Trampı səlahiyyət müddəti bitməmiş prezident postundan uzaqlaşdırmaq istəyirlər

“Donald Trampın prezident səlahiyyətlərini icra etməsi ABŞ demokratiyası üçün təhdid yaradır və o, vəzifəsindən kənarlaşdırılmalıdır. Bunun üçün ABŞ Konstitusiyasının 25-ci maddəsi dərhal tətbiq olunmalıdır”.

Reyting.az xəbər verir ki, ötən gün ABŞ prezidenti Donald Tramp tərəfdarlarının Vaşinqtonda dəstək mitinqi keçirməsindən sonra Konqresin bunasına yürüşün nəzarətdən çıxması, Konqresin yürüşçülər tərəfindən “işğal”ından sonra ABŞ cəmiyyətində mövcud olan ictimai rəy bundan ibarətdir.

“Vaşinqton Post” qəzeti ölkə Kontitusiyasının 25-ci maddəsinin tətbiqinə və Trampın prezident vəzifəsindən dərhal uzaqlaşdırılması üçün çağırış edib. Çağırışda qeyd olunur ki, Trampın seçkidə məğlubiyyətini qəbul etməməsi və tərəfdarlarını sürətli şəkildə motivasiya etməsi, sekinin nəticələrini qəbul etməyəcəyinə dair fikirləri sonda Konqresin binasına hücuma səbəb olub.

Əlavə edilib ki, bu üsyana təşviq tədbirlərinin sorumluluğu və məsuliyyəti vəzifədə qaldığı müddətdə Trampın olacaq və bu şəxsin prezident kürsüsündə olduğu hər gün ABŞ demokratiyası üçün təhdid yaradacaq. Bildirilir ki, Trampın yanvarın 20-nə qədər hakimiyyətdə qalması, onun Ağ Evdə oturduğu hər gün ABŞ-dakı ictimai düzənə və milli təhlükəsizliyə təhdid yaradır.

Bu arada Trampın komanda üzvlərinin də onun vəzifəsindən alınmasını istədiyi iddia olunur.

CBS Nevs-in xəbərinə görə, Trampın kabinet üzvləri onu müdafiə edənlərin Konqres binasına yürüşə təşviq etməsindən sonra Konstitusiyanın 25-ci maddəsinin tətbiqini tələb edirlər.

Qeyd edək ki, ABŞ Konstitusiyasının 25-ci maddəsi səlahiyyətlərini yerinə yetirməyən prezidentlərin bu vəzifədən necə uzaqlaşdırılacağı mexanizmini nəzərdə tutur.

Əlavə edək ki, dünən Konqresə olan hücumdan sonra ABŞ cəmiyyətində Trampa qarşı ciddi etimadsızlıq yaranıb. Artıq Ağ Evin üç vəzifəli şəxsi istefa verib. Bunlar birinci xanım Milena Trampın köməkçisi Qrişam, Ağ Ev sözçüsünün müavini Sarah Mattevs və Ağ Evin sosial işlər rəhbəri Rikie Nicetadır.

Bundan başqa, Tvitter, Fcebook və İnstagram prezident Trampın hesabını qapadıb.

Eyni zamanda Pat Tumi, Mayk Raundus, Lindsi Qrem, Kevin Kramer və Tom Kotton kimi məşhur senatorlar Trampın bu hərəkətlərini ciddi fomada tənqid ediblər.

Nəticə olaraq qeyd edək ki, ötən gecə Konqresə hücum edilsə də, Trampın tərəfdarları məqsədlərinə nail ola bilməyiblər. Konqresdə Senatın və Nümayəndələr Palatasının iclası dayandırılsa da, üç saatdan sonra yenidən başlayıb və C. Baydenin prezidentliyini təsdiq edib.

Xatırladaq ki, ABŞ-ın vitse-prezidenti Mayk Pens də faktiki olaraq Trampa qarşı çıxaraq zorakı hadisələri pisləyib.

Dünən ABŞ-da hakimiyyətin zor gücünə əldə saxlanılması cəhdi zamanı Konqresə daxil olan 4 vətəndaş odlu silahla öldürülüb, 14 polis yaralanıb, 52 nəfər isə həbs edilib.

ABŞ-ın sabiq prezidentləri Barak Obama, Bill Klinton və Corc Buş baş verənləri pisləyərək Trampı ittiham ediblər.

Reyting.az

Ana səhifəyə dön