Azərbaycan kommunistləri SSRİ-nin bərpa olunacağına inanır

Sovet Sosialist Respublikaları İttifaqının (SSRİ) 100 illik yubileyi əhəmiyyətini qiymətləndirmək mümkün olmayan bir hadisədir, heç bir halda təkcə simvolik məna daşımayan yubileydir.

Reyting.az xəbər verir ki, bunu Azərbaycandakı kommunist partiyalarından birinə rəbərlik edən Ədalət Abdinov deyib.

Ə. Abdinovun sözlərinə görə, yüz il əvvəl bolşeviklər partiyasının, bütün xalqın böyük səyi və fədakarlıqları bahasına dünyada ilk dəfə tarixən yeni tipli dövlət - ədalət, həqiqi azadlıq, bərabərlik, beynəlmiləlçilik və tərəqqi prinsiplərinə əsaslanan dövlət yaradıldı.

Kommunistin fikrincə, SSRİ-nin yaradılması təkcə keçmiş sovet respublikalarında deyil, həm də dünya tarixində ən mühüm nailiyyətdir:

“Biz haqlı olaraq 1917-ci ilin oktyabrını humanist azadlıq hərəkatının inkişafının ən yüksək nöqtələrindən biri adlandırırıq - 1945-ci ilin mayında qırmızı sovet bayrağı altında və Kommunist Partiyasının rəhbərliyi ilə qazanılan böyük qələbə ilə yanaşı. Ona görə də daimi xarici düşmənlərimizin və daxili tənəzzülə uğramış satqınların səyləri ilə həyata keçirilən çoxmillətli Sovet İttifaqının cinayətkarlıqla məhv edilməsi planetar miqyasda dəhşətli bir fəlakət idi. Bu fəlakətin nəticələri yüz milyonlarla insanın alçaldılması, yoxsulluğu və hüquqsuzluğu, dünyada onlarla qanlı toqquşmalar və Amerika imperializminin qlobal hegemonluğunun bərqərar olması idi”.

Ə. Abdinov

Ə. Abdinov qeyd edib ki, keçmiş Dağlıq Qarabağ, Abxaziya, Dnestryanı münaqişələr, Dağıstan, Çeçenistan, İnquşetiya faktorları, keçmiş Ukrayna Sovet Sosialist Respublikası ərazisində davam edən müharibə də SSRİ-nin dağılmasının birbaşa nəticəsidir: “İstər mövcud münaqişələrdə, istərsə də kollektiv kapitalist Qərblə qlobal qarşıdurmada qələbə yalnız sovet təcrübəsi əsasında, sovet dövrünün ən mühüm nailiyyətlərindən səmərəli istifadə etməklə, sivilizasiya inkişafının sosialist yoluna qayıtmaqla mümkündür.

1991-ci ildə ittifaqın xaincəsinə dağıdılması qardaş xalqların ruhunu ağrıdır, hansı ki, bizim çoxumuz bu xalqların birliyi şəraitində doğulmuşuq və hazırki vəziyyət SSRİ-nin dirçəlişi məsələsinin qaldırılması üçün münasib məqamdır”.

Ə. Abdinov əlavə edib ki, sorğulara əsasən keçmiş SSRİ ərazisində yaşayan insanların 80 faizi sovet dövrünü yaxşı vaxt hesab edir, 73 faizi isə SSRİ-nin dağılmasından təəssüflənir. “Ona görə də mən əminəm ki, müttəfiq respublikaların vətəndaşlarının böyük əksəriyyəti yenilənmiş SSRİ-nin yaradılmasını sevinclə qarşılayacaqlar ki, bu da bütün dünyada istehlak ideallarının boğucu hökmranlığından bezmiş çoxlu sayda insanı ruhlandıracaqdır. SSRİ-nin bərpası postsovet ərazisində millətlərarası münaqişələrin tədricən dayandırılması üçün əla imkan yaradır. Yeganə sual budur ki, indi kimin belə bir strateji addımı həyata keçirmək üçün kifayət qədər siyasi iradəsi var?

Qeyd edim ki, bu gün Rusiyada sosialist transformasiyaları və yenilənmiş SSRİ-nin dirçəlişi uğrunda mübarizənin lokomotivi sol vətənpərvər qüvvələrin geniş koalisiyasıdır. Və digər müttəfiq respublikalarında da bu istiqamətdə işlər gedir.

Yüz il bundan əvvəl başlanan bizim güclü, ədalətli Sovet Vətənini tarixi düşmənlərimiz istəməsələr də, bu gün davam edir. Bu gün hər birimiz onun həmmüəllifiyik və düşmənin məğlub olub-olmayacağı, Qələbənin bizim olub-olmayacağı yalnız bizdən asılıdır”.

Reyting.az

Ana səhifəyə dön