Putinin “faydalı axmaqları”nın siyahısı yayılıb

“The Economist” bilərəkdən və ya bilməyərəkdən Rusiyanın şərikinə çevrilən Avropa ölkələrinin siyahısını dərc edib. Siyahı Putinin “faydalı axmaqları” adlanır.

Reyting.az xəbər verir ki, “faydalı axmaqlar” siyahısına Macarıstan, Avstriya, Yunanıstan və İsveçrə daxildir.

Marin Le Pen, Robert Fiko, Matteo Salvini və başqa rusiyayönlü siyasətçilərin rolu ayrıca qeyd olunur.

Məqalədə yazılır ki, Avropadakı “faydalı axmaqlar”ın spektri - kommunizmin bilmədən müttəfiqləri üçün Soyuq Müharibə termini genişdir:

“Siyasətdə həm ifrat sağ, həm də ifrat sol partiyalar bir çox məsələlərdə fikir ayrılığına düşmürlər, lakin Ukraynada bu ifratlar tez-tez tələblər irəli sürmək üçün birləşir. Rusiya təcavüzünü torpaqla effektiv şəkildə mükafatlandıracaq dərhal sülh təklif edirlər. Mediada və akademiyada ziyalılar hələ də Rusiyanın imperiya niyyətləri və cinayət sferasına sürüşməsi ilə bağlı sübutlara məhəl qoymur və bunun əvəzində avropalıların “proxy” adlandırdıqları şeydə çaşqınlıq içində olduqlarına görə təəssüflənirlər. İş dünyasında isə Qərbin çoxsaylı sanksiyalarına baxmayaraq, Rusiyanın da çoxlu “dostları” var”.

Nəşr, Putinin “köməkçiləri” arasında bir neçə Avropa hökumətinin də adını çəkir:

“2010-cu ildən Macarıstanın baş naziri olan Viktor Orban buna ən bariz nümunədir. Populist lider dəfələrlə Qərbi Ukraynanı dəstəklədiyinə görə tənqid ədəfinə çevirib və Rusiya qazının Macarıstana idxalına davam edib. Onun hökuməti NATO və Avropa İttifaqı vasitəsilə Ukraynaya ötürülən silahların tranzitinə də icazə vermir.

Qonşu Avstriya da, daha sakit, lakin eyni dərəcədə uğurla, NATO-ya üzv olmamasını və özünün Şərqlə Qərb arasında körpü rolunu əsas gətirərək, Rusiya ilə ticarəti getdikcə genişləndrir, Ukraynaya cüzi köməklik göstərdiyini əsas gətirərək mübarizədən kənarda qalır.

Avropa İttifaqının başqa bir üzvü olan Yunanıstan Aİ sanksiyalarına əməl edir, lakin Yunanıstan firmalarının ticarətdən çox qazanc əldə etməsinə görə Rusiyanın neft tədarükünə qarşı sanksiyaları daha da sərtləşdirməkdən çəkinir. Bu yaxınlarda və Amerikanın güclü təzyiqi altında ofşor maliyyə cənnəti olan Kipr Rusiyaya məxsus 4000-ə yaxın yerli bank hesabını bağlayıb”.

“The Economist”in yazdığına görə, bəzi ölkələrin nəcib görünən niyyətləri Putinin ürəyini istiləşdirən siyasətə çeviriblər. İsveçrə öz bitərəfliyini əsas gətirərək Ukraynaya silah daşınmasını əngəlləmək üçün hiyləgər yerli qanunlara əl atıb.

Slovakiyada sorğular göstərir ki, “Ukraynalı faşistləri” Putini təxribatda ittiham edən solçu russofil Robert Fikonun partiyası sentyabrda keçirilməsi planlaşdırılan ümummilli seçkilərdə qalib gələcək.

Fransa parlament komissiyası bu yaxınlarda prezident Emmanuel Makronun ötənilki seçkilərdə ən yaxın rəqibi olan Marin Le Peni 2014-cü ildə Krımın ilhaqından sonra Rusiyanın təbliğatını təkrarladığına görə tənqid edib. O, Rusiyanın Ukraynaya təcavüzünü pisləyib, lakin keçən oktyabrda, müharibənin başlamasından 7 ay sonra Rusiyaya qarşı sanksiyaların işə yaramadığını deyib.

İtaliyada ifrat sağçı baş nazir Corciya Meloni Ukraynanın güclü tərəfdarı olduğu halda, onun koalisiyasında ikinci böyük partiyaya rəhbərlik edən Matteo Salvini sanksiyaların əleyhdarıdır və ən azı işğaldan əvvəl Putinin elan edilmiş pərəstişkarıdır.

Məqalədə Avropa İttifaqına üzv olmayan Türkiyə və Serbiya kimi ölkələrin Rusiya ilə geniş əlaqələr yaratmalarını gizlətmədikləri də qeyd olunub.

E. KAMAL

Ana səhifəyə dön