Türk hərbçilərinin Azərbaycana gəlişi Kremli qıcıqlandırır

Artıq türk hərbçiləri Qarabağ münaqişəsi zonasında fəaliyyət göstərirlər. Türkiyə Milli Müdafiə Nazirliyi bildirir ki, Azərbaycan hissələrinin tərkibində 136 əsgər və zabit "əraziləri minalardan və əldəqayırma partlayıcı maddələrdən təmizləyir" və azərbaycanlı mütəxəssislərə təlimlər verir.

Reyting.az “Nezavisimaya qazeta”-ya istinadla xəbər verir ki, "ərazilər təmizləndikdən sonra türk qoşunlarının əsas kontingenti Qarabağa gedəcək. Türk hərbçilərinin görünüşü Bakı, İrəvan və Moskvanın Qarabağ münaqişəsi zonasında yalnız rus sülhməramlılarının fəaliyyət göstərəcəyi barədə üçtərəfli razılaşmalara ziddir. Ankaranın Qarabağda aktiv hərbi varlığı çətin ki, Moskvanın geosiyasi maraqlarına cavab versin. Bəs Rusiya rəhbərliyi buna necə cavab verə bilər?”

“Nezavisimaya”-nın şərhçisi yazır ki, bir ay əvvəl, Rusiyanın vasitəçiliyi ilə Qarabağ münaqişəsi zonasında atəşkəsə nail olmaq mümkün olduqda, həm Bakı, həm də Ankara bölgədə türk sülhməramlılarının meydana çıxacağını elan edib. “Rusiya və Türkiyənin ortaq sülhməramlı missiyası olacaq. Bu, yeni bir formatdır". Bunu Azərbaycan prezidenti İlham Əliyev deyib. Türkiyə prezidenti Rəcəb Tayyib Ərdoğan ölkəsinin Azərbaycana dəstəyini davam etdirəcəyini vurğulayıb. Onların sözlərinə Rusiya xarici işlər naziri Sergey Lavrov "düzəliş verib”: "Türkiyə Cümhuriyyətinin heç bir sülhməramlı bölməsi Dağlıq Qarabağa göndərilməyəcək". Məlum olur ki, həm Türkiyədə, həm də Azərbaycanda Rusiya Federasiyasının mövqeyi, yumşaq desək, nəzərə alınmır, Moskva isə buna məhəl qoymur.

“Rusiya prezidenti Vladimir Putin illik mətbuat konfransında Rusiyanın Dağlıq Qarabağ sakinlərinə humanitar yardım göstərməyə davam etməyə hazır olduğunu inamla bildirib və Ərdoğanın qabiliyyətlərini tərifləyib. “Bu, sözünə əməl edən bir adamdır, kişi adamdır. İkiüzlülük etmir".

Rusiya Federasiyasının hazırkı hərəkətləri, Rusiya rəhbərliyinin Türkiyəni Dağlıq Qarabağ ərazisinə buraxmamaq barədə ilkin mövqeyindən uzaqlaşdığı təəssüratını yaradır. Bu günə qədər Kremlə Türkiyə hərbçilərinin Qarabağ münaqişəsi zonasında fəaliyyətə başlaması ilə bağlı rəsmi bir şərh verilməyib.

Rusiya KİV-i yazır: “Türkiyənin hadisələrdə iştirakı münaqişə bölgəsindəki vəziyyəti sabitləşdirir. Türk ordusunun Qarabağ ərazisində fəaliyyət göstərdiyini nə Türkiyə, nə də Azərbaycan təkzib edib. Erməni qoşunlarının zirehli texnikasının yarıdan çoxunu məhv edən Türkiyənin pilotsuz uçan aparatları “Bayraktar TB2” dekabrın 10-da Bakıdakı paradda təqdim edildiyi zaman açıq-aşkar bir şeyi necə inkar edə bilərsiniz. Paradda Türkiyə bölmələri də keçid edib. Türk komandirlər görünür, erməni partizan milislərindən nəzarətə alınan ərazilərin təmizlənməsi əməliyyatlarına rəhbərlik edirlər”.

“Nezavisimaya” Türkiyə Müdafiə Nazirliyinin başçısı Hulusi Akarın sözlərini xatırladır:

“Qarabağla bağlı razılaşmalar pozulursa, dərhal hərbi seçimə keçə bilərik. Biz artıq Azərbaycanın azad edilmiş ərazilərinin təhlükəsizliyi üçün məsuliyyəti öz üzərimizə götürmüşük".

Ana səhifəyə dön