Dünya Rusiya-NATO müharibəsindən sığortalana bilmir

Pentaqonun Ukrayna ordusu, eləcə də Baltik və Qara dənizdə Rusiya-Qərb qarşıdurmasına dair sosial şəbəkələrə sızan məxfi məlumatları dünyanın mümkün Rusiya-NATO müharibəsindən sığortalanmadığını ortaya çıxarıb.

Reyting.az xəbər verir ki, Pentaqondan sızdığı iddia edilən kəşfiyyat sənədlərində aylar əvvəl Qara dəniz səmasında baş vermiş və dünya müharibəsinə səbəb ola biləcək bir detal var.

Amerikanın “Washington Post” qəzeti Britaniyanın casus təyyarəsinin az qala Rusiya təyyarəsi tərəfindən vurulduğunu yazıb.

Qəzet bildirir ki, əvvəllər elan edilmiş qarşıdurmalardan daha vacib olanı və NATO üzvlərini birbaşa müharibəyə cəlb edə biləcək hadisə 29 sentyabr 2022-ci ildə baş verib.

Hadisə Putin tərəfindən ələ keçirilən və Rusiyanın Qara Dəniz Donanmasının yerləşdiyi Krım yarımadası kənarında olub.

Pentaqonun sənədlərində "Britaniya RJ-i az qala vurulacaq",- kimi qeyd edilən hadisədə ingilis kəşfiyyat təyyarəsi “RC-135” radiosiqnalları və digər elektron mesajları toplamaq üçün istifadə olunub.

“Washington Post” Böyük Britaniyanın müdafiə naziri Ben Uollesin Qara dənizdəki insidentdən bir neçə gün sonra parlamentdəki çıxışını xatırladır. Həmin çıxışda nazir Uolles məlumat verir ki, Rusiyanın iki “Su-27” təyyarəsi Qara dənizdə beynəlxalq hava məkanında hərəkət edən “RC-135”-i ələ keçirib.

Sözügedən çıxışda ingilis təyyarəsinin yanına 5 metrə qədər yaxınlaşan rus təyyarəsinin hərəkəti "ehtiyatsız" sözü ilə izah edilir.

Britaniyanın müdafiə naziri Rusiya təyyarəsindən raket atıldığını bəyan edib və hadisəni “texniki nasazlıq” kimi qiymətləndirib.

“Washington Post” öz xəbərlərində Uollesin “demək olar ki, düşəcək”,-kateqoriyasına aid olmadığını vurğulayaraq, NATO-nun məşhur 5-ci maddəsinə istinad edib. 5-ci maddəyə görə, alyans üzvlərindən birinə silahlı hücum bütün NATO-ya hücum kimi qiymətləndirilir və kollektiv cavab tələb olunur.

Məlumata görə, sızdırılan sənədlərin “Gizli - xaricilər görə bilməz” kimi etiketləndiyini, Rusiyanın ABŞ, İngiltərə və Fransa müşahidə təyyarələrinə reaksiyasının təfərrüatlarının, eləcə də bu məsələ ilə bağlı işin olduğunu bildirib.

Noyabrın 30-da iki Britaniya “Typhoon” reaktivinin müşayiəti ilə “RC-135” casus təyyarəsini yenidən Rusiya döyüş təyyarələri izləyib. Məxfi sənədlərə görə, təqib zamanı Rusiya döyüş təyyarələri ilə Britaniya reaktivləri arasındakı məsafə 30 metrə qədər azalıb.

Pentaqonun sənədlərində oxşar hadisənin martın 14-də Amerika “MQ-9 Reaper” pilotsuz uçuş aparatının Qara dəniz sularına batmasından cəmi 20 gün əvvəl baş verdiyi məlum olub. Müvafiq olaraq, “MQ-9 Reaper” casus pilotsuz təyyarəsi fevralın 22-də uçarkən Rusiya təyyarəsi tərəfindən izlənilib və ruslar yenidən pilotsuz təyyarənin 30 metr yaxınına gəliblər.

"Washington Post" yazır ki, Pentaqon və Britaniya Rusiyanın ABŞ səfirliyindən Krım yarımadası yaxınlığında baş verən insidentlə bağlı şərh istəyib, lakin bu tələb rədd edilib.

Ümumilikdə 100 səhifəlik sənədin kim tərəfindən sızdırıldığı barədə hələlik məlum olmasa da, Rusiya kəşfiyyatı əsas şübhəlilərdəndir. ABŞ-ın yüksək rütbəli rəsmisi sızmaları “böyük kəşfiyyat çatları” kimi qiymətləndirərək, FTB-nin məsələ ilə bağlı araşdırmaya başladığını və sızmanın mənbəyini tez bir zamanda müəyyən etməyə çalışdığını bildirib.

Qeyd edək ki, bütün bunlar Ukrayna müharibəsi fonunda baş verir. Rusiyanın Ukraynanı işğal etmək cəhdi dünyanı dönməz şəkildə dəyişib.