövqelərini yüksək qiymətləndirir”.

Ana səhifəyə dön