Mərkəzi Kəşfiyyat İdarəsinin yeni direktoru bəlli olub

ABŞ-da yeni seçilmiş prezident Cozef Bayden Mərkəzi Kəşfiyyat İdarəsinə (CIA) direktor seçimini edib.

Reyting.az “New York Times” qəzetinə istinadla xəbər verir ki, bu, Dövlət Departamenti rəsmisi Uilyam Börnsdür. O, həm də İranla gizli danışıqlarda ABŞ nümayəndə heyətinə rəhbərlik edib.

Börns yalnız Obama administrasiyası dövründə deyil, Bayden Senatın Xarici Əlaqələr Komitəsinə rəhbərlik etdiyi dövrdə də müxtəlif xarici siyasət məsələlərində onunla birlikdə çalışıb.

Hazırda Uilyam Börns Karnegi Beynəlxalq Sülh Fondunun prezidentidir. O, Amerika diplomatiyasının Tramp administrasiyası zamanında zədələndiyini açıq söyləyib.

Keçmiş dövlət katibi Hillari Klinton gələcək CIA direktorunu “möhkəm bilək” və “çox təsirli sövdəçi” kimi xarakterizə edib.

Börns həyatının 32 ilini, Amerikanın Rusiya və İordaniyada səfiri olmaqla bərabər, Dövlət Departamentində, digər yüksək vəzifələrdə keçirib.

Cənab Börns respublikaçı və demokrat administrasiyalarında etibarlı bir diplomat olub. O, son 20 ildə agentliyin ən görkəmli və ağrılı anlarında mühüm rol oynayıb.

2012-ci ildə, Liviyanın Benqazi şəhərində Amerika kompleksinə hücumdan sonra o, Almaniyadakı Ramştayn hava bazasından Vaşinqtona gedən “C-17” təyyarəsində səfir Kristofer Stivens və digər üç amerikalının cəsədlərini müşayiət edib. 2002-ci ildə cənab Börns Amerikanın İraqa müdaxiləsinin təhlükələrini vurğulayan “Mükəmməl fırtına” adlı bir məruzə yazıb.

Börns 2014-cü ildə Dövlət Departamentində təqaüdə çıxıb.

Bir müddət CIA-nın keçmiş direktor müavini Maykl Morell ən yüksək posta aparıcı namizəd sayılıb. Ancaq bəzi demokrat senatorlar ictimai və özəl şərtləri dilə gətirib. Oreqonlu Ron Vayden də daxil olmaqla, Senat liberalları cənab Morelli işgəncəni müdafiə etməkdə günahlandıraraq, onun direktor seçilməsinə qarşı çıxıblar. Cənab Morellin nümayəndələri cənab Vaydenin CIA ilə əlaqəli qeydləri və şərhlərini səhv adlandırıb.

Bundan əvvəl prezident Barak Obamanın keçmiş milli təhlükəsizlik müşaviri Tomas Donilon bu vəzifəyə namizədlikdən imtina edib. CIA-nın keçmiş direktor müavini David Koen də nəzərdən keçirilib.

Əsas məsələ cənab Börnsun cənab Baydenin Milli Kəşfiyyat Agentliyinə rəhbər seçimi olan Avril Heynslə necə işləyə biləcəyidir. Baydenin keçid qrupu xanım Heynsin rəhbərlikdə kəşfiyyat səlahiyyətlisi olacağını və CIA-ya getmək istəmədiyini bildirib.

Keçmiş administrasiyalarda milli kəşfiyyat direktoru ilə CIA arasında tez-tez gərginlik baş verib.

Börns Bayden administrasiyasında Dövlət Departamenti rəhbərliyinə də namizəd sayılırdı.

Qeyd edək ki, Börnsün İranla nüvə anlaşmasında da mühüm rol oynaya biləcəyi ehtimal olunur.

Reyting.az

Ana səhifəyə dön