Qaçılmaz məğlubiyyət... - Rusiya Xerson uğrunda bir neçə saatlıq döyüşdə 950 əsgərini itirib

Xerson uğrunda döyüşlərdə ukraynalılar gün ərzində Rusiyanın 950 əsgərini öldürüb.

Reyting.az xəbər verir ki, hər bazar ertəsi Ukraynaya raketlər yağdıran rus ordusu oktyabrın son günü 78 raket və kamikadze pilotsuz təyyarələrlə hücuma keçiblər. Hücumlarda 55 Kh qanadlı, 1 Kh idarə olunan hava və 22 “S-300” raketindən istifadə edilib. İran istehsalı olan dörd “Şahid-136” kamikadze pilotsuz uçan aparatı ilə yanaşı, 50 kilometr məsafəni qət edə bilən Rusiyanın “Lancet-3” kamikadze pilotsuz təyyarəsi də səmada olub.

Qərb ölkələrinin Ukraynaya göndərdiyi hava hücumundan müdafiə sistemləri Rusiya raketlərinin əksəriyyətini havada vurub. İlk açıqlamada 50 raketdən 44-nün zərərsizləşdirildiyi bildirilib. Belə raketlərdən birinin parçaları Ukraynanın qonşusu Moldovanın ərazisinə düşüb.

Bazar ertəsindən çərşənbə axşamına keçən gecə Rusiya Ukraynanın şərqindəki Poltavaya kamikadze dronları göndərib. Yerli hakimiyyət orqanları bildirir ki, rus işğalçıları mülki hədəflərə dörd pilotsuz təyyarə zərbəsi endiriblər.

Rus işğalçılarının yeni hücumu xüsusi olaraq Ukrayna şəhərlərinin elektrik və su infrastrukturlarını hədəfə alıb. Bazar ertəsi gecə saatlarından Ukraynanın paytaxtı Kiyevin böyük hissəsi qaranlıqda qalıb. Şəhər meri Vitali Kliçko 270 min evin işıqsız qaldığını bildirib. Kiyevdəki evlərin 40 faizində su yoxdur.

AFP-nin Kiyevdəki müxbiri xəbər verir ki, o, 100-dən çox paytaxt sakininin şəhərin qərbindəki parkda fəvvarə başında növbə gözlədiyini, əllərində plastik qablar tutduğunu görüb.

Soyuq qış fəsli yaxınlaşdıqca, xüsusilə elektrik enerjisi və digər kritik infrastruktur obyektlərinə zərbə vuran ruslar taktikanın dəyişməsindən xəbər verir. Yeri gəlmişkən, Ukraynanın xarici işlər naziri Dmitri Kuleba “Twitter” hesabında “Rusiya döyüş meydanında vuruşmaq əvəzinə dinc sakinlərlə döyüşür”, - mesajını paylaşıb.

Ukraynanın oktyabrın əvvəlindən irəlilədiyi cənubda, Xersonda dönüş baş verib. Ruslar may ayında elan etdilər ki, ələ keçirə biləcəkləri yeganə regional paytaxt Xersonda sentyabrdan tam olaraq rus rublu istifadə edəcək. Lakin bu məqamda işğalçılar Xersonda yenidən Ukrayna qrivnasının istifadəsinə icazə verməli olublar. Ukraynanı yaxından izləyən Müharibə Araşdırmaları İnstitutu (ISW) qrivnanın yenidən dövriyyəyə buraxılmasını Rusiyanın uğursuzluğu kimi şərh edib.

Avqustun sonunda Xersonda əks-hücuma başlayan ukraynalılar rusları təəccübləndiriblər və şərqdə “ildırım sürətli basqınla” bir neçə gün ərzində Xarkovu azad ediblər. Donetsk və Luqanskı da itirən ruslar bu dəfə oktyabrın əvvəlində Xersonda məğlubiyyətə uğrayıblar.

Müharibədən əvvəl əhalisinin yarısının qaldığı Xersonda dinc əhalini evakuasiya etməli olan ruslar Dnepr çayının şimalında da mövqelərini itiriblər.

Bazar günü, oktyabrın 30-da ruslar Xerson cəbhəsində ən ağır zərbəni alıblar. Toqquşmalarda Rusiya ordusu 950 əsgərini itirib. Fevralın 24-də başlayan müharibədə Putin üçün 30 oktyabr “ən ölümcül gün” kimi qeydə alınıb.

Xersonda çəkilən və sosial şəbəkədə paylaşılan görüntülər rusların acınacaqlı vəziyyətini ortaya qoyub. Ukraynanın hücumundan qaçmağa çalışan rus əsgərlərinin gülərək zirehli maşına minməsi ilə başlayan 2 dəqiqə 5 saniyəlik videoçəkiliş bir neçə saniyədən sonra işğalçıların kabusa çevrilib.

Ukrayna raketlərindən uzaqlaşmağa çalışan zirehli maşın üzərindəki əsgərlərlə irəliləyərkən sağa dönür və xəndəyə enir. Bu vaxt əsgərlərin qışqırtıları eşidilir.

Yeddi aylıq müqavimətdən sonra səfərbərlik qərarını “qismən” elan edən Rusiya lideri Vladimir Putin üçün cəbhə xəttindəki kabus bitmir. Ukraynadakı müharibəyə göndərmək üçün 300 min ehtiyat əsgəri cəlb edən Rusiya ordusu payızda məcburi hərbi xidmətə başlayanları da Ukraynaya göndərəcək. ISW qeyd edir ki, Rusiya Müdafiə Nazirliyinin onların təlimləri başa çatdıqdan sonra - mart və ya aprel aylarında Ukraynaya göndəriləcəyini elan edib.

Sentyabrın 21-də elan edilən “qismən səfərbərlik”də işə götürülənlər cəmi bir neçə həftəlik təlimdən sonra cəbhəyə göndəriliblər. Hələ üç həftə keçməmiş ehtiyatda olan əsgərlərin ölüm xəbərləri gəlməyə başlayıb. 250 günlük işğal zamanı ən azı 70 min rus əsgərinin öldüyü məlumdur.

Video: My Webpage

Ana səhifəyə dön