Belarus prezidenti Aleksandr Lukaşenko Sülh Şurası liderlərinin görüşündə iştirak etməyəcək.

Reyting.az xəbər verir ki, bunu Lukaşenkonun mətbuat katibi Natalya Eysmont “Pul Pervogo” Telegram kanalında bildirib.

“Bəli, Belarus prezidenti Sülh Şurası liderlərinin ilk görüşünə dəvət alıb. Təəssüf ki, biz bunu gec aldıq. Prezidentin bu dövr üçün cədvəli artıq planlaşdırılmışdı. Biz ABŞ-a səfər etməkdən məmnun olardıq, amma təxirə salına bilməyən məsələlər var”, - Eysmont deyib.

Bundan əlavə, o qeyd edib ki, “Avropa İttifaqı üzərindəki hava məkanının bağlanması nəzərə alınmaqla, əsasən Avropa İttifaqı tərəfindən tətbiq edilən qanunsuz sanksiyalar səbəbindən yarana biləcək mümkün logistik çətinliklər” də nəzərə alınır: “Həm də bu baxımdan - istəklərimizə baxmayaraq - Lukaşenko bu tədbirdə iştirak edə bilməyəcək”.

Mətbuat katibi əlavə edib: “Biz ABŞ prezidentinin və Sülh Şurasının bütün qlobal münaqişələrin sülh yolu ilə həllinə olan öhdəliyini tam şəkildə bölüşürük”.

Eysmontun sözlərinə görə, Belarusu Vaşinqtonda xarici işlər naziri təmsil edəcək: “O, Belarus Respublikasının Sülh Şurasında iştirakı, regional vəziyyət və ikitərəfli Belarus-Amerika münasibətləri ilə bağlı digər məsələləri müzakirə edəcək”.

Amerika tərəfinin bu qərar barədə məlumatlandırıldığı bildirilir.

V. QULİYEV