Laçın yolunda avtomobillər sərbəst hərəkət edir

Şuşadan keçən Xankəndi-Laçın yolunda Rusiya sülhməramlılarına məxsus daha yeddi təminat və təchizat avtomobilinin hərəkətinə növbəti dəfə şərait yaradılıb.

Reyting.az “Report”a istinadla xəbər verir ki, nəqliyyat vasitələrinin maneəsiz hərəkəti təmin olunub.

Bir minik maşını və altı "KamAZ" markalı avtomobil Laçından Xankəndi istiqamətinə keçib.

Bu, bir daha sübut edir ki, aksiyanın keçirilməsinə baxmayaraq, yol, humanitar məqsədlər üçün açıqdır.

Qeyd edək ki, ötən gün Xankəndi-Laçın yolunda hər iki istiqamətə Rusiya sülhməramlılarına və Beynəlxalq Qızıl Xaç Komitəsinə məxsus ümumilikdə 21 avtomobil maneəsiz hərəkət edib.

Xatırladaq ki, Qarabağda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolunda keçirilən etiraz aksiyası 26 gündür davam edir.

Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.

***

Laçın yolunda Rusiya sülhməramlılarına məxsus daha bir avtomobilin hərəkət etməsinə şərait yaradılıb.

Reyting.az xəbər verir ki, "KamAZ" markalı avtomobil Laçından Xankəndi istiqamətinə keçib.

Qeyd edək ki, gün ərzində Laçından Xankəndi istiqamətinə Rusiya sülhməramlılarına məxsus ümumilikdə 8 avtomobil maneəsiz hərəkət edib.

***

Laçın yolunda Rusiya sülhməramlılarına məxsus daha bir maşının sərbst hərəkətinə şərait yaradılıb.

Reyting.az xəbər verir ki, həmin maşın Laçından Xankəndi istiqamətinə hərəkət edib.

Bununla da bu gün hələlik Xankəndi-Laçın yolunda hər iki istiqamətə 9 avtomobil maneəsiz hərəkət edib.

***

Laçın yolunda Rusiya sülhməramlılarına məxsus daha 9 maşının sərbəst hərəkətinə şərait yaradılıb.

Reyting.az xəbər verir ki, həmin maşın Laçından Xankəndi istiqamətinə hərəkət edib.

Bununla da bu gün hələlik Xankəndi-Laçın yolunda hər iki istiqamətə 18 avtomobil maneəsiz hərəkət edib.

***

Hava şəraitinin soyuq olmasına baxmayaraq, Azərbaycanın Qarabağ iqtisadi rayonunda faydalı qazıntı yataqlarının qanunsuz istismarına qarşı Xankəndi-Laçın yolunda keçirilən etiraz aksiyası gecə saatlarında da davam edir, yüksək əhval-ruhiyyə hökm sürür.

Reyting.az xəbər verir ki, saat 23.30 radələrində etirazçılar yolun Laçın və Xankəndi istiqamətlərində hərəkətə maneə törətmədən vətənpərvərlik ruhunda müxtəlif mahnılar ifa edirlər.

Eyni zamanda ekofəallar və gənc könüllülər dəyişməz olaraq “Azərbaycan oyaqdır, sərvətinə dayaqdır!”, “Azərbaycan vahiddir, sərvətinə sahibdir!”, “Ekoloji cinayətə son!”, “Stop ekoterror!”, "Берегите природу!", "Экоциду нет! Мониторингу да!" şüarlarını səsləndirirlər.

Aksiyaçıların toplaşdığı ərazidən keçən yolda ilk gündən olduğu kimi, hazırda da sərbəst hərəkətə heç bir maneə yoxdur. Yol humanitar məqsədlər üçün tam olaraq açıqdır.

Ana səhifəyə dön