Qarabağ Azadlıq Təşkilatına yeni üzvlər qəbul edilib

Bu gün Qarabağ Azadlıq Təşkilatı (QAT) Ali Məclisinin onlayn formatda növbəti toplantısı keçirilib. Toplantıda ilk olaraq təşkilatı məsələlərə baxılıb, son həftə ərzində ərizə ilə müraciət edənlər QAT üzvlüyünə qəbul ediliblər.

Reyting.az xəbər verir ki, QAT Ağcabədi rayon şöbəsinin yeni sədri Zaur Quliyevin və QAT Gəncə şöbəsinin yeni sədri Mətləb Təhmazinin Ali Məclisə üzvlükləri təsdiqlənib, Qarabağ qaziləri - Şünasi Babayev, İlham Quliyev, iki şəhid anası - Zeynəb Bayramova, şairə-yazar Xatirə Əziz QAT Ali Məclisinə üzv seçiliblər.

QAT sədri Akif Nağı hesabat dövrü ərzində qərarların icrası və görülmüş işlərdən söz açıb. Həmçinin İkinci Qarabağ müharibəsində Şəhid olmuş QAT üzvlərindən Elşən Mehbalıyev, Elmir Əliyev, QAT-ın qazi üzvləri Gəray Əsədov, Elbəyi Məmmədli, Ənvər Cəfərov, Rəhim Məmmədov, Vüsal Süleymanov, Elnur Mehbalıyev, Vüqar Mirzəyev, Araz Rəhimov, Nəsimi Dadaşlı, Araz Məmmədov, Elnur İsmayılov, Cümşüd Babayev və digərləri, həmçinin QAT təmsilçilərindən Akif Nağı, Barat Abbasoğlu, Hacı Fərman Məmmədov, Şaiq Süleymanov, Kərəm Səfərov, Rafiq Quliyev, Ceyhun Tağıyev, İlham Quliyev, Kəmalə Əliyeva, Elçin Məmmədov, Şirzad Pirallahi, Hacı Əkbər Rüstəmov, Səyyarə İsmayılova, Yusif Namazoğlu, Babək Sadıqov, Ziya Mahmudov, Nəriman Mirzəlili, Zaləddin Həsənli, Yaməddin Həsənov və digərlərinin, o cümlədən Bərdə şəhərində yaradılmış QAT-ın Cəbhə qərargahının müharibə dövründə fəaliyyətinə dair məlumat verilib.

A. Nağı sonra Rusiyada yaşayan soydaşlarımızın şəhid ailələrinə, qazilərə yardım göstərməsi, yardım fondu yaratmaları, Beynəlxalq Qarabağ Forumu çərçivəsində görülən işlər, QAT-ın zona müşavirələri, ömürlük məhbusların əfv olunması, canlı yayınların əhəmiyyəti, Prezident Administrasiyasının təşkilatçılığı ilə Ağdama səfərin həyata keçirilməsi və digər məsələlərdən danışıb, QAT-ın rayon şöbələrinin, xüsusi olaraq, Bərdə, Ağdam, Tərtər, Kəlbəcər, Beyləqan, Naftalan, Goranboy, Gəncə şöbələrinin müharibə dövründəki fədakarlığını, Samux, Şəki, Laçın, Zaqatala, Tərtər, Quba, Qusar, Ağcabədi, Kəlbəcər şöbələrinin şəhid ailələri və qazilərin problemlərinin həllinə yardımçı olmalarını, vətənpərvərlik tərbiyəsi istiqamətində tədbirlərin keçirilməsini qeyd edib.

A. Nağı daha sonra Qarabağda hazırkı vəziyyət və QAT-ın vəzifələrinə dair geniş məruzə ilə çıxış edib, Azərbaycan rəhbərliyinin həyata keçirdiyi bərpa işləri, Xankəndi, Xocalı və digər ərazilərə qayıdış iradəsinin nümayiş etdirildiyini, beynəlxalq təşkilatların, aparıcı dövlətlərin mövqeyi, Rusiyanın regionda möhkəmlənmək cəhdləri, Ermənistanın və Dağlıq Qarabağdakı quldur dəstələrinin revanşist cəhdləri, Zəngəzur dəhlizinin açılması istiqamətində gedən proseslər və digər məsələlərə şərh verib, QAT-ın xaricdə və daxildə vəzifələrinə dair fikirlərini səsləndirib. Xüsusi olaraq, erməni yalanlarının ifşa olunması, İkinci Qarabağ müharibəsi və müharibədən sonra yaranmış vəziyyətlə bağı həqiqətlərin dünyaya çatdırılması, xaricdə və ölkədə təşkilatlanma işlərinin genişləndirilməsi, Şəhid ailələri və qazilərin probemlərinin həllinin diqqətdə saxlanılmasının vacibliyini vurğulayıb.

Toplantı iştirakçılarından Barat Abbasoğlu, Afaq Əhmədova, Almaz Allahverdiyeva, Arzu Qasımova, Firidun Məmmədov, Novruz Novruzbəyli, Şamil Mehdi, Solmaz Şirvanlı (Şamaxı şöbəsinin sədri), Nəriman Mirzəli (Kəlbəcər), Sevinc Axundova, Sahib Musayev, Kərəm Səfərov, Elxan Rəhimov (Şəki), Telman Qəhrəmanlı (Ağstafa), Babək Sadıqov (Tərtər), Tahir Bayramov, Nəriman Pirəliyev (Qusar), Əlişan Qasımov (Quba), İlham Xəlilov (Samux), Səyyarə İsmayılova (Naftalan), Murad İsmayılov (Laçın), Fərman Məmmdov, Abdal Qəhrəman, Səadət Məhərrəmli, Aysəma Abdullayeva, Burzu Qılıncxanov, Zaur Quliyev (Ağcabədi), Mətləb Təhmazi (Gəncə), Zeynəb Bayramova, Xatirə Əziz, Şünasi Babayev, Qələndər İsmayılov, Hacı Əkbər Rüstəmov, Zaur Bayramoğlu və digərləri çıxış edərək münasibət bildirib, təkliflərini veriblər. Müzakirələrin nəticəsi olaraq, QAT-ın fəaliyyəti üçün uyğun qərarlar qəbul edilib.

Ana səhifəyə dön