BQP: “Aşqabad bəyannaməsi Vətən müharibəsindəki qələbəyə beynəlxalq dəstəyin artması baxımından əhəmiyyətlidir”

Bu gün Böyük Quruluş Partiyası (BQP) Siyasi Qurulunun növbəti iclası keçirilib. Partiya başqanı Fazil Mustafanın sədrliyi ilə keçirilən iclasda ölkə və dünya gündəmində yerə alan bir sıra məsələlər müzakirə edilib.

Reyting.az-ın məlumatına görə, iclasda partiya başqanı Fazil Mustafa məruzə ilə çıxış edərək ölkədə, regionda və dünyada baş verən ən mühüm ictimai-siyasi hadisələr barədə fikir və mülahizələrini bölüşüb, həmçinin partiya strukturları qarşısnda duran vəzifələrlə bağlı öz tövsiyələrini və müvafiq tapşırıqlarını verib.

Siyasi Qurulda İşçi Qrupu tərəfindən təqdim edilən rayon və şəhər təşkilatlarında keçirilməsi nəzərdə tutulan növbəti hesabat-seçki yığıncaqlarının Qrafiki təsdiq edilib və müvafiq təşkilatların başçılarına tapşırılıb ki, göstərilən tarixlərdə iclasların keçirlməsini təmin etsinlər.

İclasda partiyaya üzv olmaq üçün fərdi qaydada mürciət edən bir sıra ictimai fəal şəxsin və ziyalıların müraciətinə baxılıb və onların üzvlük məsələsi müsbət həll edilib.

Siyasi Qurulda İstanbulda Türkdilli Dövlətlərin Əməkdaşlıq Şurasının dövlət başçılarının sammitində Türk Şurasının adının Türk Dövlətləri Təşkilatı kimi təsis edilməsi əhəmiyyətli hadisə kmi qiymtləndirilib və yeni adla dünyaya tanıdılan birliyin Türk ölkələri arasında münasibətlərin keyfiyytcə yeni mərhələdə qurulmasına və birliyə daxil olan ölkələr arsında siyasi, iqtisadi, mədəni və ticarət sahəsində əməkdaşlığın genişlənməsi sayəsində inteqraiya proseslərinin güclənməsinə şərait yaradacağına əminlik ifadə olunub.

İclasda Azərbaycan və Rusiya prezidentləri və Ermənistanın Baş naziri arasında noyabr ayının 26-da Soçi şəhərində gerçəkləşən görüşünə münasibət bildirilib və qeyd edilib ki, “2020-ci il 9 noyabr və 2021-ci il 11 yanvar tarixli bəyanatların bütün müddəalarının bundan sonra ardıcıl surətdə yerinə yetirilməsi və dönmədən riayət olunması”, eləcə də, Azərbaycan və Ermənistan arasında sərhədlərin delimitasyası və sonradan demarkasıyasının başlanılması ilə bağlı müddəaların Yekun razılşma sənədində yer alması ölkəmizin mənafeyinə tam uyğun olması kimi qiymətləndilib.

İclas Türkmənistanın paytaxtı Aşqabad şəhərində İqtisadi Əməkdaşlıq Təşkilatının (İƏT) XV Zirvə toplantısında üzv ölklələr tərəfindən qəbul edilən “Aşqabad fəaliyyət konsensusu” adlı yekun bəyannamənin mətnində Azərbaycanın Qarabağ Zəfəri ilə bağlı ümumi mövqeyin ortaya qoyulması, ölkəmizin Vətən müharibəsində əldə etdiyi qələbənin tanınması və ona beynəlxalq dəstəyin artması baxımından əhəmiyyətli hadisə kimi qiymtləndirib.

İclas cari məsələlərin müzakirəsi ilə öz işinin yekunlaşdırıb.

Ana səhifəyə dön