Fransada prezident seçkisi: səslər tam sayılıb, ikinci tur olacaq

Fransada keçirilən prezident seçkilərində exit-pollun nəticələri açıqlanıb.

Reyting.az-ın məlumatına görə, Fransa KİV-ləri bildirir ki, seçicilərin 24,7 faizi hazırki prezident Emmanuel Makrona səs verib.

Onun əsas rəqibi Marin Le Pen 23,5 faiz səs toplayıb.

Digər namizəd, Jan-Lük Melanşona seçicilərin 19 faizi etimad göstərib.

***

Fransada prezident seçkilərinin birinci turu üzrə seçki məntəqələri saat 20.00-da (Bakı vaxtı ilə 22:00) bağlanıb, səslərin hesablanmasına başlayıblar.

Saat 17.00-a (Bakı vaxtı ilə 19.00) olan məlumata görə, səsvermədə qeydə alınmış seçicilərin 65 faizi iştirak edib.

BFMTV kanalı bildirib ki, hazırki prezident Emmanuel Makron və ultra sağçı Milli Birlik Partiyasının lideri Marin Le Pen prezident seçkilərinin ikinci turunda iştirak edəcək.

İlkin məlumatlara görə, Makron 28,5 faiz, Le Pen isə 24,2 faiz səs toplayıb.

***

Fransanın yeni prezidenti ikinci turda bəlli olacaq.

Reyting.az NTV-yə istinadla xəbər verir ki, ilkin nəticəyə görə hazırki prezident Emmanuel Makron 28.5 faiz, onun əsas rəqibi Milli Birlik Partiyasının lideri Marin Le Pen isə 24,2% səs toplayıb. Bu da o deməkdir ki, adıçəkilənlər növbəti mərhələdə yarışmalı olacaqlar.

İkinci tur seçkilərinə isə aprelin 24-də start veriləcək.

Bu arada seçkidə məğlub olan digər namizədlər - Fransanın sağ mərkəzçi “Respublikaçılar Partiyası”ndan prezidentliyə namizədi, 5.1 faiz səs toplayan Valeri Pekress, “Avropa-Ekologiya-Yaşıllar” partiyasının üzvü Yannik Jado və “Əyilməz Fransa” siyasi partiyasının rəhbəri Jan-Lük Melanşon, Fransa Kommunist Partiyasının lideri Fabien Roussel tərəfdarlarını ikincu turda Makrona səs verməyə çağırıblar.

***

Fransada keçirilən prezident seçkilərinin ilkin nəticələri açıqlanıb.

Bu barədə Fransa Daxili İşlər Nazirliyi məlumat yayıb.

Artıq prezident seçkilərində səslərin 40 faizi hesablanıb.

Belə ki, seçicilərin 28,2 faizi ultra sağçı Milli Birlik partiyasının lideri Marin Le Penə səs verib.

“İrəli, Respublika” Partiyasının namizədi, hazırkı dövlət başçısı Emmanuel Makron isə 26,15 faiz səs toplayıb.

***

Fransada prezident seçkilərində bütün namizədlərin topladıqları səslər məlum olub.

Daxili İşlər Nazirliyi bütün kommunalarda bülletenlərin sayılmasını başa çatdırıb.

Məlum olur ki, ilk üçlükdə Emmanuel Makron, Marin Le Pen və Jan-Lük Melanşon yer alıb.

Digər namizədlərə gəlincə, Erik Zemmur 7,05 faiz, Valeri Perkres 4,79 faiz, Yanik Jado 4,58 faiz, Jan Lasal 3,16 faiz, Fabyen Rusel 2,31 faiz, Nikola Düpon-Enyan 2,07 faiz səs toplayıb.

Bundan başqa, siyahıda sonuncu yerdə qərar tutan Anna İdalqo, Filip Putu və Natali Arto müvafiq olaraq 1,74 faiz, 0,77 faiz və 0,57 faiz seçicinin etimadını qazana biliblər.

***

Fransada keçirilən prezident seçkilərinin yekun nəticələri məlum olub.

Reyting.azxəbər verir ki, bu barədə Fransa Daxili İşlər Nazirliyi məlumat yayıb.

Bildirilib ki, bülletenlərin 100 %-i hesablandıqdan sonra hazırkı Prezident Emmanuel Makron səslərin 27,84 %-ni, onun ən yaxın izləyicisi Marin Le Pen isə 23,15 %-ni toplayıb.