Rusiya və ABŞ İranla müharibəyə imkan verərmi?

İsrail Azərbaycan ərazisindən İrana hücum etməyə cürət edirmi?

Reyting.az xəbər verir ki, bu barədə “Ray əl Yəum” qəzeti yazıb.

Ərəb nəşri qeyd edib:

“Ola bilsin ki, İsrail Azərbaycanı cəlb etməklə İranla müharibəni alovlandırmağı düşünür və ya planlaşdırır. Bunu Azərbaycanla İran arasında müharibənin başladığını, atəşin alovlandığı zaman ABŞ-ın artıq müqavimət göstərə bilməyəcəyini əsas gətirərək həyata keçirə bilər. Sionist lobbisinin İsrailə kömək etmək üçün Ağ Evə və Konqresə təzyiq amili də nəzərə alınmalıdır”.

“Ray əl-Yəum” yazıb ki, şimal sərhədlərində Azərbaycandan İrana qarşı hücum niyyətini “gizlədən” sıx hərbi hərəkətlar var.

“İranın fkrincə, şimal sərhədlərində təkcə Azərbaycan deyil, Türkiyə, İsrail və onların himayədarı ABŞ da var.

Doğrudur, ABŞ indi İsrailə İrana hücum etməməklə bağlı xəbərdarlıq edir.

İsrail İrana hücuma haqq qazandırmaq üçün fürsət axtarmağı dayandırmır. Mümkün olan ən az ziyan və ən az məsuliyyət daşıyacağı bir hücum.

İraqın işğalı və dağıdılması da heç bir müdaxiləsi və ona ziyan olmadan, üstəlik adı çəkilmədən İsrailin xeyrinə həyata keçirilib. Suriya da məhv edilib və ərazisinin bir hissəsi işğal olunub. İsrail isə maddi və ya mənəvi ziyansız ilk faydalanan olub.

Türkiyə hazırda İranı zəiflətmək, Orta Asiya və Yaxın Şərqdəki ciddi regional və siyasi rəqibindən xilas olmaq istəyir. Lakin onun İsraillə əməkdaşlıq etdiyini söyləmək olmaz.

Türkiyənin mümkün müdaxilədə rolu (İraqdakı hərbi bazalar və Suriyanın işğalı), həmçinin Suriya ilə Liviyada, eləcə də Azərbaycanda (Ermənistanla müharibədə) muzdlu qüvvə sahibi olması artıq heç kimdən gizli deyil. Bu məsələ BMT-nin hesabatında da qeyd edilib.

Qeyd etmək lazımdır ki, Ankaranın “Suriyanı azad etmək və demokratikləşdirmək üçün” bir vasitə olaraq gördüyü “Azad Suriya Ordusu”nu Körfəz ölkələri də maliyyələşdirir.

Beynəlxalq iqtisadi və siyasi vəziyyətinə görə ABŞ yeni bir müharibənin tələsinə düşməsinə dözə bilməz. İsrail tərəfindən alovlandırılacaq müharibə barədə ABŞ açıq danışıb. Prezident Co Bayden BMT-nin illik iclaslarında deyib: “Biz İranla münasibətlərdə diplomatiyaya sadiq qalacağıq”.

İrail səlahiyyətliləri ilə ABŞ rəsmiləri arasında son bütün görüşlərdə, Baydenin başçılıq etdiyi ABŞ administrasiyası İsrailin İrana qarşı hər hansı birtərəfli hərbi əməliyyatına qarşı olduğunu vurğulayıb.

İsrail İranla müharibəyə başlayıb-başlamamaqla bağlı son qərar verməkdə çətinlik çəkir. İsrailin hərbi və siyasi liderləri İranla müharibə və ABŞ-ın nüvə anlaşmasına qayıtması variantı arasında bölünüb.

İsrail səhvən düşünür ki, Azərbaycan cəbhəsində İrana qarşı müharibə, İranın “Hizbullah”, Suriya, husilər və s. başda olmaqla, müttəfiqləri ilə birgə coğrafi məsafəyə görə müdaxilə etməsinin qarşısını alacaq.

İran ölkəni xəbərdar etməklə həm quruda, həm də hərbi və siyasi təlimlər vasitəsilə Azərbaycana təzyiq göstərməkdən çəkinməyib.

Tehran hesab edir ki, İsrail iki səbəbdən Azərbaycandan İrana qarşı hərbi addımlar atmağa cəsarət etməyəcək:

birincisi, İran öz hərbi imkanlarına inanır və ona cavab verəcəyini bilir,

ikincisi, Rusiya Asiya bölgəsi və coğrafiyasına yaxın ərazilərdə hər hansı bir hərbi əməliyyata və ya müharibəyə icazə vermir”.

Ana səhifəyə dön