Rusiya Ukrayna ilə sərhəddə əlavə ordu yerləşdirir

Ukrayna Silahlı Qüvvələrinin Baş Qərargah rəisi general Ruslan Xomçak bir neçə gün əvvəl bildirdi ki, Rusiya hərbi təlimlər adı altında Ukrayna ilə sərhəddə hərbi personalını artırır. Bunun ardınca, Donbasın Şumi məntəqəsində Rusiya tərəfdarı olan separatçıların atəşi nəticəsində 4 ukraynalı əsgər ölürüldü. Bundan sonra gərginlik yenidən artdı və ABŞ Baş Qərargah rəisi Mark Milley rusiyalı həmkarı Valeri Gerasimovla müzakirələr aparmaq məcburiyyətində qaldı.

Reyting.az xəbər verir ki, baş verənlər Rusiya ilə Ukrayna arasında yeni müharibənin başlanma təhlükəsini artırıb.

Xatırladaq ki, 26 martda separatçıların açdığı atəşlə 4 ukraynalı əsgərin öldürülməsi də daxil olmaqla, ümumilikdə Rusiya tərəfdarı olan separatçılarla Kiyev hökuməti arasında 2014-cü ildən bu yana baş verən silahlı qarşıdurmalar zamanı 13 mindən çox insan həyatını itirib.

Ukrayna hökumətinin təmsilçisi Vasili Mokan gərginlikdən sonra - 1999-cu ildə Moskva və Kiyev arasında turzim sahəsində imzalanan müqavilədən - çıxdıqlarını elan edib. Bundan əvvəl isə Kiyev Rusiyadan buğda, yağ, günəbaxan və kağız idxalını qadağan etdiyini açıqlayıb.

İki ölkə arasında son gərginliyin nədən ibarət olduğu isə Ukrayna Baş Qərargah rəisi Xomçakın Ali Radada çıxışı zamanı ortaya çıxıb.

General bildirib ki, martın 30-dan etibarən Rusiya Ukrayna dövlət sərhədi boyunca 28 taktiki tabur yerləşdirib. Həmçinin əlavə edib ki, son vaxtlar hərbi təlimlər bəhanəsi ilə Rusiya fərqli bölgələrdən gətirdiyi hərbçiləri Ukrayna sərhədinə yaxın ərazilərdə yerləşdirir. Rəsmi Moskva isə bu iddialara cavabında bildirib ki, Kiyevin hökumət qüvvələri Rusiya tərəfindən dəstəklənən separatçılara qarşı hərbi əməliyyatlara başlamaq istəyir.

Dünən Donbasda 1 aprel etibarı ilə sona çatan atəşkəsin uzadılmayacağını elan edən Rusiyanın, Ukrayna sərhədlərinə çox hərbçi və texnika daşıdığını sosial şəbəkədə yerləşdirilən video və fotolar da tədiqləyib.

Rusiya tədbir məqsədilə bu addımları atdığını iddia etsə də, NATO birlikləri hərəkətə keçib. Hazırda Ukraynada 200 əsgəri olan Kanada baş verənlərlə bağlı açıqlama yayıb.

Kanada Baş naziri Justin Trüdo Ukrayna dövlət sərhədlərinə rus ordusunun toparlanmasından narahat olduğunu və böhranı yaxından izlədiyini bildirib.

ABŞ Dövlət Departamentinin sözçüsü Ned Price deyib ki, Anntoni Blinken Ukraynanın Xarici işlər naziri Dmitro Buleba ilə telefon müzakirəsi aparıb.

N. Price əlavə edib ki, dövlət katibi Rusiyanın Donbas və Krımda davam edən aqressiv davranışları qarşısında Vaşinqton Ukraynanın müstəqilliyi və ərazi bütövlüyünə olan sarsılmaz bağlılığını bir daha təkrarlayıb.

ABŞ Baş Qərargah rəisi Mark Milley isə Ukrayna Baş Qərargah rəisi Ruslan Xomçak və Rusiya Baş Qərargah rəisi Valeri Gerasimovla telefon müzakirəsi aparıb.

ABŞ-Rusiya Baş Qərargah rəislərinin müzakirəsindən sonra Rusiya tərəfi elan edib ki, tərəflər narahatlıqlarına dair qarşılıqlı fikir mübadiləsi aparıb. ABŞ tərəfi isə bəyan edib ki, tərəflər mövzu ətrafında fikir mübadiləsi aparıb və müzakirələrin açıqlanmaması məsələsində anlaşıb.

Reyting.az

Ana səhifəyə dön