Türkiyədə prezident seçkisi təkrar keçiriləcək

Bu gün səhər saat 8:00-dan qardaş Türkiyədə prezident və parlament seçkiləri ilə bağlı səsverməyə start verilib.

Reyting.az xəbər verir ki, prezident kürsüsü uğrunda Cumhur İttifaqının (AKP, MHP, BBP, HUDAR-PAR, YRP partiyalarının bloku) namizədi Türkiyə prezidenti Ərdoğan, Millət İttifaqının (CHP, İYİ, DEVA, GP, DP, Səadət partiyalarının) lideri Kamal Kılıçdaroğlu və ATA İttifaqının (Zəfər və daha bir neçə kiçik partiyaların bloku) namizədi Sinan Oğan yarışır.

Parlament seçkilərində də əsas mübarizənin Cumhur, Millət və kürd siyasilərin birləşdiyi Əmək və Azadlıq İttifaqları (HDP, Yaşıl Sol və s) arasında gedəcəyi şəksizdir.

Səsvermə ölkə üzrə saat 08:00-da başlayıb və saat 17:00-da başa çatacaq.

***

Bu gün səhər saat 08-da Türkiyədə başlayan prezident və parlament seçkiləri ilə bağlı səsvermə yerli vaxtla saat 17.00-da (Bakı vaxtı ilə saat 18.00-da) başa çatıb.

Reyting.az xəbər verir ki, artıq səslər sayılır.

Bu gün saat 24.00-dək ölkənin yeni prezidentinin adı bəlli ola bilər.

***

Türkiyədə prezident və parlament seçkilərinin ilkin nəticələri açıqlanır.

Səsvermə bülletenlərinin 10,86 faizinin sayılmasından sonra hazırkı prezident Rəcəb Tayyib Ərdoğan 58,34 faiz səs qazandığı məlum olub.

İkinci yerdə 35,84 faiz səslə “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıçdaroğlu gəlir.

Üçüncü yerdə Sinan Oğan qərarlaşıb (5,21 faiz).

Parlament seçkilərində, ilkin nəticələrə görə, “Cümhur İttifaqı” 67,91 faiz, “Millət İttifaqı” 21,75 faiz, "Əmək və Azadlıq İttifaqı" 6,50 faiz, “Ata İttifaqı” 0,71 faiz səs toplayıb.

Qeyd edək ki, bu gün Türkiyədə prezident və parlament seçkiləri keçirilib. Seçkilər üzrə 64 milyon 113 min 941 nəfər seçici qeydə alınıb. Ölkə daxilindəki seçici sayı 60 milyon 697 min 843 nəfərdir. Xaricdə yaşayan 3 milyon 416 min 98 seçicinin səsverməsi isə bir neçə gün əvvəl yekunlaşıb.

Prezident vəzifəsi uğrunda 3 namizəd mübarizə aparır - “Cümhur İttifaqı”nın namizədi, hakim Ədalət və İnkişaf Partiyasının sədri, hazırkı dövlət başçısı Rəcəb Tayyib Ərdoğan, “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıçdaroğlu və “Ata İttifaqı”nın namizədi Sinan Oğan.

“Cümhur İttifaqı”nda Ədalət və İnkişaf Partiyası, Milliyyətçi Hərəkat Partiyası, Böyük Birlik Partiyası, Yenidən Rifah Partiyası, Hür Dava Partiyası və Demokratik Sol Partiyası birləşib.

“Millət İttifaqı”nda Cümhuriyyət Xalq Partiyası, İYİ Partiya, Səadət Partiyası, Gələcək Partiyası, Demokrat Partiyası və Demokratiya və İnkişaf Partiyası (DEVA) təmsil olunur. “Ata” İttifaqına Zəfər, Ədalət, Ölkəm və Türkiyə İttifaqı partiyaları daxildir.

Parlament seçkiləri üzrə 36 siyasi partiyanın namizədi qeydə alınıb.

***

Türkiyədə keçirilən prezident seçkilərində səsvermə bülletenlərinin 65,72 faizi sayılıb. Məlumata görə, hələ ki, prezident Rəcəb Tayyib Ərdoğan 51,43 faiz səslə öndədir.

Reyting.az xəbər verir ki, ikinci yerdə 42,74 faiz səslə “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıçdaroğludur.

Üçüncü yerdə Sinan Oğan gəlir (5,32 faiz).

Ümumilikdə seçici fəallığı 88 faiz təşkil edir.

Parlament seçkilərində səsvermə bülletenlərinin 45,28 faizinin sayılmasından sonra hakim Ədalət və İnkişaf Partiyası 38,08 faiz, müxalif Cümhuriyyət Xalq Partiyası 22,36 faiz, Milliyyətçi Hərəkat Partiyası 11,86 faiz, İYİ Partiya 9,71 faiz, Yaşıl Sol Partiya 8,10 faiz səs toplayıb.

***

Türkiyədə keçirilən prezident seçkilərində səsvermə bülletenlərinin 76,14 faizi sayılıb, hazırkı prezident Rəcəb Tayyib Ərdoğan 50,89 faiz səslə öndədir.

İkinci yerdə 43,30 faiz səslə “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıçdaroğlu gəlir.

Üçüncü yerdə Sinan Oğan qərarlaşıb (5,32 faiz).

Ümumilikdə seçici fəallığı 88 faiz təşkil edir.

Parlament seçkilərində səsvermə bülletenlərinin 60,47 faizinin sayılmasından sonra hakim Ədalət və İnkişaf Partiyası 37,16 faiz, müxalif Cümhuriyyət Xalq Partiyası 22,30 faiz, Milliyyətçi Hərəkat Partiyası 11,38 faiz, İYİ Partiya 9,89 faiz, Yaşıl Sol Partiya 8,20 faiz səs toplayıb.

***

Türkiyədə səsvermə qutularının 99,86 faizi açılıb.

TRT-nin məlumatına görə, Rəcəb Tayyib Ərdoğan 49,34 faiz, Kamal Kılıçdaroğlu 44,99 faiz, Sinan Oğan 5,23 faiz səs toplayıb.

***

YSK sədri ikinci tur seçkisi barədə açıqlama verib.

Reyting.az xəbər verir ki, YSK sədri Əhmət Yener Ərdoğanın 49.50, Kılıçdaroğlunun 44.89 faiz səs aldığını bəyan edərək, Türkiyənin təkrar seçkiyə getdiyini rəsmən bəyan edib.

Beləliklə, Türkiyə xalqı prezidentini seçmək üçün 28 mayda təkrar seçki olacaq.

Reyting.az

Ana səhifəyə dön