İranın Azərbaycanla sərhəddə hərbi təlimləri

“Azərbaycan prezidenti İlham Əliyev İranın sərhəddə manevrlər keçirmək hüququna malik olduğunu vurğulayıb, eyni zamanda, Dağlıq Qarabağın Ermənistanın nəzarətində olduğu 30 il ərzində İslam Respublikasının niyə belə bir şey etmədiyini də soruşub”.

Reyting.az xəbər verir ki, bunu “Iranwire” saytı yazıb.

“Niyə məhz indi?” - deyə məqalə müəllifi sual edir.

Mövzunu davam etdirən sayt yazır:

Azərbaycan, əksəriyyəti şiə olan dünyanın çox az ölkəsindən biridir. Lakin Sovet İttifaqı dağılandan bəri Azərbaycanla İran arasındakı münasibətlər ən yaxşı soyuq olub.

Azərbaycan öz hüdudlarında islamçıların peyda olma perspektivindən və İranın azərbaycandilli “Səhər TV” kanalı da daxil olmaqla, onlara potensial dəstəyindən narahatdır. Eyni zamanda, son illərdə Azərbaycanla İsrail arasında sıx əməkdaşlıq İslam Respublikası üçün qəzəb mənbəyi olub.

Mahmud Əhmədinejad dövründə İranın xarici işlər naziri olmuş Əli Əkbər Salehi xatirələrində yazır ki, hər dəfə Bakı və İran Silahlı Qüvvələrinin o vaxtki Baş Qərargah rəisi və İranın ən yüksək rütbəli ordu generalı Həsən Firuzabadi ilə münasibətləri yaxşılaşdırmağa cəhd göstərilib. Çünki sonuncu Ali Rəhbərdən sonra böyük səlahiyyətli diplomatik cəhdlərə zərbə vuran bir çıxış etmişdi.

Ötən il Dağlıq Qarabağ uğrunda gedən hərbi münaqişə zamanı İran ilk dəfə açıq şəkildə Azərbaycanın tərəfini tutub. Ayətullah Xamnəi ölkə ərazinin geri almaq istəyini müdafiə edib, prezident Həsən Ruhaninin dövründə xarici işlər naziri Məhəmməd Cavad Zərifin Rusiya vasitəçiliyi ilə atəşkəsdən sonra hər iki ölkəyə səfərinə icazə verilib.

Buhəftəki hərbi təlimlər başlayanda İran ordusunun Quru Qoşunlarının komandanı general Kəyumərs Heydəri dəhşətlə deyib:

“Bütün qanuni sərhədlər qorunmalıdır. Bir ölkənin sərhədlərini qorumaqda ehtimal olunan zəifliyi, xaricilərin kömək etdiyi başqa bir ölkə tərəfindən bu sərhədlərin pozulmasına haqq qazandırmır. İslam Respublikası belə bir şeyə icazə vermir”.

"Zəif ölkə" ifadəsi ilə general Heydəri Ermənistanı nəzərdə tutub. Azərbaycan və İsraillə əlaqəli "xaricilərin köməkliyi ilə başqa bir ölkə" ifadəsi ilə Ermənistan ərazisinin işğalını.

Son bir neçə ayda İsrail birdən çox regional teatrda İslam Respublikası ilə qarşıdurmalara girib. “Sepah”ın Suriyadakı bazalarını və mövqelərini bombalayır, İranın nüvə obyektlərində təxribat törədir və bir zamanlar İranın nüvə proqramının arxasında duran Möhsün Fəxrizadə keçən ilin noyabr ayında öldürülüb. İki ölkə arasında dənizdəki dava da İranın İsrailə məxsus neft tankerlərinə hücumları ilə davam edir.

Göründüyü kimi, İslam Respublikası rəsmiləri Azərbaycanla sərhəddə baş verən münaqişələri rejimlə İsrail arasında daha geniş qarşıdurmanın son təzahürü kimi qiymətləndirirlər. General Heydəri bu həftə də bunu açıq şəkildə təsdiqləyib: “Başqa bir yerdən gələn çağırılmamış təhlükəsizlik pozucusu var və bu qanunsuz sionist rejimdir. Bu rejim gəldikdən sonra bu sərhədə qarşı daha həssas olduq və oradakı fəaliyyətləri çox yaxından izləyirik".

Ana səhifəyə dön